春水堂 (新城市廣場三期)

Open Now

Now Closed

冇食過春水堂, 就趁Lunch 去食。原來野食唔算好多, 同埋冇lunch set。🥲叫左碗麻辣牛肉麵$88同一杯珍珠冬瓜鐵觀音$37,夾埋都要$125🥲麻辣牛肉麵$88完全唔麻辣, 陣味係似豉椒排骨個陣味, 仲要份量唔多, 食完覺得係要再食。湯底係令我失望～牛肉都不過不失啦, 都擺得落口既。 可能飲完杯珍珠冬瓜鐵觀音會飽左呢,點知唔係我杯茶。珍珠係細細粒珍珠, 但係茶味濃, 中意茶味濃既會好中意。上餐速度都快,不過個麵真係…一般般。

全港雖然有不少分店，但一般都要排隊🥴 第一次食春水堂，幸好排左一陣就有位了▪️麻辣牛肉麵 ▫️凍珍珠奶茶 牛肉麵有辣同唔辣的紅燒牛肉麵供選擇，麻辣湯底好香同味道濃郁😍 牛肉份量適中，牛筋好入味同口感軟淋，好味！麵條亦煮得剛好，唔經唔覺就食晒⋯配珍珠奶茶真係好正，而且珍珠係細粒的♥️我好鍾意細粒珍珠，因為大粒我會咬到好攰lol▪️珍珠鐵觀音雪糕吐司 吐司可能因凍左的關係，食落有啲乾硬⋯鐵觀音雪糕不錯，但啲焦糖醬(應該係)有啲甜，加埋啲cream同甜珍珠，食食下覺得太甜了🥲個人認為價錢中上，因為食物飲品都係單點如果唔使排隊既偶而食可以⋯

八點幾，間間餐廳都排晒長龍，見到春水堂人龍短少少，就同呢排一齊戰鬥嘅伴侶去試下。我哋兩個都係第一次食春水堂，我抄考佢叫麵，叫咗麻辣牛腩麵。湯夠曬，岩曬重口味嘅我，仲可以辣D。牛腩牛筋各一半，略嫌牛腩太厚，有少少嚡。麵質大讚！好爽口、彈牙。但係食咗幾啖就已經冇晒，份量少得可憐。朋友嗰碗同樣情況。唔係我大食但真係食唔飽！！！！飲品方面，試咗據稱其他分店仲未有嘅香蕉奶茶。飲落有驚喜有香蕉果蓉。但同麵一樣致命地方係飲幾啖就已經飲晒，剩返大半珍珠。雖然細珍珠本身好味，但本身唔係珍珠狂粉。飲嘢係為咗解渴...但而家到喉唔到肺。

春水堂咁出名，加上本人係珍珠奶茶愛好者，一直都好想黎試下。係疫症其間，一田大部份舖都冇咩人，我三點幾黎到，估唔到竟然滿座，果然非常有人氣。嗌左碗牛肉麵，幾鍾意呢個牛肉麵，比珍珠奶茶有驚喜，牛肉一啲都唔老，煮得好林，湯好濃，不過唔夠辣。另外一提，佢份量真係偏少，我一個女仔食都略嫌唔夠。最期待既珍珠奶茶，其實味道有點似茶湯會😂好似冇叫少甜，佢冇一般既台式奶茶咁甜，甜度係岩岩好。味道係ok，不過冇驚喜，價錢黎講都幾貴下。