芝樂坊餐廳

Open Now

Now Closed

今次係第二次回訪同朋友聚餐傾下計玻璃櫃放左好多款式的芝士蛋糕😍餐牌食物種類多元化有好多選擇除左主打的芝士蛋糕外🍰仲有漢堡🍔，沙律🥗，意大利粉🍝，pizza🍕及扒類🥩等餐前麵包🥖麵包有原味及黑糖味，表面有燕麥，烘得香脆內軟，再搽上牛油🧈忍不住食完一件接一件，仲可以免費再要😂乜都有意式烤餅🍕薄餅底比較薄身及口感鬆軟，鋪滿辣肉腸，蘑菇🍄，洋蔥🧅等，切成8塊，細細件好岩4個人一齊分享雞肉蒜香檸檬忌廉意大利麵🐔🍋🍝一上枱意大利麵好大碟份量十足，雞肉🐔口感嫩滑，份量都算多，好多忌廉汁可以撈勻意大利麵好掛汁超creamy，加上蒜粒炒過更惹味，檸檬忌廉汁🍋酸酸地好開胃😋岩晒夏天食，推介推介‼️無敵紅絲絨芝士蛋糕🍰蛋糕以紅白相間，芝士好香滑，中間有紅絲絨蛋糕綿密柔軟，表面鋪滿忌廉芝士糖霜，食落每一啖層次好豐富，覺得好好食，值得再encore🤤鹹焦糖芝士蛋糕🍰由焦糖芝士蛋糕及焦糖慕絲組成，入口比較幼滑，加上表面的鹹焦糖醬，食一啖不得了，下層焦糖濃郁又厚實，越食越膩，需要配搭忌廉奶油一齊食反而無咁膩😂食4分之1已非常足夠整體來說，食物有水準及份量十足💯，而且環境坐得又舒適，鐘意食芝士及蛋糕的朋友可以不妨來試

呢間餐廳開業初期排哂長龍，我係因為有朋友在海港城返工，放工去排隊才有幸同朋友在此食晚飯。去年我在海港城工作，我就喜歡嚟食午餐，因為一定有位。但lunch set就超大碟，每次都食唔晒，要打包。呢日約咗兩位舊同事聚下，三個lunch sets落完單先記起食物份量大，應該叫兩份三人分享。三個lunch sets 分別係：燒烤風味雞肉田園沙律 — 燒烤味雞肉香，蔬菜新鮮，配上脆脆，口感豐富雞肉蒜香檸檬忌廉意大利幼麵 — 很喜歡檸檬香味及酸酸哋，幼麵雖用忌廉但不覺膩香草三文魚 — 賣相已經好靚，三文魚配香草原來咁匹配，塾底薯蓉好香牛油味好滑我揀咗洋蔥湯(朋友揀飲品) — 好大碗，香濃洋蔥味由於其中一位朋友好想食cheese cake, 最後食剩嘅食物比之前更多，非打包不可。鹹焦糖芝士蛋糕 — 平日我好怕食焦糖，因為覺得非常甜，估唔到鹹焦糖感覺咁好，焦糖香又唔太甜，仲鹹鹹哋，與芝士蛋糕簡直絕配

相約一班老表happy friday，當然要搵一間好坐既餐廳，最後揀了每次經過都大排長龍的「The Cheesecake Factory」。由於餐廳不設訂位，兼且限時用餐，於是早放工的先到餐廳。晚上六點半到達餐廳，門外已有十數人排隊，取票時侍應指需等候約90分鐘，既然未齊人，兼且星期五晚到處都是覓食的人，最後決定等下去，取票後，就到附近逛逛消磨時間。一個多小時後，接到餐廳有枱的通知。餐牌的選擇很多，但因為要留肚食甜品，故每人選一款食物。🔶 餐前麵包三款麵包中，以黑糖麵包最好味，不用搽牛油都可以。🔶 凱撒沙律沙律菜頗新鮮，喜歡上面的芝士。🔶 炸芝士通心粉球老表推介的頭盤，上枱時，大家都被佢大大件既外表嚇怕😆 每人吃半件已覺得飽，宜襯熱食，否則凍咗會覺得好膩。🔶 德州墨西哥脆卷原以為是一般的墨西哥脆片，到食物上枱才知道是釀有餡料的春卷，不用沾醬都很夠味，食物微辣。🔶 水牛城香辣雞翼這道炸雞翼其實幾香口，但真係幾辣，結果食剩。🔶 雞肉蒜香檸檬忌廉意大利幼麵食意粉最怕冇乜汁，乾巴巴的，這碟意粉就冇呢個問題，個醬汁幾好味，不會很鹹。終於到咗甜品時間，望着餐牌上接近30款芝士蛋糕，覺得很困惑唔識揀

今日一班女人出黎慶祝聖誕節，又係有大有細講左大半年要試呢間出名嘅餐廳，芝士控嘅我舉腳贊成由我2點幾去到餐廳攞位先，條人龍都已經好長！點解下午茶時段都可以咁長龍餐廳貼心地俾左個pager我，有位時會有signal。仲留左我電話等餐廳隨時打俾我！等我可以周圍行，因為餐廳同我講要等40-60分鐘，但pager接收範圍只限20米，其實20米又行得啲乜呢終於我都行到LCX嗰邊，到3點幾餐廳打電話黎話執緊枱，即call到左附近嘅朋友們仆過去，不過原來要過半數人到左先入得，同餐廳解釋左各人都就到，餐廳話入座計2小時交枱，我地就可以入座仲有房仔坐添班女人揀左一陣，終於揀好哂要食嘅野先黎2大籃麵包，啡色嗰個甜甜哋，好軟熟，好味喎！炸魷魚，脆粉唔太厚，夠鬆脆！黎到餐廳嘅主角 - 芝士蛋糕！我地班女人真係非常期待！7大2小，話叫5件，個waitress見我地都食左咁多野，雖然女人另外有甜品胃啫，建議我地叫4件好啦要讚一下，呢間餐廳嘅芝士蛋糕嘅質感軟軟哋、夠creamy，唔太硬身，所以唔會話食一、兩啖就滯到上心口嗰種，同埋我覺得太硬身嘅cheese cake反而帶唔出個cake應有嘅芝士味食左2個鐘，傾得好開

價錢其實都算幾貴，大概150-200蚊一個main course。第一次去，下午2點去拎位，大概等左1個鐘。同男朋友每人叫左杯coffee，一個蝦肉天使麵，一個Lunch pizza and salad，一件鹹焦糖芝士蛋糕，一件Chris驚人芝士蛋糕。首先講個咖啡，完全唔掂，完全唔夠熱，係暖嘅，大概放左15分鐘就凍哂。不過一讚嘅係咖啡個creme，幾滑唔錯，不過要減肥嘅我就無福消受啦。跟住主菜同salad，我地叫嘅係Lunch menu上面嘅，份量岩岩好，如果係Dinner menu嘅份量大概兩個人應該食唔哂(而且lunch個價平啲!) 個蝦天使麵賣相幾好，但都係凍左少少，蕃茄汁唔夠，但個蝦幾好食，冇冰鮮味，但略嫌黑椒太多，蓋過哂蝦味。Pizza同salad set，個salad幾好，菜夠新鮮，個dressing都好味。至於個pizza, 叫左個"乜都有pizza"，真係乜材料都有，但稍為太雜啦個味，個人麻麻地。至於個Cheesecake, 推薦鹹焦糖味，cheesecake味濃，唔會得個甜字，值得一試! 個Chris cheesecake又係太多layer，同埋好多朱古力，好甜，如果