鴨子園 (Closed)

今天入天水圍探朋友，晚飯時去了朋友介紹T Town呢間鴨子園，試吓特色上海菜。店子頗大，裝修唔錯，我地一行5人被安排坐半卡位，感覺幾乾淨企理。一打開個餐牌，首先覺得野食唔貴，一般小菜都是60幾至70幾（海鮮除外）。雞絲粉皮麻醬夠香，估唔到青瓜份量也好足夠，伴埋粉皮一齊食，青瓜調和咗整碟味道，非常好吃，一點也不膩口，好快已被我地KO整碟。食上海野點會無我最鍾意既擔擔麵及鍋貼。擔擔麵麵條夠爽，麻醬味啱啱好，肉碎不多肥豬膏，由於個麵一上枱就太香，又是瞬間被我地每人一小啖KO唒。鍋貼我地叫咗兩客，唔使爭食。皮煎得香脆，肉餡不似街外嗰啲xx大王咁，肥肉多過瘦肉，肉汁豐富，食完後本想再叫多一碟，但擔心食唔哂其他野，所以hold住。主菜我地叫咗 山楂鳳梨咕嚕雞、芥末牛柳粒、花雕浸醉乳鴿、清炒西蘭花，再加多個我朋友極力推介的鴨子園炒飯。由於啲餸上得好快，加上我又好鬼肚餓，搞到我掛鬼住食唔記得影碟芥末牛柳粒。差啲連只醉鴿都唔記得影，好彩食到半路補影返，可以推介俾朋友😁花雕浸醉乳鴿不好意思，掛住食，食咗半只先記得影😁乳鴿肉嫩滑，酒味香，鴿肉入哂味，香及正👍🏻山楂鳳梨咕嚕雞整體味道酸甜酸甜，好醒胃，送飯一流

放工去食飯，雖然住係元朗，但去到天水圍亦有種迷失的感覺，從天水圍西鐵站坐輕鐵去到頌富站，到達隔鄰的T Town搵落腳點食飯，搜尋電子屏幕有一間叫鴨子園，心想難道用鴨做主題的餐廳，不妨去試試看。上到二樓，看到鴨子園內𥚃裝潢設計彌漫著那種中國古典氣派，登記不消一會亦已獲安排入座，剛巧亦有卡位坐。今晚食飯帶一個肚真係裝不完, 睇餐牌樣樣都想吃的感覺 ><很貪心最後點了北京填鴨例牌、黃金四季豆、涼菜三小拼、鴨子園炒飯。首先上菜的三小拼，小排骨應該係一大亮點，入口感覺嫰嫰。麻醬雞絲的麻醬委香滑, 加分!接著上菜的北京填鴨，填鴨皮爽脆, 肉多汁。我地鍾意塊粉皮夠熱辣辣, 好想再encore!!之後的黃金四季豆與鴨子園炒飯，兩者搭配出奇地適合，蛋黃的香與炒飯的香簡直一流，最後兩個人都食得飽飽的。埋單計數兩個人食飯三百幾蚊，唔算貴，如果下次encore再嚟多D人可以叫多幾個餸，試試其他推介菜式。

難得來到天水圍和朋友相聚就順他意來試試新開的一家餐廳例牌的北京填鴨就夠我們吃了填鴨屬皮少肉多的那種有點吃不慣鴨皮焦脆美味但仍缺少一份木香填鴨配上青瓜京蔥和甜麵醬鴨脂香口卻沒有油膩感鴨子園炒飯中有蝦仁和煙鴨胸飯粒分明乾身有鑊氣鴨肉小籠包還是第一看到傳統的小籠包換上鴨肉十分有特色餡料散發淡淡鴨肉香氣味道不俗內裡的濃湯是精華所在一口吃進去十分痛快鴨子園牛肉麵麵條質感彈牙牛肉的味道濃郁惜有點過甜以合理的價錢吃到十分對味鴨肉料理今晚又是心滿意足的一夜