新興食家

Open Now

Now Closed

友人從前的大學食堂，特意帶小人一訪，時光倒流一次。店子陳設懷舊，點心紙免用，重點是剛出來的點心要即搶，否則手快有、手慢無！好有昔日茶樓的風格！無需顧及開甚麼茶，總之阿姐手拿一壺茶端到面前，飲或不飲，適隨專便！叫了四樣點心：蝦餃皮超黏，痴著底紙不肯放，卻又厚而不滑，中間的蝦味亦勁薄弱，荀味欠奉，未敢恭維。鵪鶉蛋燒賣縮埋一舊，可幸咬下不算太實，汁液還可。最好的是咖哩金錢肚，金錢肚煮得夠腍，況且咖哩辣度適中，可取也！叉燒包用碟上無問題，然而包身略乾，中間的叉燒醬亦不足以禰補。食情懷多過食味道。

疫情下二人一枱，幫襯新興真心坐得舒服咗，呢間西環名店基本上樣樣點心都唔錯，好味在於人手製作，不過在眾多點心之中，我覺得炸鮮奶同鵪鶉蛋燒賣。老老實實，炸鮮奶真係要新鮮炸出黎先至好食，試過一次叫咗一件應該炸好咗一段時間嘅，真係麻麻地，不過如果大家係星期六日公眾假期去就好少有呢D情況出現。至於鵪鶉蛋燒賣，我就食過三次，我覺得個鵪鶉蛋蛋黃唔會蒸得太實(不過當然唔會有流心啦)，不過我都覺得OK，基本上出面好少食到鵪鶉蛋燒賣(點心專門店除外)。

如果你同港大/西環/舊式茶樓有任何關係既，你無可能唔識新興由幾個舖前就開始食再見佢轉幾個舖再俾人加租加到見報，終於係依個位叫做定左咁耐實在太好伙記同師傅都仲有好多係舊人，一齊感受下舊式茶既風味同美味！佢既點心有即蒸起既，定蒸起個刻賣唔晒放喺度既，即蒸起既就梗係會好味好多啦牛肉腸，由於啱啱蒸起，腸粉皮都好腍好味既，中上既味道蝦餃，佢既size係一口個隻，入口口感唔錯，笋味濃，味道幾好相對蝦鮮味較弱，不過都ok既黎得舊茶樓就一於食下鵪鶉蛋燒賣，好多新派飲茶都無lu賣相不錯，味道正常，鵪鶉蛋細細粒又濃味，夾埋舊腍肉係好適合做燒賣既好食在佢既風味，特別有感覺另外試左個元貝金菇餃，根本上係加入左金菇既蝦餃，無咩元貝味，都唔錯既，個相對，蝦餃會更好味最後到左勞蘇食推介 —— 炸鮮奶 + 鮮蝦菜苗餃炸鮮奶都真係好少食到，大良菜式，整得相當不錯唔會好厚粉，唔會好油膩，外脆，入面一咬就係甜嘅鮮奶口感一流，味道亦都好正，係一定要試既另外鮮蝦菜苗餃，食蝦餃食多左不妨一試，有蝦餃既蝦味、筍味，加返少少菜吊下味，口感再滑啲，係其實好正既個人覺得比蝦餃有過之而無不及(新興咋)唯一唔好處就係多人，又要等又迫，無得話

每次路過新興，只要難得冇人係門口等位，就直接入座。假日要食新興，有時一位難求，搭枱都唔夠座！平日嚟街坊比較多，係區內大家嘅聚腳點，有時搬走左嘅街坊都會返嚟，飲茶吹水。係一張五人嘅小圓枱，大家逼逼夾夾，將就一下。亦都會答下爹傾吓計，有時遇着一個人嘅街坊，唔介意會叫點心一齊食share食！呢啲就係小區嘅人情味，唔係依家嘅標準或者金錢可以去比較衡量。小店嘅服務，係雙向嘅你對人有禮貌時，大家都係客客氣氣，互相尊重。基本上入得嚟食嘅街坊大家都不拘小節！食物水準，比一般連鎖酒樓做得好，亦都有出面少見嘅傳統點心。西環飲茶以新興為首選！

店舖採取左以前舊式嗰種賣嘢食嘅方法，而唔係畫紙仔，所以大家坐到落去可以食到啲咩完全係睇運氣。而且啲點心仲要係手快有手慢冇，真係完全好似打仗咁，手腳慢少少分分鐘都冇得食啊！不過小編唔太建議大家夏天去食，因為嗰度嘅環境比較狹窄要背貼背咁樣食嘢，真係會超級熱。🍴皇牌流沙包雖然呢度最出名嘅就係流沙包，亦都有好多香港旅遊書介紹，但個人就覺得一般。的確流沙包係非常流沙，分量亦都非常多，而且中間仲有好多蛋黃粒添，亦都唔會太甜。不過個包就相對做得比較差，唔單止有啲流沙餡係個包面到爆咗出嚟，而且流沙包個包亦都相對做得比較疊口，黐住晒啲牙。🍴懷舊糯米包唔好見佢平平無奇咁就覺得唔好食，呢一個糯米包係出奇地咁有驚喜。糯米飯既鹹淡適中，而且飯粒又乾身，糯米飯都整得好香。由於糯米包食落冇乜臘味味，反而裏面有啲豆係到，所以味道入口屬於比較清淡。🍴鵪鶉蛋燒賣鵪鶉蛋燒賣上面果塊皮晶瑩剔透，可以清楚見到裏面嘅鵪鶉蛋同下面果舊豬肉燒賣。粒鵪鶉蛋有好香嘅蛋味，而且一啲都唔老。而個豬肉燒賣方面除咗大粒之外，亦都好足料，而且亦都係食唔到有梳打粉嘅味道。🍴鯪魚釀瓜脯唔好見到佢冇咩色水咁就覺得唔好食，相反尼一個其實係最有驚喜嘅一個。

係香港，普遍都係見到連鎖式嘅酒家，肯用心做點心的傳統茶館已經愈來愈少興幸，屋企樓下重有新興新興排長隊兼等位已經係基本常識。平時好少排隊食野，但係新興真係值得等。無他，因為想食到香港最好食最新鮮的點心，就要付出架啦師傅即制一粒粒的蝦餃，每粒都脹卜卜，好靚好吸引蝦餃上到台面要等30秒以上先好食，因為太新鮮太熱，如果馬上起筷會好易整穿塊皮入口，滿口都係鮮蝦同埋豬肉的肉汁，皮又夠薄。加上少許的鮮筍帶來爽身的口感，滿足。燒賣所用的材料都好新鮮，唔會食到出面其他地方的燒賣個種好「乸」的口感。口感札實，好女食！羅漢齋粉包，入面有木耳等多種材料，所以味道好豐富，一D都唔比肉類的點心味道淺薄。鵪鶉蛋燒賣，皮夠薄，可以清楚見到包住鵪鶉蛋丶豬肉同埋蝦。鮮豬肉同鮮蝦結合而成的燒賣，加上鵪鶉蛋的蛋香味，令人齒頰留香食完之後飲一啖香片，滿足坊間好少有的蓮蓉包，呢度的蓮蓉包真材實料，蓮蓉唔會太甜，蛋黃咸咸地，加上軟鬆的面包，好香好味！一盎盎的盎頭飯，我最愛的係排骨鳳瓜飯。蒸出黎令肉汁流入飯中，加上煮過的甜豉油，味道真係好好好好正！飯身唔會蒸到好腍，重有點爽口的感覺，好食！望下條隊，你就知咩料啦！