James Bonbon Bakery

Open Now

Now Closed

✨麻糬波波門口經常有人排隊全部都係$10 一個唔係特別抵食如果下次唔需要排隊都會買！外皮酥脆可口入口即化甜而不膩滋味無窮🍴James Bonbon Bakery📍銅鑼灣邊寧頓街9-11號登龍閣地下C1號舖

️依間之前嘅人氣真係不得之了😂條隊長到見到都驚😂然後今次我喺平日大概1點半左右開始排，15分鐘就買到啦🥰而且所有嘅味都買到☺️正～味道分別有原味、菠蘿、抹茶、伯爵茶、朱古力同埋限定嘅抹茶流心朱古力～$8一個，$15有兩個其實都真係算抵食，因為佢一個size真係唔細😳我同朋友即場試食咗抹茶流心，認真一啲抹茶味都食唔出，初頭以為係俾朱古力味搶哂，後尾先知佢本身隻抹茶味都係一啲都食唔出🙊🙊🙊朱古力流心其實唔錯，好流心，唔會太甜，麻糬嘅煙韌程度都幾好～但係又無好驚艷嘅感覺🙈其他味道因為當日太飽嘅關係，我係第二日先當早餐食🙈所以係食唔到佢最佳狀態嘅🙊所有味除咗伯爵茶同朱古力味食得出之外，其他都好似原味😂不過佢隔咗第二日食都仲算煙韌，唔會硬其實應該都算幾好？有少少偏甜，不過都可以接受嘅～💕overall💕排15分鐘都可以接受，2個鐘我就覺得唔值喇～

我通常睇到新野食都會睇定D等熱潮冷淡嘅時候先去，而今次我就追上熱潮😎，去到呢間銅鑼灣新開嘅餅店，新到連openrice 都冇，但都要排好耐買到。究竟值唔值得去排一個鐘呢? James Bon Bon Bakery位於銅鑼灣邊寧頓街，渣甸街嘅轉角位，位置非常顯眼。店舖由前四季西餅師傅主理，大家有冇覺得呢句野好熟面口，其實bakehouse嘅老闆Gregoire，呢位成日喺鏡頭面前出現嘅肥仔都喺四季糕餅部出身😲😲。 開業冇幾耐因傳媒/blogger報道而成名，當日平日2:30去到已經排到出哂街，但因佢店舖面積細小，每半個鐘只會出1-2小tray嘅包，要等好耐先拎到，或有可能冇自己想要嘅味，結果排一個鐘得原味同菠蘿皮味)，建議大家都係等多一排先再去啦，水份偏高😅。 除咗麻糬波波之外，其他野係冇乜特別嘅，佢又唔係嘉多利餅屋又有D創意港式麵包，Bon Bon就係Bon Bon，一間以麻糬波波作亮點嘅港式餅店😬。 麻糬波波$8(per piece) 價錢就真係平到無得再平，就係港式餅店嘅價位lor🤑。因呢個包空氣感真係超高，買完冇一陣已經被膠袋壓扁咗🥲。但我自己番焗嘅時候(先唔係叮啊)，佢自然

🍍 菠蘿QQ麻糬波波 $15/2粒💯 評分：🌕🌕🌕🌕🌕 (5/5)💬 菠蘿外皮十分香脆，帶住頗清爽嘅甜味，同麻糬波波嘅鹹香味產生中和嘅作用。麻糬內餡口感軟懦，食落煙韌彈牙，豐富嘅層次衝擊味蕾，同時為視覺帶嚟不一樣嘅享受。🤩🧀 原味麻糬波波 $15/2粒💯 評分：🌕🌕🌕🌕🌑 (4/5)💬 芝士味都幾濃郁，麻糬內餡同樣煙韌有咬口，每一啖食落都非常之具滿足感。粒粒麻糬波波都脹卜卜，絕對冇偷工減料。😋 🫖 伯爵茶慕斯蛋糕 $25💯 評分：🌕🌕🌕🌕🌕 (5/5)💬 慕斯散發住香濃嘅伯爵茶味，口感相當幼滑，配合酥脆嘅餅底同鬆軟嘅蛋糕夾心層次分明。士多啤梨同藍莓都好甜，整體食落既清爽又滋味。😍🍰 日式雙層芝士蛋糕 $25💯 評分：🌕🌕🌕🌕🌕 (5/5)💬 蛋糕本體非常鬆軟，散發住淡淡嘅芝士香味。忌廉芝士夾心軟滑濃郁，食落甜而不膩，脆卜卜嘅餅底令口感更加豐富。🤤

試咗原味同抹茶菠蘿皮麻糬波波。要排隊一個鐘。結論係：冇菠蘿皮麻糬波波就唔好排隊了！抹茶菠蘿皮麻糬波波 $15/2個 只係一個綠色嘅麻糬波波配菠蘿包皮，冇抹茶嘅味道。幸好冇菠蘿包嘅油膩感覺，而內裏有煙韌嘅麻糬味道，唔會太甜。唯一可以值得排隊嘅理由，係而家市面冇呢一類產品。但係呢一個波波冇一種食完會上癮嘅感覺。原味麻糬波波 $15/2個就係一般常見的麻糬波波，唔係太甜，冇乜特別，唔駛排隊買。可能因為前面嘅人都係等菠蘿皮麻糬，所以排到我買嘅時候係凍嘅。排咗成個鐘就係為咗呢啲脹卜卜嘅麻糬波波，但好易壓扁，佢比市面食開嘅麻糬波波柔軟。結論係：如果冇菠蘿皮嘅麻糬波波唔好排隊。排到你唔理係咩味嘅菠蘿皮麻糬波波都可以買，因為味道分別不大。每人有6個quota，全部買菠蘿皮，唔駛試原味了。