口麻天辣

Open Now

Now Closed

新野黎，酸菜魚癮起食真係perfect，唔洗過關就食到，買定返屋企同老婆撐枱腳。個酸菜魚幾正，咸酸菜超多，夠酸夠香，辣辣地。魚肉結實又夠厚，個餐包個飯、小食同涼菜。小食似炸雞肉，好惹味。另外叫左個藤椒湯，唔辣，但香，可自選餸。鮮豆皮豆味重，好有豆漿味；牛柏葉、魚片頭、蓮藕片、寬粉，都勁夾個湯。配埋彩虹冰粉、同埋手打檸檬茶、紫米豆漿、麻辣牛腱，勁有家鄉風味。牛腱好腍有牛味，麻辣到剛剛好。唔算貴，外賣攞返屋企，一啲都冇倒瀉到，包裝仲好企理，下次可以再幫襯。

聽聞有間酸菜魚嘅lunch可以嗌一人前，咁同friend一齊去就可以嗌多幾款一齊試吓啦去左v walk既口麻天辣，店舖唔大，大約有五至六張枱再加bar枱位，成間都係粉紅色，勁少女心午市套餐都有唔少選擇，同朋友嗌咗一個海鮮麻辣燙$88 可以自選三款肉類+三款蔬菜類+一款麵 我哋揀咗巴掌肥牛，鱸魚片，魚片頭 ，大豆芽，花菜，炸豆卜，寬粉 嚟到嘅size一啲都唔一人前，好大盤😆😆 湯底都幾濃，啲餸既份量都唔少川味水煮魚套餐$108 套餐會配一款前菜(當日係蓮藕)同埋一碗白飯嚟到賣相好靚，係配一個金色嘅，下面有火一路可以熱住盤水煮魚 水煮魚味道好好食，面頭仲有啲炸蒜，口感好豐富，本身都配咗啲大豆芽同埋寬粉，好入味另外我哋仲嗌咗啲小食香辣土豆絲$22味道唔算太辣，感覺好似酸辣土豆絲咁麻辣牛腱$38都整得幾入味，牛腱都幾腍，份量有5塊黃金脆炸小酥肉$28呢個嘅份量真係嚇我一跳，一兜滿嘅，不過有少少乾咗啲小食嘅盛器都好靚，好岩打卡用嗌咗飲品手打檸檬茶$33 正正常常不過不失幾好飲紫米豆漿$16 係西龍傳香飯團嗰支，獨立包裝，方便又好飲最後仲嗌咗個甜品紅糖糍粑$28炸得好脆，中間都好煙靭，略有少少

呢排新開左好多餐廳！而且裝修都充滿特色風格，粉色少女風格係香港絕對少有，開張既時候已經BOOKMARK左呢間餐廳!位置南昌V Walk商場，遠距離已經見到粉紅外牆，超吸睛！6點已經坐滿一半人，因為位置唔算大，所以要黎既話真係要趁早，或者BOOK 定枱！佢最大特色就係，每道菜式都會用呢種打卡able既底座，賣相精緻，影相時候勁似食緊tea set，以假亂真都得XD麻辣牛腱，辣得過癮惹味，帶麻麻既刺激感，牛腱口感亦好淋。每日涼菜都唔同，今次涼菜係泡椒無骨鳳爪，酸辣感重，相對上幾辣！晚市一人餐包括主菜，小食，涼菜同白飯，嗌左一個辣一個唔辣，首先講唔辣。酸甜清新蕃茄魚，望落紅卜卜好吸引，茄味夠香，裡面仲有粉絲，魚片啖啖肉。天花頂酸菜魚，可自選辣度，我地揀左小辣，酸酸辣辣好開胃！魚片嫩滑，冇骨啖啖肉，份量十足，送飯一流！香炸脆奶，入口酥脆，裡面係香口牛奶，外脆內軟，甜品黎講幾有驚喜！紅糖糍粑，軟糯口感，食落去年糕味較出，感覺幾得意～