禮賓傅 (Closed)

禮賓府向來都是名人食府，食物水準穩定，上次光顧已經是半年前的事，很開心地發現了，在蘭桂芳 Summer Vibes 夏日狂潮派對的餐廳名單上有佢的名字，設計了一份$480 六道菜、以啤酒入饌的菜單，今晚吃過，兩道啤酒菜式為味蕾添新意，蛋白啤酒炒桂花魚的蛋白充滿啤酒香、但無酒之甘，啤酒燴鴨的醬汁味道豐富，此外，招牌鵝肝蝦多士水準不失，物價所值。 六道菜式不多不少，剛好夠飽。 鵝肝蝦多士 先到，上次已經品嚐過，依然回味無窮，炸得香惹，造型盞鬼，有頭有尾，某個角度看似大著肚子的全只蝦。 蝦膠緊貼多士，又加上黑白芝麻，新鮮蝦肉香甜有彈性。 內藏鵝肝，份量不算多，剛好添豐腴而又不過膩，真的酥香鮮美，回味無窮！ 接下來的 蛋白啤酒炒桂花魚，外表看來如一般的煎班片，這件桂花魚的肉質鮮嫩，厚實不鬆散，可以媲美，處理出色。 整道菜的特別之處藏在蛋白內，吃之，啤酒甘香湧出，添加層次而沒有影響菜式之味道。 另一道 啤酒燴鴨，啤酒早已混合在醬汁內，甘香麥味並不明顯，但調味相當出色，十分濃郁滋味，可惜鴨的肉質有些失分，厚肉之處不夠嫩滑。 雲腿高湯浸津白 是相對平常的一道，每位計的套餐之常備菜式，

新正頭要豪番下 來到位於中環既禮賓傅, 此禮賓傅不同於禮賓府, 這家是吃的好地方 搭出升降機後就見到這個大銅鑼小走廊也擺放了不少心思名片也很高貴這個是又是燈又是架，可照明又可掛衣，多用途 ! 燈罩是可愛的紳士帽 ! 充滿懷舊氣氛  (這張是差不多打烊時影的，之前坐滿客不想在這高貴環境打擾其他食客) 每張檯也放了一件陳年擺設大廳有兩盞大吊燈，更顯貴氣今次試下 每位HK$580的TASTING MENU TABLE SETTING羊城鴿鬆精緻 !鵝肝蝦多士 ~ 賣相梗係得啦 ~ 隻蝦仲好大隻呀 ~大大隻鮮蝦釀在麵包上，還有黑白芝麻同曬了蝦籽! 哈哈，我切開好心急就咁放咗落口，原來多士和蝦之間仲收埋咗少許鵝肝，這個多士炸得香脆而且完全不油膩 大白鱔鹹酸菜燉老雞 ~ 其實一碗唔多夠喉.....我想飲多碗呀 松露炒帶子松露香帶出帶子的鮮味 ，帶子大大粒啖啖肉 ! 金華玉樹雞這道菜要將菜起骨，又是一道功夫菜 !第一次吃梅菜蒸菜心，以往多是梅菜蒸魚或梅菜蒸肉飯，咁既組合都幾好，但略嫌梅菜咸咗D，事前浸水浸耐D會好好多。還有炒飯，但我.....居然...........................

平日同朋友食好嘢 通常都食日本菜、西餐 但其實小妹都好喜歡中菜 只係同伴唔多.... 呢日終於有人陪！餐廳位於中環的中心地帶 四圍遊走著西裝筆挺的專業人士.... 踏出電梯門 真係好靚！充滿古代皇親貴族、豪門大戶嘅味道 同餐廳名「禮賓傅」襯到絕室內佈置貫徹同一風格 有水晶燈等典雅的陳設 仲有個留聲機！播放著remix過的國語老歌除了散叫 呢度有好幾款廚師menu 模仿西餐食法 一個set有八九道菜 全部細細份首先係「羊城鴿鬆」 用未經煮熱、爽脆清甜的生菜做碗 上面放著乳鴿肉碎、馬蹄、冬菇等配料... 旁邊深褐色的醬料像食腸粉用的甜醬 和鴿鬆幾相配「鵝肝蝦多士」最有驚喜！大概一個拳頭咁大份 整個蝦身放在多士上烤 蝦肉居然比麵包厚一倍！蝦身蘸上一層薄薄的鵝肝... 黑白芝麻非常惹味... 還灑上幼幼的蝦粉... 蝦頭烤得香脆 還有蝦膏在裡面第三道菜是湯水——「大白鱔鹹酸菜燉老雞」 鹹酸菜放在湯裡熬 味道全溶入水中 咬一口鹹酸菜反而淡淡的... 還放了胡椒 微辣... 大白鱔的骨不多 老雞有點韌然後是「松露蘆筍炒帶子」.... 其實不只蘆筍一種蔬菜！不算太油膩 松露也沒有搶去帶子的鮮味「金華

