鐵牛台灣牛肉麵 (旺角中心第一座)

Open Now

Now Closed

一年前食過依間既紅燒牛肉麵，覺得幾好食，隔左成年終於返撻啦▪麻辣大塊牛肉麵 $69麻辣湯好似好紅，其實得個色，個人覺得完全唔辣😂麵質有啲過淋，不過牛肉依舊係咁嫩滑，好好食。▪魚酥滷肉乾拌麵 $59乾拌麵好食過湯麵，個汁幾香口。滷肉有啲鞋，魚酥撈勻左基本上就消失左。兩碗既麵都有啲過淋，食慣鐵牛既朋友就話旺角依間鐵牛既質素經常唔穩定喇▪逢甲鹽酥雞 $38鹽酥雞勁鞋，完全零肉汁，有啲失望。鐵牛台灣牛肉麵旺角彌敦道688號旺角中心1期地庫A鋪

去旺角食晚飯成日淨係唸到食放題同埋打邊爐，今次特登諗定要食得清少少🐟而且錫住個荷包哈哈早幾日就同朋友一齊試鐵牛牛肉面佢既紅燒牛肉麵聽講十分好味，不過本人都係比較嗜辣，所以就叫左麻辣，湯既味道幾香，而且牛肉香稔，唔錯係台式牛肉個種味道我朋友就食雞腿便當，雞肉好食，不過醬汁加分好多甜甜地幾好食。最中意係佢有附一細碟蒜蓉生菜，我偷食左🐟我愛菜Overally, 旺角六十幾蚊環境ok又可以吹水，算唔錯。不過唔知係我飲開甜野定佢既珍珠奶茶糖落得少，所以覺得唔太夠甜

今日夜晚19:40左右到 ，拎兩人位，waiter話等大約6,7 pair到我地，本身我同個fd以為都要等半個鐘到啦，但係星期六，一定周圍都要等架喇，於是就坐低等。點知10mins都唔洗好快有位入座後會俾張點菜紙你填，跟著就好似快餐店形式咁，要去門口先點餐結賬，然後佢再送餐去你張枱。但係果頭點完餐坐低冇幾耐，碗麵就即刻到，3mins內就到好有效率！麻辣大塊牛肉麵 ($64)評分: ✔️✔️✔️✔️✔️湯底唔係平時辣油味既麻辣湯，而係重慶湯底，仲要係好味既有甘味又辣辣地既重慶湯。因爲小編本身就鍾意重慶湯底，加上佢係好好味既重慶湯，所以俾佢滿分！牛肉都好林，有台式牛肉味同時又有索到重慶湯既汁，啖啖麵都掛到滿滿既重慶湯汁，絕對唔會麵同汁分開。如果本身鍾意重慶湯既，呢個絕對值得一試！🤤但係佢個麵係類似拉麵既幼麵，而唔係闊麵，我個人就比較鍾意闊麵有口感啲，如果可以有得揀闊麵就好喇。另外，小編平時譚仔係食開2小辣，覺得呢個湯底辣味剛剛好，可以俾大家參考下辣既程度。😉牛根腩麵 ($58)評分: ✔️✔️✔️1/2正宗既牛肉湯底，好味！牛根夠林但冇乜味，牛腩肉有啲韌似瘦肉。唔食得辣既揀呢個都唔錯，但建議試招牌牛肉麵啲

上年的聖誕節去了台北跨年, 享受了一個很豐盛的旅程, 除四處遊玩外, 當然不少得周圍食, 去了出名的店子食牛肉麵, 又吃了街頭小店的蛋餅, 亦去了不少咖啡室吃窩夫和嘆咖啡等等, 想辦法在短短的旅程嚐盡各款美食, 雖然當時很滿足, 但回港後就成日心掛掛, 今晚一於約朋友吃返餐台灣菜。餐店位於旺角中心地庫, 沿電樓梯走往店子, 開放式的門口寬敞闊落, 鑲了三大個店名招牌, 很搶眼。走進內裏, 佔地寬廣, 有多張四人卡座、多排長沙發座的二至四人枱, 還有一排單人高座, 枱與枱之間有一定距離, 卡座亦挺寬闊, 坐得舒適自在。全店以深啡和黑色為主調, 簡簡單單掛上一些相片, 沒有花巧的擺設, 簡約純樸。安坐後, 來自台灣的店員隨即送上暖水、餐簿和點菜紙。細閱餐簿, 設計精美, 每版都附上主題相片, 看到一份用心。菜式分門別類, 非常清晰, 有台灣湯麵、台灣便當、特色乾拌麵、鮮蕃茄麵、台式麻辣湯麵、台灣小吃、台灣小菜及台式特飲, 選擇眾多, 款款也很吸引。******************************先來一客台灣小吃滿足一下，在台灣認識了用梅子粉配石榴同吃，不知用它來配炸薯又如何？黃