Video
Read full review
2020-09-25
759 views
個入口對第一次去既人唔太易搵店舖裝修光明簡約，餐桌間距闊落，餐椅都好好坐，舒服😌鳳爪排骨飯係成個煲仔咁上，其實好應該寫系個餐牌度😙30幾蚊邊諗到有成煲飯，又略略帶少少飯焦既，仲要排骨舖滿面頭🤩 咁大賣點唔寫太可惜啦，比廟街啲煲仔飯專門店更足料🤭其實一個人一餐一煲飯咩都飽，但我唔知路咁仲嗌多左點心😅 個鮮蝦菜苗餃好啱我口味😋 有完完整整3隻蝦仔之餘，仲係我至愛既蒜味😍 個皮又唔厚😋最後要介紹既係佢極受歡迎，幾乎每枱都嗌、外賣落單成日有（聽到店員大嗌）、隔離枱埋單都要加份外帶既墨西哥叉燒包❣️ 一上枱，奶味撲鼻👃🏻 咬落去唔係叉燒醬而係粒粒叉燒肉😋間舖標榜自設點心工房，相信都係，啲點心由外到內都好熱，建議上枱後要嘆一嘆，再細細啖咁咬，唔好辣親呀😏無加一，得$6位茶錢，咁足料又好食，好值得再三幫襯😁
店舖裝修光明簡約，餐桌間距闊落，餐椅都好好坐，舒服😌
鳳爪排骨飯係成個煲仔咁上，其實好應該寫系個餐牌度😙30幾蚊邊諗到有成煲飯，又略略帶少少飯焦既，仲要排骨舖滿面頭🤩 咁大賣點唔寫太可惜啦，比廟街啲煲仔飯專門店更足料🤭
其實一個人一餐一煲飯咩都飽，但我唔知路咁仲嗌多左點心😅 個鮮蝦菜苗餃好啱我口味😋 有完完整整3隻蝦仔之餘，仲係我至愛既蒜味😍 個皮又唔厚😋
最後要介紹既係佢極受歡迎，幾乎每枱都嗌、外賣落單成日有（聽到店員大嗌）、隔離枱埋單都要加份外帶既墨西哥叉燒包❣️ 一上枱，奶味撲鼻👃🏻 咬落去唔係叉燒醬而係粒粒叉燒肉😋
間舖標榜自設點心工房，相信都係，啲點心由外到內都好熱，建議上枱後要嘆一嘆，再細細啖咁咬，唔好辣親呀😏
無加一，得$6位茶錢，咁足料又好食，好值得再三幫襯😁
鳳爪排骨飯
39 views
1 likes
0 comments
鮮蝦菜苗餃
32 views
0 likes
0 comments
墨西哥叉燒包
32 views
0 likes
0 comments
Post
