8鍋臭臭鍋 (金巴利道) (Closed)

為咗等朋友放工，所以有啲晏先食夜晚飯。好彩八點半嚟到嘅時候唔係好多人，唔使等位，一入就有位啦😏因為有啲夜先至食嘢，所以唔係好肚餓於是我哋兩個人嗌咗一個餐，再加臭豆腐做小食。其實之前都嚟過，所以好多都試過晒。見到佢今次有個新嘅咖喱奶蓋鍋，就試試佢啦😗餐牌上面有教點先混到黃金比例嘅醬好搞笑喎係3沙茶醬比2鼓油比1蒜鐘意食辣仲可以加辣醬我就唔食辣 無加辣醬不過一樣滋味喎👻混好醬就啱啱好有嘢食喇！原本有啲擔心佢會有啲辣，因為叫做咖喱但係原來佢係日式咖喱，所以其實一啲都唔辣，而且有少少甜。正正就係因為個咖喱夠甜，配埋個奶蓋即係甜嘅嘢食落口就好夾啦🥳個鍋都好夠料，而且因為我之前已經食咗少少野，所以唔係好肚餓。今日食呢個鍋對我來講實在好多吖，下次一定記得要留肚嚟食呀🤓嘢食包括有打邊爐必備嘅粟米，菜，獅子狗，蟹柳，金菇，腐皮，豆腐，最重要有魚蛋啊！咖喱嘅絕配呀！🤗🤗🤗🤗仲有加埋奶蓋呢個配搭絕對係新鮮，值得一試😋臭豆腐最欣賞嘅就係佢面頭嘅辣椒乾，令到舊臭豆腐除咗有香味之外，仲有足夠嘅辣味，放入口夠晒滋味。而且唔會炸到好乾，都仲keep住有啲水份，最怕就係食到乾爭爭嘅臭豆腐啊🤪嘢飲我就唔貪心，嗌咗個簡單嘅

今日天氣寒冷，諗住食火鍋可以暖下身，網上見有間火鍋店都幾多好評，就去試一試我覺得價錢唔貴，因為午市幾十蚊已經有一個一人鍋、粉絲或者飯、再加飲品我揀咗個咖喱奶蓋鍋，每個火鍋都有指定嘅材料，呢款有豬肉片、娃娃菜、黃金魚子球、鳴門、蟹柳、魚蛋、沙葛、沙白、魷魚圈、四季豆、粟米、金菇等等，湯底上有一層奶蓋，都幾特別湯底唔算特別辣，有淡淡嘅咖喱味，材料豐富，冬天食就最好粉絲幾爽口飲品我就加咗$7轉做茉香奶綠，茶味好濃，唔會比奶蓋過味道餐廳有提供一啲沙茶醬、蒜蓉醬等俾客人調味另外仲叫咗個麻辣臭豆腐試吓，臭豆腐嘅質地比較粉身，麻辣味香濃，可以一試餐廳坐得幾舒服，午市又冇限時，職員服務態度幾好，係一人火鍋店嘅不錯選擇

呢間臭臭鍋已經係第三次嚟啦~今日返返下工突然間諗起臭臭鍋既臭豆腐，即刻whatsapp老公約佢放工過嚟尖沙咀一齊去食，去到門口已經有熟悉嘅臭臭味~坐低基本上唔使睇menu已經諗好食咩為咗要止痕淨係食臭臭鍋嘅臭豆腐又點夠?!我仲點左個麻辣臭豆腐， 不過麻辣味略為遮咗臭豆腐嘅香味，不過經醬油炆煮過又另有一番味道~我哋叫咗一人一杯嘢飲，老公飲柑桔檸檬梳打。我就飲盆栽奶茶，就咁飲覺得係飲緊朱古力，用返飲管由底部飲上嚟就會飲到阿OREO嘅餅乾碎，好濃好好味!跟住我哋嘅鍋都到啦! 老公點咗黑麻油雞鍋， 佢嘅湯底辣難度揀，不過試咗一口湯好香濃。雞肉、娃娃菜、炸支竹、金針菇、枸杞、淮山 、米血糕、鳴門卷、粟米、玉子、豆腐、貢丸。而我嘅招牌臭臭鍋點左少辣，始終覺得少少辣惹味d！！入面除咗有臭豆腐外，仲有娃娃菜、白豚肉、鵪鶉蛋、大腸、貢丸、米血糕、豬紅、沙白、蕃茄、金針菇、炸支竹。每一個鍋配料都是滿滿的，樣樣d 已經好飽。跟鍋可配白飯/粉絲, 加$12可轉滷肉飯，上一次試過，滷肉跟醬汁真係好滋味~不過食完整碗飯太飽了,所以今次只係配粉絲~加上我既臭臭鍋有少少辣,粉絲就更入味, 簡直係perfect mat

