川味雞烤魚大王 (大河道)

Open Now

Now Closed

開宗明義，來這裡當然就是為了重慶麻辣烤魚，選了小半條鯇魚($172)，魚放在爐裡上枱，令魚一直都能保持温度，可以讓客人慢慢享用，湯少了又可以叫職員加湯。魚很入味，十分大條，十分新鮮，有很多肉，十分香濃，喜歡吃魚的話一定會很滿意。另外還點了幾款小食：麻辣牛展、及涼拌川辣味魚皮，麻辣牛展極有口感及嚼勁，入口既麻且辣；茴味雞翼皮脆肉嫩多汁，真的是讓人吮指回味；涼拌川辣味魚皮好像很少地方可吃到， 煙煙靭靭沾滿辣汁，味蕾大刺激！

之前一直都無試過烤魚, 見到荃灣咁多烤魚餐廳一直心郁郁想試, 今次終於搵埋fd 倍我來試下啦來到愛辣既我先order左幾個小食涼拌青瓜 麻中帶小辣, 而且青瓜夠爽脆入味唔錯麻辣牛展&麻辣粉皮大家都係同一個sauce 但粉皮無咁入味 不過我幾鍾意佢既口感牛展都幾好食, 係等待主角滾既時候, 好快就ko 左呢碟最後既主角, 亦係全日最滿意既一道~~我地叫左全條鯇魚, 麻辣既中辣。條魚大條到咁大個盤都差d 裝唔哂咁魚肉彈牙鮮嫩, 正其實原條魚應該本身就熟, 係滾熱番去。 蒸過魚都知咁大條魚好難全條煮得嫩滑, 因為通常魚肉中間較難熟, 中間熟左可能魚尾就老左難得係呢度咁大條得來,火喉岩岩好 一滾左我地夾左中間同尾部既魚肉一樣咁嫩滑。 不過要食就快快手, 好似我同fd 咁掛住吹水, 煮耐左肉就老左無咁好食麻辣湯底一開始可能因為有魚鮮甜調節, 所以雖然叫左中辣, 但反而無小菜咁辣不過愈滾, 個湯就愈濃愈惹味亦都愈來愈辣啦～ 到後期係盤入面既薯仔呀, 蘿蔔呀同菜都入哂味, 超正原本諗住可能再叫幾個火鍋配料, 估唔到食完呢盤魚已經夠哂飽 haha 大滿足有機會下次拉大隊再來

已經係第三次幫襯喇，因為呢度既出品真係好有水準，尤其係辣野特別惹味，嗜辣既朋友真係會好滿足！涼拌川辣味魚皮 $56未食過真係唔知鮮魚皮原來係咁爽口，幻想中應該係好淋家嘛~魚皮有一定厚度，咬落相當彈牙，夾埋花生一齊入口仲過癮，魚皮索晒d辣汁，味蕾好刺激。麻辣牛展 $78牛展爽口唔韌又夠入味，麻味勁過辣味，麻味好耐都唔散，食得辣既朋友完全係陷入瘋狂狀態。招牌口水雞 $68(例牌)見到鮮紅色既麻辣汁已經令人流晒口水，雞件啖啖肉好夠滑，又麻又辣非常醒胃，辣度可以話係啱啱好，亦滲到入雞件入面。游水沙巴龍躉 $388黎到呢度必食梗係重慶麻辣烤魚，今次揀左游水沙巴龍躉、小辣，一上枱聞到好香好惹味，個個食指大動。條魚份量十足，有好鮮濃既魚味，肉質嫩滑，唔易散開仲好鮮甜彈牙，平時少食魚既朋友都係咁夾唔停，就知有幾好味啦！