老友記快將結束王老五生涯，上週五晚就與未婚妻攜手相約XO仔同honey出黎食飯派貼。小肥收工時間比較穩定，地點就由老友揀喺其公司附近o既「禮賓傅」，餐店以禮賓起名，當真夠哂應景。與家人喺中環用膳大多都係喺會所入面，唔講真係唔知新世界大廈通往停車場入口嗰邊原來一幢食廈，當中喺五樓o既「禮賓傅」裝潢仲要咁華麗。天花上o既吊燈配上餐桌上白色o既餐具枱布，高雅得黎感覺好洋化。散枱上簡單以的骰o既指南針作擺設，彷彿正寓意著餐店歡迎來自世界各地之禮賓食客，有意思得很。埋位點好茶水後，靚女姐姐即告知菜式已預先訂好哂。原來老王請客主要目的係希望二人能於婚宴上充當司儀一職，講真能夠為兄弟做少少事已感榮幸，要佢破費真係有的過意唔去。羊城鴿鬆（$138）：每道菜都係預先分好續位上，禮賓式享受果然豪華。第一道鴿鬆每人有兩大件，大方又得體。連同墊底o既生菜包住鴿鬆黎食，口感爽脆濕潤，帶甜o既味道濃而不膩。鵝肝蝦多士（$88/位）：第二道鵝肝蝦多士換配刀叉食用。呈圓形o既蝦多士面凸出原隻大蝦，炸蝦頭則用作為伴碟，睇頭十足，亦證明真材實料！多士鬆化乾脆，蝦隻爽口彈牙，中間混入鵝肝煮製，令菜式更鮮香潤口，實有畫龍點睛

我本人比較偏好中菜，今次飯局就選左自己一直想試既高質中式餐廳。雖然價錢聽落唔平，但都算係質素既保證，所以決定豁出去！禮賓傅既招牌下放有一個中式鑼，頓時感受到餐廳對於中菜嘅執著。至於整體環境高貴大體，每一盞燈，每一塊布，都是悉心挑選過。是一個有份量的飲局選址。新鮮既湯最能刺激味蕾。呢道羊肚菌燉螺頭湯火喉剛好，為我今晚既中菜大餐打開了序幕！我平時少食羊肚菌，但呢道湯既螺味就夠鮮，飲落一啲菌類既膻味都無！素翅要弄得像真的翅確實有難度，但這道桂花鮑魚炒素翅就做到了。口感食落去仿真度極高，配合鮑魚菇的鮮味，就像在食真的翅一樣！多士脆口但唔會太散，與鵝肝既口感形成強烈對比！而蝦肉好新鮮，咬落去彈牙且多汁，不錯！這一道酥炸安格斯牛腩真正做到外脆內軟。酥炸的皮很薄很脆，但不油膩，同時保留了溫度。而牛腩肉質又軟又稔，點下咖哩汁也輕易滲透到肉身，係一味佳餚！蟹鉗係蟹最肥美既部分，充滿新鮮既肉汁，幸好這道菜没有蒸去蟹肉本身既鮮甜，加上陣陣既花雕味，一試難忘。再來一道清淡既千層豆腐浸時蔬。豆腐夠滑，菜夠清甜，可以減去口中少許既油膩感。呢道炒飯真係睇得出餐廳既功架！飯炒得夠乾身，絕不油膩；配料夠平均，有嫩口既肉

