潮館 (創紀之城五期(apm)) (Closed)

三人行正在找晚餐落腳點時，見到有大大隻字寫著晚市三重奏$228及另一廣告牌寫著加$1有鹵水鵝片，所以最後決定試下。晚市三重奏有三道餸菜，每日不同配搭，是日星期四分別有胡椒咸菜豬肚湯🫕、鹵水拼盤、豉汁蒸白鱔。胡椒咸菜豬肚湯🫕湯最快上枱，湯水少其豬肚咸菜就量多，每人飲了一小碗就已經所剩無己。湯好夠味，好有胡椒味道，而且豬肚好軟身，好食！鹵水拼盤比想像中大碟，底層還有入味蘿蔔同鹵水豆腐，送飯一流！豉汁蒸白鱔即蒸完上碟食係好好味！蒸魚豉汁略帶微甜中和豆豉嘅咸味，白鱔肉質嫩滑。$1鹵水鵝片當然份量不會多，但鵝肉一樣入味好食。整體感覺唔錯，份量互相搭夠係屬於多，味道有水準值得回味！

潮館是稻香集團旗下主打潮州菜的酒家， 本身自己已經食過好多次，試過這裏的圍餐和散叫，可以用平靚正為形容！今次朋友生日我揀了這裏來慶祝，點了咸菜豬肚湯$80， 鹵水拼盤$95， 黃金煎麵$70， 金不換茄子蝦球煲$78， 沙茶芥蘭牛肉$76， 蓮蓉壽桃包$35。咸菜豬肚湯 ～ 食潮州菜我多數會點這個湯，咸菜惹味豬肚又林。鹵水拼盤 ～ 這一款普通，今次鹵得不夠入味。黃金煎麵 ～ 金香外脆的煎麵，配醋和糖一起吃，正！沙茶芥蘭牛肉 ～ 芥蘭煮得剛剛好，不會太硬身，牛肉入味。金不換茄子蝦球煲 ～ 大大粒蝦球爽口又彈牙。蓮蓉壽桃包半打 ～ 生日一定要吃壽桃包， 熱辣辣的壽桃包， 蓮蓉和蛋黃已融為一體， 蓮蓉又滑又香，讚！近年想吃潮州菜，好多時都會到潮館， 因為食物唔錯， 環境坐得舒服。

上兩個星期母親節試左潮館午市點心，發覺味道幾好又抵食，叫到成枱點心，四個人賣單都係二百幾，所以今晚試下佢個晚市。潮洲打冷九點後半價，我地就嗌左4個餸：炸魷魚鬚、鹵水拼盤、南乳豬手、凍烏頭，而今次特別推介係凍烏頭。我平時就小食魚，記得第一次覺得魚好味就係係九龍城食泰式明爐烏頭，辣辣地，好惹味。但潮式凍烏頭就唔同，基本上條烏頭無落啲咩調味，蒸完放落雪櫃，食既時候點豆瓣醬吊下味，食既係條魚果種鮮甜。潮館呢條凍烏頭原條上，肉質嫩滑，仲好juicy，唔會好似放左係雪櫃好耐抽乾哂水份咁，點個豆瓣醬，基本上一條魚加一個飯就搞掂，仲要原價都好似只係$80左右，半價$40蚊，加個飯$10，落樓應該唔洗$60，食個茶記碟頭飯都差唔多呢個價錢啦，所以我黎緊都會再encore!

星期五晚係觀塘工作至晚上十時多，正當煩惱還有什麼可以吃，友人便介紹這間潮館給我。晚上九時正後宵夜時段鹵水食物6折是一大賣點，店員的服務也值得一讚，入座前便提醒我們有很多食物已經賣完了，讓我們考慮是否入坐，這是很多店舖做不到(本人試過入坐後不到十分鐘便被告知last order)的貼心提示。入坐後二話不說，我和友人專攻鹵水食物:叫著叫著，發覺肉類太多，又叫多了一碟菜:沒想到這裡的菜式的份量也不少，我和友人本著不浪費的決心(腦海中突然出現"食得哂先至好嗌...")，才勉強把它們全部移送至肚中。埋單時我和友人在猜這餐豐盛的宵夜要多少錢，不多不少，竟給我們估中是180元正，真係又飽又抵食，絕對係工作過後叉電好地方。

來到觀塘，如果怕戶外打冷會冬天太凍，夏天太熱的話，大可以考慮到這個商場內的餐廳，雖不是裝修豪華，但都算是坐得舒適。不能錯過的潮州菜式當然是咸菜豬肚湯、鹵水拼盤及煎蠔餅。這個菜豬肚湯在天氣涼時進食絶對是最佳之選。辣辣的黑椒配上咸菜，惹味之餘還十分暖胃。豬肚亦煮得夠軟，絶對可以在不顧它的膽固醇有多高的情況下而盡情地吃。鹵水拼盤的表現就一般。鵝肉、紅腸、蛋、魷魚等材料都有，只是味道尚可而已。蠔餅就算是合格吧。薄薄脆脆的。唯一個人不喜歡的就是蠔仔不夠多。除了這些，今次的用膳還叫了其它的小菜。首先是南乳豬手。豬手夠軟，加上南乳的味道及蓮藕的配搭，真的很可口。另外一味是紅燒豆腐煲。雖然是放在一個煲仔肉，但豆腐的皮仍可保持煙韌，而內裡就十分軟，不錯。最後，點了一個雙拼套餐，有龍蝦伊麵及炸子雞。龍蝦伊麵就一般，伊麵較碎。炸子雞就不錯，最重要是外皮夠脆。