寬巷子 (Closed)

鴛鴦湯底 ($338)Yummy同友人咩湯底都想試，叫左紅泥小染（四川激辛鍋）同東方美人 (豚骨）。麻辣鍋麻味夠但唔夠辣，但整體都香。豚骨鍋正常表現。🔥手握壽司滑盛合 ($268)個樣以假亂真，同行友人一度以為係熟食😂😂 盛合係鮑魚/鮮蝦/牛肉/豚肉各兩件，試左鮑魚同鮮蝦😋🥰幾新鮮。枝仔冰彩虹款（$168)用蝦肉，豬肉，花枝整嘅。味道似墨魚滑魚糕果類但唔係特別好食。🔥溫體牛（3oz $298) 見佢人氣之選就叫左，有dd咬口，脂肪少但唔會韌，減脂之選☺️🔥美國牛小排 (3oz $268) 牛小排油脂多又靚，呢度d肉都有d質素。🔥煙燻櫻桃鴨肉串 賣相係普通鴨胸串咁，但食落好有驚喜😍。煮得耐咗個鴨肉都仲好嫩，而且個煙燻味好正，完全冇俾鍋底蓋過。🔥滷香大腸頭 ($78) 前菜嚟講稍貴，但份量多又好淋！大家所專攻呢碟！

又同朋友去慶祝生日，今日特登揀一間外表好靚嘅麻辣火鍋餐廳，因為朋友好鍾意食台式嘅打邊爐同埋鴨血。呢一間啲湯底真係不得了，個麻辣鍋本身已經有鴨血，我哋再加左一份鴨血，我朋友食到勁滿足😋麻辣嗰邊又香又辣，另一邊係唔辣嘅菇湯，松茸菇嘅香味撲鼻而來真係令人口水都流晒🤤啲嘢食好新鮮，店員會好親切咁話俾你聽邊樣嘢要淥幾耐，唔會overcook❤️仲有個蔬菜拼盤，切到成個盆栽咁，一上枱已經好吸睛😍順帶一提，佢連啲特飲都好好飲，我哋點左百香果茶，唔會太甜，非常之夾打邊爐🍲

多得我哋嘅天才正苦，繼續免檢疫放人入嚟，似乎出街食碗安樂茶飯嘅日子，繼續遙遙無期。☹️​唔出門，只好繼續回顧之前食過咩好西囉～今日分享嘅係台北過江龍「寬巷子」！熟台灣嘅朋友，應該都聽過呢間火鍋店～主打將藝術與飲食融為一體，所有菜餚都極之精緻，靚到人唔捨得食！💕​因為故友重聚，今次叫嘢食都幾乎無睇價錢，然後就荷包重創～😂席上其中一位台灣友人仲笑話，呢間店確係台北麻辣鍋嘅巔峰，不過唔係指最高級，而係指價錢🙈言歸正傳，古厝板門、燈籠、花卉油牆，我真係好鍾意寬巷子古色古香嘅感覺。店子仲有一排位置對正維港（可惜嗰日我哋Book唔到），係度打邊爐真係勁奢侈！😍打開menu，先揀湯底，今次我就揀咗「紅泥小染」及「貢布豬肚湯」～紅泥小染係四川辛辣鍋，入面幾多鴨血，麻辣得嚟幾惹味；貢布豬肚湯則胡椒味、藥材味較重，幾滋補。每個鴛鴦湯底中間仲有個麻辣醬，嫌湯底唔夠辣，可以再點呢個汁～辣怪應該好開心～（我就不了😂）另外，佢哋仲可揀豬骨湯、2款雞湯同茶樹菇湯（素），合共6款選擇。寬巷子最出名係製成花形嘅肉花盛合，呢款盛合都係用來自日本、澳洲嘅和牛，肉質鬆軟，肉味濃郁又甘甜，滾兩滾食得，入口即化，味道方面真係無得輸

又到老豆生日既時候，就要諗下帶佢去食咩好西慶祝下🥳😋好彩近期開左寬巷子，之前睇到有報導話佢終於黎香港開店、立馬book左同老豆老媽子試菜兼慶生！🤤餐廳位於海港城地下，喺連卡佛嗰邊，地點地段都唔駛彈架啦！💯而且門口既裝修又多左一份古典美，同商場設計同埋周邊商店相映成趣😚店員話見我地早左少少到，可以安排到我地坐窗邊位，完全係一個維港煙花🎆景！好靚啊！😍😍就算喺出面碼頭都唔會睇咁耐，今晚可以一邊食一邊睇住，一坐低仲開始幻彩詠香江🤣一睇佢個Menu，都不禁嘩左一聲，因為佢啲食物樣樣都好似藝術品咁靚！😍雖然款式唔算係好多，但係好似樣樣都係必食招牌菜咁🤗當然價錢都有返咁上下啦。先揀咗兩款湯底做個鴛鴦鍋，就點左幾樣招牌菜，包括玫瑰🌹松板、鳳梨🍍酥、菠菠糖、花團錦簇🌺🌸🌼🌻齋睇名就真係唔知咩黎咁🤪🥴落左單冇耐，就先上左湯底，店員都好細心介紹湯底既材料；未講完食物都陸續到啦！咁佢就繼續耐心咁介紹埋食物，同埋每一款大約要煮的時間🤗👍🏼服務好周到！而且呢位講台灣腔國語既哥哥好溫柔，嗰一刻我阿媽都話以為自己飛左去台北🤣如果講食物，最吸晴既就一定係個玫瑰松阪同埋花團錦簇😍玫瑰重版其實係豬嘅頸嘅部份，設成厚片再對