禮賓傅開業於安蘭街一商廈內，同廈有數間以中高階水準定位的食肆。踏出電梯的一刻，已能望見餐廳古雅的門面。要數最吸睛的擺設，當然是門外的大銅鑼；窗邊的蘭花綠葉，亦增添了一份優雅氣質。 踏入餐廳內部，即被一股古色古香的氣氛包圍，連帶餐桌上的擺設也甚具特色。作為一間高級中菜館，用餐的舒適度亦不用擔心，不論兩小口子晚飯或多人共桌聚餐也適合。 首次到訪，焦點固然落在餐廳的招牌菜身上。餐廳的總廚鍾建良師傅，曾是香港禮賓府的廚師，除了日常為特首高官烹調菜餚外，美國前總統喬治布殊及英國前首相戴卓爾夫人亦曾是席上客，令人期待！ 花雕酒是配搭海鮮的好夥伴，能豐富海鮮食材的味道。這道花雕蒸蟹鉗，以一只完整蟹鉗精製而成，肉彈味鮮，酒香洋溢，韻味十足。 蝦多士在很多舊式酒家都有供應，但內釀鵝肝則較少見。蝦多士炸得金黃香脆，蝦肉味甜，面上點點芝麻更有畫龍點睛之效。鵝肝是濃味之物，雖然好吃，但份量太多難免會搶去其他食材的味道。有見及此，鵝肝的投入量相當克制，只取其香，最後成就了這件可口的鵝肝蝦多士。 筆者十分喜愛美味的湯水，尤其欣賞火喉十足的燉湯。這碗羊肚菌燉螺頭，以打造成木頭狀的盛器盛載，除了賣

黑色星期五，老公帶路黎到中環蘭桂坊附近~轉入一條小街之中，小街盡頭相當搶眼：18 On Lan原來大廈又唔少高質素餐廳~ 今日老公揀左食中菜，由於時間尚早~我地小倆口包場呢~ 裝修典雅配上背景中式音樂~連壁燈都好有特式~ 為典雅裝修添回一份挑皮今晚點左Signature Tasting Menu~花鵰蒸蟹鉗清湯唔會過濃，配上鮮甜的蟹肉~為今晚打嚮頭炮~鵝肝蝦多士賣相好靚，由於蝦肉比例多~說是炸蝦球比較適合 XD因為多士只有薄薄一片~另外鵝肝味道亦唔突出~但蝦肉彈牙，沾上少許蛋黃醬~ 已經夠滋味！羊肚菌燉螺頭湯入口好清甜，但完全無油~星期五天氣明顯轉涼~飲完靚湯，成個人暖哂~ 好幸福呢~鮑魚炒素翅~加入左芽菜、蛋去炒~較為清淡的一味~比較名貴的家常菜~ 因為有鮑魚絲呢~酥炸安格斯牛腩配咖哩汁全晚最清意的一道菜~因為外層酥脆，但一咬之下牛腩入口溶化~未食過咁易孰的牛腩~而咖哩帶d椰香~ 亦唔錯~~千層豆腐浸時蔬~剛才食完勁惹味的咖哩~正如沖淡一下味蕾~千頁豆腐吸了湯汁~ 鐘意清湯夠清淡~ 唔會過咸~禮賓傅炒飯老實講…小妹食到炒飯…已經好飽好飽… 8成炒飯都係老公幫手食埋~有鮑魚粒的炒飯~

很久很久以前，在Openrice已被這間「禮賓傅」的食評照片所吸引，折服於食評人鏡頭下的環境和食物。景深之下，彷彿一般都是bling bling發著光，環境更似發展商示範單位，暗暗收藏起這間餐廳。趁著2017開年，機會黎喇飛雲！禮賓傅地方不大，(比食評家鏡得拍出來的要「的骰」得多。一廳一房的設計，嘻嘻哈哈的笑聲從房間傳來，我暗自猜度裡面是否有甚麼達官貴人。禮賓傅的總廚是曾經招待戴卓爾夫人、喬治布殊等政要的鍾建良先生。我馬上感覺自己雞犬飛仙，與政要同等，一登龍門，聲價十倍之感徒然而生。鵝肝蝦多士（$88/位）(Foie Gras Prawn Culets on Toast)之前食過港大校友會的蝦多士覺得很好吃，食完這裡的蝦多士會覺得港大校友會的簡直不值一提！蝦多士極度鬆脆，面頭有黑白芝麻，入口香口，蝦隻彈牙新鮮，配上蝦籽粉，感覺很惹味，尤其多士的口感超乎想像地鬆化。質素已大大超越平時的一般中菜。花雕蒸蟹鉗($188/位)(Steamed Crab Claw with Hua Dieu wine)非常香的一道菜式，從來花雕酒多調凍食前菜，但這個蟹鉗的難得之處是熱得來，酒香、酒味卻仍然kee

