蔦 (Closed)

曾經有諗過入嚟食，睇到OpenRice嘅食評麻麻就放棄咗，之前見做折就入嚟試吓😬 咁為咗試佢嘅手勢，梗係點招牌嘅拉麵款式✨ 叫咗大嘅 醬油味玉叉燒拉麵 $169 同埋標準嘅 麻辣味玉叉燒拉麵 $139 麵條係混咗多種麥粉，店話係每日新鮮製作，質感上都唔錯，而我最欣賞嘅位係佢嘅湯頭，選用多種食材炮製，簡介話入面戈有全雞、新鮮疏菜、蜆同埋魚乾等食材，的確佢嘅湯望落去唔係濃郁比較清澈嗰種，飲落反而有多種層次嘅感覺，就黎未食完個麵就KO咗個湯😛日式煎餃子$45，比一般拉麵店嘅更加皮薄、餡多，唔會好重嘅調味，我地都覺得唔錯👍🏻睇番佢喺2016年至2019年都拎到一星評級，我覺得都算實至名歸嘅😛 老實講個裝修可能已經比較耐，環境已經唔夠勁新個種，但夠乾淨嘅👀 個湯底我哋都幾中意，再encore無問題😝

去到問路嘅時候保安姐姐已經同我講喔！嗰間拉麵日日都好多人排隊㗎喎～令我更加對佢抱有期望🤤Tsuta蔦 係獲得米芝蓮一星嘅拉麵店佢地嘅皇牌係得獎嘅醬油拉麵 湯底比較鮮甜清香但我同肥仔都係愛濃味嘅孩子😂所以經過連番討論 最後都係決定選擇豚骨湯底我揀嘅係豚骨味玉叉燒拉麵 湯底冇味精 食落濃郁香滑！食到最後都唔會有好滯好油膩嘅感覺🤭半熟蛋入口滑嫩 麵底掛湯力高又彈牙肥仔就食麻辣味玉叉燒拉麵拉麵一嚟到就已經聞到好香嘅花椒香氣見到裡面仲加入咗紀子 麻辣肉碎令成個拉麵食落更加惹味 口感更豐富麥茶嘅麥味好香濃感覺好fresh 解膩一流👍🏻仲有佢地推薦嘅日式炸雞同肥仔都覺得真係完全顛覆想像！用薄粉炸得脆香 加入附上嘅青檸汁調味好清新好特別 完全係啱曬夏天嘅味道🔆而炙燒骰子肉 就係我嘅推介☺入口溶化 層次感滿滿 完全覺得身心都被撫慰想享受日本滋味 愛拉麵嘅朋友都一定要黎試下啊～