心夜來潮 (Closed)

今日經過旺角又特登上嚟食😋之前已經嚟過好幾次一樣都噤好食😃大家經過都可以去試吓🤭環境空間幾大坐得比較舒適，店員有禮貌服務態度值得一讚👍潮汕砂鍋粥🌟自行配搭任何材料，我地選擇幾款自己鍾意既海鮮。有海蝦，花甲，鮑魚，元貝，全部一樣新鮮大隻，令到粥底好鮮甜，好推介👍芥蘭炒新鮮黃牛肉🌟牛肉抄得好入味口感彈牙，可以選擇芥蘭/野山椒抄。黃金一口炸饅頭🌟炸到外層金黃色令人一口接一個😋炸得好酥脆加上煉奶真係絕配👍每次我黎都必點的。

難得約到唔少朋友食團年飯，所以決定去食潮州野，貪人多可以試多幾個小菜。係云云餐廳中最後揀左旺角既心夜來潮，一黎食評唔差，二黎地點方便。之前睇食評咁多人讚好，仲諗住會好full，所以一早經Openrice book左枱，但入座果陣7:15，只有兩三枱客。人唔多，唔會好嘈，但餐廳用無椅背既長木櫈，坐得好唔舒服之餘，我仲要全程攬住個袋食飯，中意久坐既朋友就要注意。食飯前就梗係飲湯先啦，所以點左個胡椒豬肚雞湯，暖下個胃先。足料胡椒豬肚雞湯 $268實物同個名一樣-----足料，雞嫩、大件又唔腥既豬肚、十足既胡椒，非常好飲!!醬鹵鵝片 $140切得夠薄，所以入口鹵汁味夠濃；肉質軟淋，唔痴牙；下面既豆腐片都好好味。心夜小炒王 $98我每次食潮州野必點既小炒王，呢度都唔例外!! 呢度既小炒王除大一般會用既材料外，再加上芋頭絲，整體鹹香十足，又夠鑊氣，不過幾油下。傳統鴨蛋煎蠔烙 $98係米真係用鴨蛋我就試唔出，但呢個蠔餅偏薄身，粉感唔重，炸得未係好乾好脆，入口比較濕潤，但個人比較中意食乾身、脆身、厚身D既蠔餅；蠔既SIZE算大隻。石板紅燒醬香骨 $88石板熱辣辣送上枱，香氣四溢，泰式辣醬味，一客有九支

黃金一口炸饅頭($38)其實炸饅頭配上煉奶係無得輸。即叫即炸，上枱既時候熱辣辣，細細舊，真係可以一啖一舊，食完又唔會太飽，可以放心嗌。-脆香小食併盤($88)小食盤有3樣小食，分別係脆炸獅子頭，巨型脆香手打魚蛋，一口牙韱雞。3樣炸物都非常有質素，香脆得黎唔會成口油。魚蛋用上新鮮魚肉手打而成，非常彈牙。獅子頭加入左冬菇，好香。牙韱雞就係GM最鐘意食，必點❗️表面一粒粒個d係椒籽，食落口脆卜卜，而且冇炸到過左火，保留到肉汁，絕對唔會乾。配上泰式酸辣醬，簡直係宵夜邪惡之選😈-醬鹵雙併($68)揀左豆腐同豬頭肉，豆腐冧到不得了，筷子🥢功力唔夠既人係會一夾就散。豬頭肉肥瘦分佈唔錯，夠冧又不失咬口。不過略嫌鹵得唔夠入味，淡左d。-白果胡椒豬肚湯($88)豬肚洗得乾淨，唔會食到有陣味。如果可以再辣d，多胡椒就仲正，冬天飲係一流。可惜蘿白煮得唔夠冧，失左準，扣左分喇。-好味指數:8/10賣相:7/10性價比:7/10

