碼頭故事 (Moved) New Location

聽講是一間都幾正宗的四川打邊爐，所以一家人都去試下😎結果真係幾好食😋醬料不用出去拎，都放晒係台面上面可以倒 唔夠仲可以叫店員加🤣店員幾親切有禮貌 ，火鍋湯底都好好食😋成餐飯都好滿意，食完仲有7折，真係抵食！成餐飯有好多野食都沒有影相 記得冬瓜片是切到好薄 好快食得 吸晒湯汁 都是水準之作！仲有鴨舌都好新鮮好好味，每一個鴨舌都不是只有骨 都帶好多肉下！好好味自己好鐘意食鴨血的關係，呢間的鴨血真的相當滑，不似溝左豬紅/雞紅的感覺 所以仲encore左一次！正

呢間火鍋店味道正宗，麻辣鍋相當夠味，蘸料都係四川火鍋標配既香油碟，什菌湯底就鮮美柔和。佢既菜品都非常新鮮，同埋擺盤超級驚艷。用碎冰堆出小山既形狀，「山頂」擺一個小杯，插左花點綴，仲落左乾冰製造出煙霧既效果，鴨腸擺係冰上，粉粉嫩嫩，一睇就好有食慾。鴨腸燙左之後口感爽脆，入晒麻辣湯好足味。安格斯肥牛牛味十足，不過就係覺得食得唔夠過癮，需要食多幾份魚滑裝左係鋪左碎冰既小竹桶入面，有種古樸既質感，味道就正正常常。功夫薯仔片同青筍片切得好薄，落左之後一定要好快撈上來食，不然就溶晒啦。豆皮同紅薯粉都好推薦，豆皮新鮮滑嫩，唔會有通常個種比較柴既口感。薯粉就非常之有彈性，吸晒湯汁味道令人好滿足。總括來講，呢間四川火鍋味道唔錯，性價比都算高，值得一試。

之前朋友黎過依食過一次，話好正好夠辣又正宗，叫我地一定要黎試下，見佢講到甘吸引，就一於黎試下。好彩醒目，一早book定枱先，一去到已經好多人等緊位，但我地就算book左位，都要等15至20分鐘，因為間餐廳太full booking，雖然係安排上面扣左少少分，但餐廳的員工態度真係十分好，就算好忙都唔會黑面，十分有禮貌招呼你，依樣真係值得一讚個麻辣湯底真係好正，唔同平時出面麻辣湯底一味得個油字，依個湯底夠辣，唔油，湯味又濃郁，我一路食，一路出汗，但完全停唔到，中意食辣既人就係甘係一種享受

由於本人超愛辣，亦曾於成都吃過正宗的以及新派的麻辣火鍋，所以便來了碼頭故事挑戰一下。先說一說鍋底，我們點了一個鴛鴦鍋底，一邊是麻辣（大辣），另一邊是大骨湯底。先說明一下，我和友人真的吃的很辣的。麻辣那邊，香是夠香的，麻度也足夠（還可以再多一點），但是辣度卻真的不太足夠，我們叫店員加辣之後還是不夠辣，之後店員下次可以叫廚房做一個地獄辣給我們。下次可以嘗一下。大骨湯那邊，卻是慘不忍睹，首先沒有所謂的「大骨」，他還加了火腿在裡面，我不知道它是用來取代大骨還是鹹火腿，但真的超不行。食物方面，鴨腸與海帶芽是必點的。鴨腸鮮甜爽滑，海帶芽量多而且爽口。安格斯肥牛花紋合理，特別一提他的黃喉是厚切條狀的，本人感覺與片狀的口感不一樣，多了點爽脆，少了點彈牙。最後紅糖冰粉是like fb送的，與四川的很不同，多了點配料，正宗算不上，但還是好吃的。二人花費大約九百多，是挺貴的，不過食材尚可。或許，還有別的選擇。

麻辣火鍋愈開愈多，又一間過江龍新店，愛辣既我當然要試下😍去到見裝修都幾中式，而且坐位算幾闊落，不過見人就唔太多，算清靜。我地叫左牛油鴛鴦鍋，一邊清湯、一邊麻辣小辣。清湯個邊都ok，但麻辣做得幾好，辣得黎食到味道，而且夠香，又幾好鴨血很推介，覺得拍得住台灣鼎王個d，本身已有d味，實淨爽滑，配上麻辣超讚🤤羊肉片份量唔少，肉質嫩，厚身。木耳爽脆大大片，份量多。毛肚淥兩淥好快食得，吸湯爽脆，新鮮。安格斯肥牛，雪花分佈平均，又淋又juicy🥰呢個我超愛，牛黃喉，脆卜卜咁，淥耐左都唔怕，脆得很有質感。牛柏葉就一樣比較吸味，欣賞佢切得細細，容易食。鴨腸較少見到，比鵝腸爽脆，無肥膏，10秒食得。鵝腸就較一般，都爽脆但略嫌厚左少少，但有肥膏痴住就香d。呢個萵筍片食到最後先發現無影到，好在仲有少少可影返😂切得非常薄身，淥一陣就食得，勁清甜但又保留到脆嫩，係咁薄身先做到🙆🏻‍♀️另外仲試左佢個*墨魚滑*，呢個我都係5星既..墨魚好香又有綿綿既感覺，口感好正試埋甜點，第一次食紅糖冰粉，好似寒天咁，唔算甜，但因為有花生，我就麻麻地喇😅