很期待今天的晚餐，訂了放在wish list有一陣子的禮賓傅，因為這家餐廳老闆/總廚的來處特別，所以很想一試！餐廳位處中環一條比較安靜的小巷安蘭街的一幢大廈裡，如果不知道應該很難發現哈哈。我第一次看到這名字就覺得是不是和政府有點什麼關係，原來總廚曾是三屆行政長官在禮賓府的大內總廚，聽起來比在哪個米其林餐廳當過總廚更吸引人。如果想知道禮賓府接待海外貴賓各國元首所炮製的名菜，在這邊就可以試得到！餐廳門口放了一個大銅鑼，原來據說禮賓府宴客會敲響銅鑼告知賓客入席，很中式的感覺哈哈。裡面不算大，裝潢典雅，牆壁上還掛著一幅幅香港的黑白景色畫。最裡面有一個房間，可以坐12人，如果人多的話可以預訂房間喔。我們和朋友的預祝農曆新年飯已經預定了這個房間，哈哈我喜歡這邊比較有Privacy, 而且服務很好。餐廳除了散點之外現在有三款set dinner 可以選擇，我們點了Signature Set Dinner (HKD 680), 包括甜品一共8道菜。大家不要擔心吃不完，這邊上的份量都剛剛好，讓我們每款試試但又不會吃得過飽。第一道上來的是花雕蒸蟹鉗。蟹肉超級鮮甜，可以看到一片片的肉，爽口得來又不會難咬，連

今日同新識朋友去中環食飯，之前睇新聞見到間中菜館，入面有禮賓府接待各國元首級別既名菜。見第一次見面就食餐勁。餐廳係由前禮賓府行政總廚鍾建良師傅開設，所以特登改名字做"禮賓傅"。餐廳雖然係間中菜館，不過裝修設計都好有英國FEEL(唔知禮賓府入面係唔係差唔多呢?)鵝肝蝦多士 : 用大花蝦拆殼加鵝肝一齊炸，非常脆口唔算太油膩，咬落啖啖蝦肉好彈牙。多士底放左少量鵝肝吊味所以味道唔算好特出。羊肚菌燉螺頭湯 ($248) : 禮賓傅器皿好特別好靚 我第一次見羊肚菌表面凹凹凸凸好似蜂巢。佢食落好柔嫩好淋，成個湯都好清甜同潤喉。我喉嚨有D唔舒服飲完暖返好多。梅子蒸大鴨(半份) : 雖然得半份不過三個人食份量剛剛好。鴨肉好滑好淋同梅子醬酸酸甜甜好夾 桂花鮑魚炒素翅 ($488) : 菜式原本選用魚翅，後來師傅響應環保少食魚翅，現在將魚翅改用素翅。有雞蛋、鮑魚、芽菜等材料，素翅加芽菜好爽口彈牙帶有好香蛋味，翅上面仲加有金箔增加貴氣，不過食唔出有鮑魚。禮賓傅炒飯($338) : 用龍蝦、帶子、金華火腿加黑松露油既炒飯，一上檯已經好香黑松露香味同好大隻既龍蝦尾，味道相當豐富不過炒得乾身左少少。

2014年無論是公或私都是不大愉快的一年， 但剛踏入2015年公司即接了一項大的project，大老闆心裡高興就說一定要外出慶祝慶祝，選了最近看報見到一家新開的「禮賓傅」。我從來都怕中菜會太肥膩，但聽到大伙說大廚是來自香港禮賓府，就一起去看看吧。一踏出電梯，餐廳標誌和大大的銅鑼在入口處歡迎我們，感覺蠻有趣的。聽到待應生介紹，這盞水晶燈的靈感是源自上年風靡一時的Ice Bucket Challenge，想不到中菜又很緊貼潮流呢！暗綠色的牆壁掛上二三十年代的老香港照片，情調不錯。餐廳內的懷舊唱片機亦播放著當年金曲，好像時光倒流哦。因大老闆心裡高興，讓我們盡情點菜，大家都不大跟他客氣了。侍應生眼見在座的女同事比較多，便向我們推介這個雞蓉燕窩粥來試一試，他亦介紹這個燕窩粥並沒有粥，除了燕窩雞茸及上湯外，用新鮮淮山蓉去代替米飯。平時只有在看戲時才會看到上等人們吃的燕窩粥，我們今天終於吃到了。沒有想像中的淡味，粥的口感更是幼滑，更微微帶有上湯的甘甜。不得不提這個炸蟹鉗，平時少吃炸物的我，但對這菜式驚為天人。除了淡淡彈牙蝦肉之外，裡面還有脹卜卜的蟹肉！哎，對我這個大懶人來說簡直就是一個大驚喜！跟著的