潮館 (創紀之城五期(apm)) (Closed)

潮館是稻香集團旗下主打潮州菜的酒家， 本身自己已經食過好多次，試過這裏的圍餐和散叫，可以用平靚正為形容！今次朋友生日我揀了這裏來慶祝，點了咸菜豬肚湯$80， 鹵水拼盤$95， 黃金煎麵$70， 金不換茄子蝦球煲$78， 沙茶芥蘭牛肉$76， 蓮蓉壽桃包$35。咸菜豬肚湯 ～ 食潮州菜我多數會點這個湯，咸菜惹味豬肚又林。鹵水拼盤 ～ 這一款普通，今次鹵得不夠入味。黃金煎麵 ～ 金香外脆的煎麵，配醋和糖一起吃，正！沙茶芥蘭牛肉 ～ 芥蘭煮得剛剛好，不會太硬身，牛肉入味。金不換茄子蝦球煲 ～ 大大粒蝦球爽口又彈牙。蓮蓉壽桃包半打 ～ 生日一定要吃壽桃包， 熱辣辣的壽桃包， 蓮蓉和蛋黃已融為一體， 蓮蓉又滑又香，讚！近年想吃潮州菜，好多時都會到潮館， 因為食物唔錯， 環境坐得舒服。