Plan左夜晚一收工去做運動，所以決定lunch要食飽d上路🤨 想打邊爐又唔想真係太heavy，最後就揀左臭臭鍋🤭8鍋位於金巴利道，地點唔算太方便，地鐵行去要十分鐘左右。勝在内左環境夠寬鬆，都坐得幾舒服。有9款鍋比大家揀，總有一款岩你心水。小食種類唔多，都係d比較大眾化既選擇 。枱面有四款醬比大家沾食物。🥘🇹🇼 臺式葱爆鍋 $88 湯底好香薑葱味，有一絲絲好切得好幼既薑，好野味料方面雖然唔算特別但勝在夠多，一鍋可以滿足曬好多願望🧚🏻‍♀️有牛肉片、貢丸、娃娃菜、芋頭、魚蛋腐、蕃茄、雞脾菇..... Lunch黎講好豐富☺️牛肉片配呢個薑葱湯味道好夾，建議大家要盡快夾起牛肉，不然會老會韌噢🧀🥛🥘芝士牛奶鍋 $88 湯底既芝士牛奶味好香濃，令人一飲再飲相對地亦會偏膩易飽肚Lunch set可跟白飯或粉絲，粉絲沾左牛奶湯好好味🤤🤤🤤意想不到既係好多餸配呢個湯味道都出其地夾！娃娃菜啦、蟹柳啦、金茹啦，全部索汁既餸都變得好好味✌🏻值得一讚係個肫肉片，唔太肥得黎仲好林👍🏻每款lunch set 鍋都可以揀飯或粉絲，份量唔會太多。🥤茉香奶綠(左) & 盆栽奶茶(右) 茉香味濃又唔太甜，同係專賣台式飲品店

自從五月交左份畢業論文之後，我做左成個月廢青，大部分時間都係屋企食雞加埋最近天氣真係熱到呢，無咩特別，真係唔想出街，但食得多屋企飯，又想出街食下飯喎，所以就約左朋友出黎，順便陪佢出尖沙咀買野，我地行左一陣，已經大汗叠細汗，頂唔順喇，要揾餐廳食野嘆冷氣休息下，我地行到去韓國街，見到呢間專食臭臭鍋，好似好得意喎，而且價錢相宜，一於試下環境尚算大，氣氛舒服，一入去就嗅到火鍋嘅氣味，值得一讚嘅係，佢嘅冷氣相當稱職啊，超舒服😌我同朋友一人揀左個鍋，再加左個麻辣臭豆腐當前菜，有別於港式臭豆腐，呢度果啲不是油炸的，所以感覺健康啲，臭味惹味，配埋麻辣粉，相當好味而火鍋方面，我當然要試招牌臭臭鍋喇，我揀左小辣配粉絲，湯底彌漫住少少類似臭豆腐嘅味，好啱我口味，而餸菜方面亦十分大方，種類多，份量亦頗多，扺我最鐘意係佢個米血糕，煙煙un un，而最尾個粉絲係精華，勁吸湯，食完大滿足而我朋友就揀左個香蒜牛肉鍋，除左湯底唔同之外，配菜亦有少少唔同嫁，分別有，牛肉片，蟹籽丸，甜不辣等等，我朋友食完都話正而8鍋係飲品方面，亦一點也不遜色，話明係台式邊爐，當然要配返台式飲品喇，珍珠奶茶、果汁紅茶/綠茶、沙冰樣樣齊，而且

一直都想試下臭臭鍋，今日早左放工就去試試先！餐廳都幾大下，有好多位，夠哂我地幾個人坐麻煩臭豆腐一入餐廳就聞到好香麻辣味，差唔多每台都有叫麻辣臭豆腐。連唔鐘意臭豆腐味既朋友都忍唔住食左臭豆腐真係重口味，不過又好好食！陣陣既臭豆腐味配試麻辣令味道唔同左，辣起黎又好過癮，臭得黎又好好食招牌臭臭鍋，入面有勁多唔同既食物全部都吸哂湯底既精華，好濃郁，好入味！豬肉片質素不錯，肥瘦平衝，肉味香濃！臭豆腐好滑但又好香仲有鵪春蛋好彈牙，好好食米血糕味道好香濃，口感扎實，同係台灣夜市食既一樣。沙白好爽口，好特別！雖然白飯都好好食，但好後悔冇叫到滷肉飯，因為滷肉飯超好吃食左朋友既滷肉飯幾啖已經覺得好正見到個名叫盆栽奶茶咁得意，就叫黎飲下原來係指Oreo 打成好似泥咁，再加入奶茶中奶茶中有香甜既Oreo 味，好邪惡好好飲可以清一清口中既臭臭鍋味

這間位於金巴利道的8鍋臭臭鍋主打一人一鍋的台式料理，每次經過也看到十分多人在門外等候，今天我也在等候中😆看看有什麼特別可以吸引那麼多人🤔香蒜牛肉鍋 - 配料多樣味道一般沒有特別所有味道完全是來自於桌面的調味料，而他的火不知道是用什麼燃料很快便燒完，因為我加了一些配料常常因爲沒有火要服務員加，可是服務員有很多，做事的人卻很少所以十分麻煩腐皮 - 比較硬沒有滑身的感覺凍豆腐 - 豆味欠俸麻辣臭豆腐 - 外皮炸得脆身可惜臭味郤沒有港式的臭原全不像臭豆腐，似普通豆腐😕牛肉片 - 牛肉片夠厚身有質感不會切到紙那樣薄魯肉飯 - 味道濃郁可惜魯肉質量一般比較硬不夠香滑沒有令人再食的衝動