木玥巷 (Closed)

餐廳：木玥巷地區：元朗地址：元朗媽橫路9號富來花園地下17-18號舖日期：25/10/2021時間：19:00人數：2人 等位： 0mins 價錢： ＄320之前已食過兩次屯門果間分店真係好好食😋，不過地區冇咁方便唔近西鐵站，見元朗開多間分店二話不說即刻去捧場🤣我哋今次嗌左煎元貝干貝醬炒飯（$90）、鳳梨蝦球（$92）、台灣雙色腸（$38），飲品係木玥黃金水果茶（$38）及藍莓多多綠茶（$32），總共$320。炒飯夠乾身，粒粒分明，元貝好大粒，煎到外層金黃色，但食落鮮嫩多汁，加上一絲絲瑤柱碎、雞蛋、鮮蘆筍，好足料好夠鑊氣😋蝦球大大粒🤩，係原隻蝦仁，冇外殻，啖啖肉好彈牙，經過炸後外皮香脆但炸衣唔厚混合蛋黃醬，好開胃🤤再配搭鮮甜多汁既鳳梨🍍好味😋而小食係原味台灣腸加黑色墨汁腸，就咁食已經好好味，再配埋甜不辣醬汁，食落甜甜辣辣，另有一番風味😚水果茶勁抵飲，超大杯，鳯梨配百香果又甜又酸，清新解渴好岩飲👍藍莓多多綠茶有清新藍莓香味及淡淡茶味，香甜順口，仲健康有益😙

上次喺屯門試過，覺得幾唔錯☺️所以見喺元朗開咗分店，而且地點仲幾方便，就即刻帶朋友去試吓啦😆😆雙色鹽酥雞 ($56)最初好好奇鹽酥雞點樣可以係雙色🤔原來係原味同南乳味😲雞炸得好酥脆，又唔會乾柴柴，仲有炸到脆卜卜嘅雞皮，好滋味🤤鳳梨蝦球 ($92)蝦球又多又大粒😍夠哂爽彈，加上沙律醬同香甜嘅鳳梨🍍好好食☺️蟹肉金絲炒新竹米粉 ($96)見好多介紹都話要試呢道菜，朋友亦表示試過咁多台灣菜都冇見過，覺得好新奇好想試😝 米粉炒得金黃剔透真係好特別，而且炒得夠乾爽唔油膩👍🏼蟹肉亦都比得好足，夠哂鮮味😋木玥招牌水果茶 ($38)呢度嘅大大杯水果茶必定要推介俾朋友試😌果然大杯到連佢都覺得好震撼🤪 柚子同百香果甜甜酸酸，清新又開胃😙白桃桂花烏龍清茶($32)如果唔想飲甜野呢個啱哂😆冇加任何糖漿，味道全來自嗰茶底，桂花香中帶微微嘅白桃甜，清清地，唔錯👍🏼

平時好少入元朗，今次放工去咗朋友屋企，咁我哋就喺附近揀咗一間台灣嘢食，估唔到有幾有驚喜喎！金沙抹茶奶泡抹茶味都幾濃，奶味適中，唔會好甜。玫瑰可可鮮奶飲落去好香玫瑰味，但又唔會遮蓋左可可鮮奶味，啱啱好。鳳梨蝦球呢個好好食😋！佢係炸左嘅蝦球配埋菠蘿同埋沙律醬，菠蘿酸酸甜甜，就算外層包左一層沙律醬，但加埋菠蘿一齊食都唔會漏，蝦球好爽口彈牙，呢個我哋好快就清晒！炒水蓮第一次食炒水蓮，本身食唔慣，但食食吓又覺得OK喎，佢係好爽口嘅菜，結果食下食下就成碟清晒😂。蟹肉金絲炒新竹米粉呢個推介必食！份量超多，而且蟹肉份量都唔少，米粉炒得好乾身，入面應該加咗啲芽菜同瓜，所以食落都幾爽口。地瓜條由於我係勁鍾意食番薯條嘅人，見到呢個忍唔住叫，上面加咗啲梅子粉，幾開胃。琥珀合桃其實呢樣嘢係一坐低佢就會送上嚟嘅，我都係第一次食台灣菜會送琥珀合桃，好食到我最後忍唔住買咗一盒走，佢色澤好靚，而且每一粒合桃都包左層糖衣咁，好香芝麻味，其實呢樣嘢好考功夫，因為好容易炸到燶咗有苦味，所以呢個真係有驚喜！