豪隍點心工房 (Closed)

我們一行4人，因為有同事極力推介豪隍點心- 蝦餃皇同燒賣皇，雖然觀塘有啲遠，但因為新年未開工，所以就一齊去試。我哋分別叫咗11款點心 ： 蝦餃皇 同 燒賣皇 - 真係勁多蝦 ，鍾意食蝦嘅朋友不妨一試； 豉汁蒸排骨 - 本人就覺得一般，因為我覺得有啲排骨好多肥膏；豉汁蒸鳳爪- 都ok入味；五香金錢肚 - 賣相同份量都ok,都夠入味同埋唔算好韌；鳳爪排骨飯- 雖然睇落份量唔係好多，但勝在啲飯夠乾身粒粒分明，好味；墨西哥叉燒包- 感覺上比出邊酒樓好似細少少（嗰包）但勝在入邊啲叉燒冇乜肥膏所以都好味😋；蓮藕煎鯪魚餅 - 煎得都OK，太會太燶同太油；香茜牛肉腸-一般，因腸粉唔算太滑；沙律什果鮮蝦雲吞-本人無食，所以唔知好唔好味；龍仔馬拉糕- 賣想都唔錯，但因為太飽無食，同事食完講好味。整體食物質素都ok,值得一試👍🏻😊。但如果大家想試記住要book位，如果唔係就要係樓梯位排隊。服務一般，因為職員好忙，但都快手快腳，不會只顧傾計唔做嘢。價錢方面不算特別平，跟一般酒樓價錢相若，但質素比一般酒樓好。改善方面：如果用膳時間長少少會較好，因為得70分鐘比較趕，如果想傾計就唔係好夠。

佢個位置唔算好方便，喺地鐵站行過去要10分鐘左右我假日12點前去到已經排晒長龍，好彩拎咗飛喺附近兜咗一陣，等咗大半個鐘到就入得😆墨西哥叉燒包(中點$25)送上嚟嘅時候暖笠笠，一啖咬落去，外層好香好鬆軟，麵包嘅甜味加埋叉燒餡嘅味道好豐富🤤嚟到一定要嗌呢個！蜜汁叉燒腸(大點$28)腸粉幾足料，包滿晒叉燒，個皮厚薄適中，好滑👍🏻推薦～蝦仁燒賣皇(中點$25)一籠得兩粒有少少貴，不過👦🏻鍾意食燒賣，就一次過嗌足兩份，四粒一齊上☺️食落啖啖肉，冬菇味幾香，每粒燒賣都有三隻完整嘅蝦🦐夠晒足料籠仔馬拉糕(中點$25)馬拉糕嚟講，以呢個價錢有啲連鎖酒樓得四分一個，但呢度係原籠上😍雖然攤凍咗少少先食，但都keep到好鬆軟，係童年回憶嘅味道😏另外仲叫咗：鳳爪排骨飯(特點$34)個飯唔會死咸好重味精，飯粒粒分明，都不錯😉高湯鮮竹卷(小點$23)呢個我反而覺得普通，無乜特別驚喜，下次可以試吓其他🤣茶芥$6位，食咗咁多嘢，賣單每人都唔使一舊水😌主要係覺得佢夠足料，性價比高，食得好滿足環境﹕7/10抵食﹕8/10味道﹕7.5/10

呢間點心已經想試好耐, 無奈次次都好多人, 今日終於的起心肝過來排隊。雖然要排隊, 但都只係等左大約半個鐘, 比我預期中快。佢地既點心全部都大大件, 好抵食。蝦仁燒賣皇 2粒 (中點 $25) - 大大粒, 豬肉彈牙, 蝦仁好爽口。養顏紅棗糕 (小點 $23) - 甜度適中, 夠哂養生。蜜汁叉燒腸 (大點 $28)- 腸粉皮夠哂薄, 叉燒好食。鳳爪排骨飯 (特點 $34)- 排骨份量好多, 鳳爪好軟淋。蒜蓉芝士長春卷 (特點 $34) - 啖啖蝦肉, 香脆可口。蝦餃拼粉果 各2粒 (特點 $34)- 蝦餃大大粒, 勁多蝦肉好抵食。- 粉果蒸得太淋, 一夾起皮便穿, 相對失色。 醬汁茄子拼尖椒 各2件 (頂點 $30) - 全部都大大件, 醬汁香濃惹味, 推介。生煎蘿蔔糕 (小點 $23) - 煎得香脆可口, 食到一絲絲既蘿蔔絲。豪隍點心工房觀塘敬業街65- 67 號敬運工業大廈1樓A室港鐵觀塘站 B1 出口, 步行約6分鐘

