雞蛋屋

Open Now

Now Closed

出黎旺角拎月餅，所以plan 左黎試雞蛋屋呢～之前疫情(比較嚴重）嘅關係，試過告急，所以前排都有留意呢間店😢原來佢就係登打士街附近😅 高氏大廈有好多樓上食店，佢就係其中一間～店員好好，入座前會用消毒噴霧同你全身消毒，感覺好好👍比想像中多選擇～溫泉蛋魯肉飯，份量都足，味道合格溫泉蛋魚餅湯烏冬，材料豐富，湯底色清濃味，烏冬彈牙，幾正🥰佢地d 小食，好高質，好彩有叫～特別係炸花枝蝦餅，香脆彈牙，即叫即炸😍😍😍鹽酥雞都好正宗，好夠味🤤一場黎到， 當然叫多d, 支持佢地～ 叫左兩款飲品， 下圖嘅凍朱古力， 唔會稀（唔會落好少粉）， 夠晒濃味，好抵讚😘😘😘另外， 因為食到好飽， 叫左另一杯鳳梨愛玉都飲唔晒，拎左回家，唔記得影😅 不過， 同樣都好好味，唔算太甜， 又多愛玉🤤整體黎講， 以樓上cafe 黎計， 絕對係中上級別，可以再幫襯呢👍👍👍💪

「在雞蛋與高牆之間，我永遠站在雞蛋那邊。」朋友介紹下，我去咗呢間樓上黃店，唔使預約唔使排隊，雖然係好事，但見到餐廳坐唔滿又覺得可惜。事關真係又好食又平，坐得又舒服！我朋友跟我食同一款烏冬我地一致認為好好食，但略嫌份量唔太夠。雖然烏冬份量唔夠，但可以叫個小食，反正唔貴！嘩呢個真係超級邪惡店員整得好比心機兩個飲料都係正常發揮，好味又大杯！抵！我地食到不停加點食物，真係又平又好味，最後埋單覺得好抵，好彩店員都冇嫌我地煩哈哈！

門口寫只招待會員，只要香港人即可免費申請。環境光猛，整潔企理，價錢中低，份量唔算多。座位闊落，坐低同朋友慢慢傾偈食嘢幾舒服。上菜有點龜速，因為只有兩位店員打理。味道65分，小食好吃，主食一般，飲品不過不失。.🔸和風牛肉湯烏冬($55)🔸日式魚餅湯烏冬($49)正正常常，湯底幾清清地，魚餅好淋，牛肉較薄。.🔸台式滷肉飯($45)🔸和風牛肉飯($49)味道一般，飯落得太多汁，令到成個飯都變得太濕。.🔸鹽酥雞($34)🔸炸花枝丸($32)🔸台灣香腸($29)🔸炸芝士年糕($28)🔸炸花枝蝦餅($38)全部小食都好食，啱啱炸出嚟，熱辣辣，好香。唯獨花枝丸比較林，唔彈牙。鹽酥雞則比較鹹。.🔸芋圓BB鮮奶茶($45)🔸卵子($45)入面好多細細粒嘅芋圓，幾香芋頭蕃薯味，不過咬落較硬。卵子係加咗啲雞蛋入去沖嘅特飲，有啲似中式糖水。.

朋友介紹既黃cafe係2樓需要行樓梯或者等門面好靚入面略細 座位唔算多我地等左5分鐘度入到去員工好忙點餐紙 由於烏冬遲左黎貨 所以得返一個烏冬一行4人食3個飯1個烏冬首先朋友食既台式魯肉飯野食上台非常快朋友話呢個唔錯幾好味我叫既台式牛肉飯超好食牛肉撈蛋汁再撈飯好食到一個點另一位朋友食既和風麻醬冷烏冬朋友話都好好食小食鹽穌雞好味 因為我中意食鹹食呢個調得鹹 我好中意食可惜分量少野飲比較遲上我呢杯係綿綿朱古力勁好飲 朱古力好濃郁總括而言食物質素非常好環境略細由於員工太忙 大部分自助形式好推薦大家去