來佬餐館 (Closed)

經常灣仔返工都經過來佬，繼Fusion Crab Dinner之後，又推出X’mas Set，今次推出5道菜，見個menu幾岩食，又約下foodie友食下~~第一道菜 鵝肝二重奏之香煎鵝肝toast x 法式鵝肝cream brulee鵝肝toast 煎得幾香口，鵝肝都算大件，味道幾好，如果熱d出菜會更好味！鵝肝cream brulee 入面係鵝肝醬fusion法式燉蛋，味送幾新款，個人就比較喜歡傳統cream brulee.第二道菜黑松露野菌濃湯配磨菇曲奇，個setting 係好似cappuccino 咁上，先飲泡泡面層帶有菇粉味，再飲落去先係黑松露野菌湯，口感豐富，湯濃，推介之選！第三道菜香烤焗海鮮，入面有煎大蝦、帶子、青口，個人覺得是驚喜的，作為前菜有呢個份量既海鮮，真係幾滿足，而且新鮮好味，睇得出大廚心思之作，伴菜係茴香、橙肉、椰菜花蓉，係非常高質的開胃菜，推推推！第四道菜慢煮香烤牛柳，牛柳經慢煮烹調煮得好淋，肉味都瑣得好好，portion算係相對細份，但味道一流！第五道菜朱古力樹頭蛋糕，賣相一流，可惜中間海綿蛋糕部份做得偏乾，口感一般，只能影相打卡，希望大廚下次可以做好少少。

唔想聖誕節同人迫，我特別安排了和家人吃個 early bird 聖誕餐見到來佬餐館推出聖誕set，個menu幾吸引，又可以平過正日食，一於試下~~頭盤 - 鵝肝二重奏香煎鵝肝多士 - 鵝肝好大塊又juicy，好味！鵝肝燉蛋 - 鵝肝醬配燉蛋的配搭有些特別，是鹹版法式燉蛋。湯 - 黑松露磨菇湯 菇味十足，面層有泡沫好正~~副菜 - 牛肝菌鴨肉批味道恰到好處，不算太驚喜，但可以一試。主菜 - 烤大蝦、鱈魚紅米飯大蝦和鱈魚煎得好香，配紅米飯相對是較健康的選擇，適合女士之選~~甜品 - 焗蘋果批伴雲呢拿雪糕蘋果批焗得好香，外脆內軟，蘋果蓉十足，我鐘意佢唔太甜，好好味！

來到Happy Friday姐係又到約朋友食飯的日子，最近俾來佬餐館個聖誕新menu吸引住，有焗鴨肉批仲可以食到芝士火鍋，都覺得幾啱食就入咗去。頭盤我就叫咗一份鵝肝二重奏，而朋友就叫咗個light 啲既沙律balance 番。上菜時先知係鵝肝兩食，一面係香煎鵝肝配多士，另一面就mix咗鵝肝mousse再焗到creme brulee 咁加埋一層薄脆焦糖，都幾有驚喜！湯方面就叫咗松露蘑菇濃湯，另外會跟埋一塊加咗蘑菇整成的曲奇，配埋湯一齊食仲正 （正評俾塊曲奇）上主菜前仲有個鴨肉批，聽講原來係融合咗來佬特色同傳統既節日菜式為創作意念，食落真係幾classic同有聖誕feel。黎到主菜係我最期待既焗法國春雞，真係幾嫩口又冇渣，仲好有雞味，絕對係我食過頭3 好食既春雞，份量俾好大足，2 個人都食到好飽雖然好飽到上心口，但甜品係落第二個胃既！朱古力樹幹蛋糕造型有心思，又有節日氣氛，最重要既係朱古力唔甜都唔算膩，食得出有調整過甜度。 整體黎講年尾未plan去邊食飯既可以試下～