Video
Read full review
2020-01-18
148 views
平時搭巴士經常都會經過饒宗頣文化館但實際上一次都無踏入過.難得今日有day off又經過呢到決定落車探索下呢個地方.行行下發現原來有間好靚法式餐廳隱居左係呢個位置,趁住難得到此一遊就試下晚餐.番茄紅莓麵包點餐後附送已經好有驚喜.烘得好脆,一咬落口卜卜聲.味道好濃蕃茄既香甜味加上特製松露牛油入口香滑.鵪鶉清湯,店員會慢慢將一壼法國清倒入一盤有鵪鶉腿同紅葱酒啫喱既碗內令兩者融和,紅葱酒啫喱係清湯既熱力下慢慢融化.鵪鶉腿油份隨着清湯滲出.味道清甜帶微微鵪鶉腿油甘香,鵪鶉腿肉質嫩滑富有彈性,作為一餐既開始已經好滿意.法國泥蟹湯,質地相對杰身呈泥橙色既忌廉湯.入口好香蟹既味道,味道似先將泥蟹烤過再放入熬湯.內裏帶少少蟹肉蓉飲落好濃郁,飲完一啖口腔內仍然停留住蟹既香味.法式海鮮燴意大利飯用上鑄鐵鍋原鍋上,打開鍋蓋意大利飯上鋪滿大蝦,青口同大蜆已經好吸引.底下燴意大利飯用上龍蝦湯燴,每一啖入口龍蝦味好濃.意大利飯煮得夠濕潤唔會乾爭爭,咬落口脹卜卜又帶點煙韌.法式油封鴨配焦糖蘋果,油封鴨作為法國名菜之一當然點黎要試下大廚既功力.油封鴨腿外層鴨皮係烤焗既時候已經將鴨皮大部分油份迫左出黎,入口香脆之餘亦唔
番茄紅莓麵包點餐後附送已經好有驚喜.烘得好脆,一咬落口卜卜聲.味道好濃蕃茄既香甜味加上特製松露牛油入口香滑.
鵪鶉清湯,店員會慢慢將一壼法國清倒入一盤有鵪鶉腿同紅葱酒啫喱既碗內令兩者融和,紅葱酒啫喱係清湯既熱力下慢慢融化.鵪鶉腿油份隨着清湯滲出.味道清甜帶微微鵪鶉腿油甘香,鵪鶉腿肉質嫩滑富有彈性,作為一餐既開始已經好滿意.
鵪鶉清湯
$68
13 views
1 likes
0 comments
法國泥蟹湯,質地相對杰身呈泥橙色既忌廉湯.入口好香蟹既味道,味道似先將泥蟹烤過再放入熬湯.內裏帶少少蟹肉蓉飲落好濃郁,飲完一啖口腔內仍然停留住蟹既香味.
法國泥蟹湯
$78
2 views
1 likes
0 comments
法式海鮮燴意大利飯用上鑄鐵鍋原鍋上,打開鍋蓋意大利飯上鋪滿大蝦,青口同大蜆已經好吸引.底下燴意大利飯用上龍蝦湯燴,每一啖入口龍蝦味好濃.意大利飯煮得夠濕潤唔會乾爭爭,咬落口脹卜卜又帶點煙韌.
法式油封鴨配焦糖蘋果,油封鴨作為法國名菜之一當然點黎要試下大廚既功力.油封鴨腿外層鴨皮係烤焗既時候已經將鴨皮大部分油份迫左出黎,入口香脆之餘亦唔會感到好油膩.內裏鴨肉唔鬆散,肉質柔軟且結實,充滿鴨油香又不膻,味道亦唔會過鹹.店內拋開以薯仔做底既傳統將其換成甜甜酸酸既焦糖蘋果以平衡返油封鴨既油膩感.
法式油封鴨腿
$248
4 views
1 likes
0 comments
Apple crumble配雲尼拿雪糕,雲尼拿雪糕上加上麥芽糖配飾好有心思.自家製雲尼拿雪糕同牛奶味平衡得好唔會搶過各自既味道,apple crumble內裏暖笠笠,將微酸既焦糖蘋果及香脆牛油麵粉加上雪糕帶出3重味道感受.
Post