人均💰$70早上11點前入座更抵😆😆又黃又好食既點心鋪💛💛已經食過好多次終於黎寫食評🤣無論堂食定外賣都咁出色！———————————————特別推介點心：🔸蝦餃超級大粒直頭係oversize😆一粒蝦餃大約有5-6隻蝦外皮夠薄 蝦肉爽口 真材實料👍🏻.🔸燒賣燒賣都係大大粒！餡料豐富實淨 .🔸叉燒腸粉完美示範咩叫皮薄餡靚😍叉燒多到突哂出黎😆.🔸鳳爪排骨飯呢間啲排骨幾好食肥瘦均勻 唔會全部肥肉👍🏻.其他點心菜苗餃 又係大大隻😂鮮竹卷by M

好彩細佬有book位，唔係就應該有排等🙈5條友叫咗2x樣嘢，好瘋狂但好開心😍·•鮮蝦腐皮卷。熱辣辣卜卜脆，每舊都食到蝦👍🏼•蓮藕煎鯪魚餅。唔食鯪魚既我都覺得好好味•酸甜青瓜拼燒豬頸肉。食落好似泰式豬頸肉咁，正😋•墨西哥叉燒包。好味wor，d叉燒餡好得•蝦仁燒賣皇。超大粒！蝦，全部都係蝦，彈牙，正🤤•醬汁茄子拼尖椒。超大份，煎得好好味，好香口☺️•蒜蓉芝士長春卷。好脆好好味，不過就無乜芝士味😂·第一次食覺得好唔錯，會encore👍🏼姑姐話今次d野食有進步

個入口對第一次去既人唔太易搵店舖裝修光明簡約，餐桌間距闊落，餐椅都好好坐，舒服😌鳳爪排骨飯係成個煲仔咁上，其實好應該寫系個餐牌度😙30幾蚊邊諗到有成煲飯，又略略帶少少飯焦既，仲要排骨舖滿面頭🤩 咁大賣點唔寫太可惜啦，比廟街啲煲仔飯專門店更足料🤭其實一個人一餐一煲飯咩都飽，但我唔知路咁仲嗌多左點心😅 個鮮蝦菜苗餃好啱我口味😋 有完完整整3隻蝦仔之餘，仲係我至愛既蒜味😍 個皮又唔厚😋最後要介紹既係佢極受歡迎，幾乎每枱都嗌、外賣落單成日有（聽到店員大嗌）、隔離枱埋單都要加份外帶既墨西哥叉燒包❣️ 一上枱，奶味撲鼻👃🏻 咬落去唔係叉燒醬而係粒粒叉燒肉😋間舖標榜自設點心工房，相信都係，啲點心由外到內都好熱，建議上枱後要嘆一嘆，再細細啖咁咬，唔好辣親呀😏無加一，得$6位茶錢，咁足料又好食，好值得再三幫襯😁

日前從同事口中得知已完成裝修工程，今日去食點心下午茶～兩點入座，唔洗等位～下午茶時間，餐紙同裝修前個張唔同咗，希望質素一樣就好～而家價錢統一$38: 可選一個主食加一個點心，另加每位茶錢$5。張餐紙內容係同午餐一樣的，但價錢平$6㗎！京式义燒包上枱時出晒煙，熱辣辣，個包軟熟，义燒餡調味適中，食完唔會覺得滯，好食喎！山竹牛肉球無諗過下午茶餐都有三粒，大大粒，又多腐竹！平時個啲得一片，要搶先有得食，哈哈～牛肉球好好食，出面好多都係粉球，呢粒咬落去好實在鳳爪排骨飯份量唔小，好多餸。但排骨就一般般，雪藏？入面粉紅色，但個質地係熟既，無咩肉味咁囉，鳳爪正常。但個飯底就唔錯喎，有咬口，軟硬適中仲有油香～上飯時跟咗碟菜甫，開胃，小酸帶微辣，有陣乳酸味上湯浸時菜食食下，老闆（應該係）走嚟問我地加唔加$1要碟菜，諗咗陣都係要咗，係好抵，只怕食唔晒，浪費食物。老闆話幾條唔係太多，但嚟到條條都好大條囉跟著平時唔食菜既同事幫手食咗一條！佢話好食！跟著我清咗碟菜～好食，煮得適中，外爽內軟，好清新～個上湯都好味，但個樣係淥菜水咁既色呢張就係推廣單張嘞～一至五日日唔同～不過唔知到幾時呢～$1真係好抵！埋單$43，飽

今時今日嘅茶樓已經靜靜地起革命等位 NOway搭枱 NOway位於工廈嘅豪隍點心工房，論裝修，服務都比一D舊式酒樓好一行4人被安排坐近廚房的4人卡位點心嘅選擇同一般酒樓差唔多，但價位比酒樓平食滿$40仲送飲品一杯 (total送左4杯)推介食物：鳳爪排骨飯香脆炸雞翼 (帶少少南乳味, 外皮夠脆, 唔錯)需要改善：茶味較淡 (得一款茶, 玄米茶)温泉蛋牛肉飯 (牛肉就係生竹牛肉果d牛肉，用碎牛應該會好食D)突然事件 食食下突然間停電, 大概3分鐘就搶修返, 應該係跳fuse