天園餃子

Open Now

Now Closed

天園餃子行街坊舖頭路線，平靚正。個人覺得可以一試，但未必會再去食。*湯餃餃子皮似雲吞皮多啲，非常薄、魚尾收口，差在冇用蛋開皮。餡料份量唔多，菜肉比例1:1，用料新鮮，唔會有奇怪腥味。白胡椒雜菌豬肉餃 (餃子套餐$40)白胡椒非常強烈好攻鼻，去到最後先食到豬肉同隱約菇菌味。皇帝菜豬肉餃 (餃子套餐$40)我覺得皇帝菜其實冇乜人鍾意食，明顯我完全係非主流。菜味冇想像中咁強。韭菜豬肉餃 (餃子套餐$35)經典組合，正常發揮！麻醬雞絲粉皮 (套餐小食 +$20)我敢講麻醬份量比粉皮多好多，粉皮滑捋捋，每條都好短，俾好多麻醬包住，好濃芝麻味，雞絲得四五條。

𝒲𝒽𝒶𝓉 𝒾𝓈 𝓎𝑜𝓊𝓇 𝒸𝑜𝓂𝒻𝑜𝓇𝓉 𝒻𝑜𝑜𝒹 𝑜𝒻 𝒶𝓁𝓁 𝓉𝒾𝓂𝑒𝓈?要講comfort food一定有餃子份🥟, 想減肥想食清d黎碗湯餃就最正 成日覺得食餃子多菜少肉又薄皮, 罪惡感好低 呢間餃子口味多, 有我最鍾意既西洋菜餃我試過自己整好苦 都係食返呢度既高水準🥟韮菜餃煎得好香口, 外皮夠脆又唔算太油, 最緊要個餃皮唔會過厚成口粉👍 想食再香口d仲可以揀炸餃添! 小食方面一定要介紹麻辣口水雞卷🐥連唔好辣既我都覺得好香麻好惹味🤤 加上可以揀🔟小辣, 更加易入口!真係完全唔食得辣既就可以揀雞絲粉皮, 份量都好足🥒想食飽肚d既個餃子可以加麵底, 或者額外叫個撈麵都好正🍜 豬手仲係秘製添🍖-西洋菜豬肉湯餃🐷($33/10pc)芹菜木耳豬肉湯餃🥬($33/10pc)韮菜豬肉煎餃🥟($42/10pc)麻辣口水雞卷🐥($32)麻醬雞絲粉皮🥒($38)秘製豬手撈麵 🍖($48)-天園餃子牛頭角宜安街19號地舖土瓜環北帝街41號地下B舖油麻地通菜街1號華發大廈地舖1200-2200

武漢肺炎搞到仲有限聚令， 同d fd而家唔可以一班人出街食，唯有上friend屋企整嘢食啦~ 我地上去玩之前， 食個light lunch先~ 我地揀咗食餃子， 就係呢間天園餃子喇估唔到呢間鋪仔細細，都唔少人嚟食喎， 仲要有好多外賣， 我地等咗一陣就入到去坐卡位， 佢係用qr code自己落單， 好方便 我地一行3 人， 叫咗一份十只香茜豬肉餃， 同兩份set, 揀咗白胡椒雜菌豬肉餃同韭黃冬菇豬肉餃， 麻醬雞絲粉皮同麻辣雲耳海哲， 估唔到個麻辣雲耳海哲又幾好食喎， 少辣， 有好香嘅麻味， 雲耳海哲都好爽口入味~ 個白胡椒雜菌豬肉餃都好surprise, 估唔到咁夠胡椒味， 真心正~ 佢個香茜豬肉餃同韭黃冬菇豬肉餃都好好食， 只係個白胡椒雜菌豬肉餃surprise us a lot, 下次嚟一定要叫~