The Drawing Room

Open Now

Now Closed

人人都話St Regis嘅Afternoon Tea一定要試下，搞到我都心思思想試吓，咁就打去book，一book就要等兩個幾月！去到餐廳，就被佢親切嘅服務留下深刻印象！（講真文華東方都係sell服務，但St Regis嘅服務真係親切好多同真心好多！）坐好之後，staff就攞咗個茶盒上嚟俾我哋揀茶，佢會好細心咁逐個逐個茶介紹一次，一共有12隻，絕大多數都係中國茶。咁我哋最後兩個都係揀咗桂花烏龍，個茶有清新嘅桂花味之餘，仲好順滑！之後佢就會推一車鹹點過嚟俾我哋揀。原本個afternoon tea鹹甜點每樣都係揀四款嘅，但媽媽本身唔可以食咁多甜野，咁就問佢可唔可以全部八款都係鹹點，佢話可以，咁就每一款鹹點就每樣要咗一件！佢勁開心！我就揀咗2件鹹6件甜！（甜點架車都係等我食完個咸點同scone之後先推過嚟，又係逐件逐件咁介紹係乜嘢嘢，非常之細心㗎！）揀完鹹點之後，staff會問埋你使唔使上埋個scone，因為個scone上嘅時候係熱嘅，驚太早上會凍咗！Scone除咗配Clotted cream同牛油之外，仲有3款果jam你配嚟食。個scone好鬆化，好香奶味，果jam果然係特製俾香港嘅，有生

前幾日早收工同同事黎灣仔嘆下午茶，The drawing room位於2019開業既瑞吉酒店2樓😄我地第一次黎呢間酒店，唔難搵但門口少少隱蔽～餐廳樓底好高，採光度十足，好有氣勢～下午茶由2:30pm開始，兩位$688+10%，如果揀無限任添，每人要$988+10%～我地記揀左前者，每人自選4件鹹點+Scones+自選4件甜點+茶/咖啡坐底無耐，侍應就向我地展示了不同茶葉予我地選擇～我就揀左陳皮普洱，而朋友就揀左大吉嶺茶～揀完茶葉就揀鹹點～侍應將成架餐車推過黎，而且逐樣介紹予客人，呢點真係唔話得！鹹點總共有8款，全部用料矜貴，超揼本，係我食過咁多間酒店tea set最有驚喜既一次～例如：法國魚子醬、鵝肝醬、皇帝蟹肉、三文魚子等，超幸福！呢到既Scones亦十分出色，質感唔會太乾，唔痴牙，比另一間出名食英式鬆餅既酒店更出色，令人喜出望外！甜點方面，不得不讚揚呢度既廚師，甜點造型精緻，而且口味新穎！個人最鍾意食黑芝麻撻，侍應誠意推介，話呢款黑芝麻味超超超濃郁，果然如佢所講，十分高質，絕對係必試！服務方面，侍應殷勤有禮，會主動向客人介紹糕點同埋幫忙影相！總體來說，食物質素、環境裝修同埋服務態度