是咁的, 向來以唔識食見稱既小妹一向都麻麻地打冷呢件事因為小妹唔食內臟又唔多食蠔餅...但係上網見到好多人推介呢間心夜來潮.. 咁好奇睇下佢餐牌又發現有好多平時打冷店無既款式 而我又岩食😁所以好奇心驅使下決定要黎試下~~~呢度有提及到..潮州菜同打冷既關係~book左7點鐘食飯..估唔到..咁早已經咁多人@0@好彩有book到位~~~一直驚驚地潮州菜館地方會比較"撈搞".. 但呢度唔會全部野都好整潔~由於唔太肚餓既關係 我地無叫到d好飽肚既野食~如果唔係..都好想試下佢個蟹肉蟹膏撈飯😻潮菜係以烹調海鮮方面出名..加上自己又好想食xd所以先叫左2隻新鮮蟶子王$42/隻(2隻起)夠晒新鮮不在話下..佢d蒜蓉真係多到....😍😍😍食到最後就咁空口食d蒜蓉粉絲都好好味😍😍😍朋友想食菜, 所以揀左呢個心夜小炒王$88好多唔同材料既一碟小炒: 韭菜花,魷魚,蝦乾,腰果係好夠鑊氣同好惹味既一碟呀~~~我同朋友都勁鐘意食佢個韭菜花, 爽口又唔會老, 正~!!跟住呢個係最估唔到呢度會有, 又係我由細食到大既黃金一口炸饅頭$38/9個本來以為會食唔晒.. 點知我地2個女仔食完一舊又一舊...仲有 一定要每

今晚決定做"潮"人................食"潮菜", 上去樓上呢間夾雜住傳統與新式潮家菜菜店!餐牌上包括潮汕砂鍋粥, 傳統潮州醬鹵汁類及新式潮菜, 各式其色!  今餐就點左呢幾樣菜式 :方魚炒芥蘭 ($68) - 條條芥蘭色綠分明, 爽硬度岩我口感, 食落唔老同有甜味, 配埋有嚼勁既方魚片, 加添"潮"味!酸菜鮮甜白蜆湯 ($88) - 份量都幾大鍋, 大部份開口既白蜆, 蜆肉雖然唔大隻, 但肉質甜嫩, 配以酸菜的咸香味, 湯底仲有白蘿蔔條既鮮甜, 若然有火爐"慶"住會仲好D, 保持熱辣辣, 啖湯都更加鮮味!秘制墨魚脯豬手煲 ($98) - 豬手炆得好腍身, 食件豬皮已經感受到D膠質係口中; 而墨魚脯口感有咬口, 食到少少鮮味, 醬汁濃厚惹味, 有碗白飯就正配!家鄉路邊炒米粉 ($68) - 一碟以多種配料炒成, 包括豬肉, 蝦米, 芽菜, 蛋絲, 多種口感同味道, 米粉炒得乾身唔算油膩, 配埋碟辣椒油一齊食仲惹味!最後以呢碟黃金一口炸饅頭 ($38)作為"甜品", 炸至金黃色一口SIZE, 外脆內軟, 一定唔少得係點煉奶, 好好食!

韓國醬油蟹醬油蝦就食得多啦，估唔到有得係香港食到潮州既醃鮮，一於約班FD去試下。要數世界上最邪惡既食物，我相信豬油渣都可以列入頭十名勁耐冇食過豬油渣麵，竟然見到呢度有得食豬油渣蒸水蛋，梗係要試試啦🤤🤤🤤🐷豬油渣炸過非常香口，脆卜卜之餘入面重有香口的油香，而且唔會覺得食落口好油膩或者好大陣酥味，送飯一流而雞蛋亦都蒸得好有水準，蒸得夠嫩滑，而且唔會蒸到起泡，口感順滑又香。配上甜甜的豉油，整個組合相當惹味熱辣辣既脆炸饅頭配上練奶，永遠都食唔停口卥水拼盤有豬耳丶豆腐丶紅腸丶豬大腸丶五花肉等等，味道唔會太咸，送飯送啤酒都一流。$43蚊一隻的聖子皇，大大隻，味道唔錯，而肉質都爽口$18蚊一隻既醃生蝦，每隻都有半隻手掌咁大。肉質都幾結實，醬油味唔會太咸。脆炸獅子頭，餡料好足料又結實，啖啖都係肉味。配泰式雞醬唔錯。炒得好乾身既粉絲，配料有蛋丶冬菇等等，味道唔會太濃，食落幾爽口。大愛油炸過的咸魚配芥蘭，咸魚炸過後脆卜卜，送酒真係一流！超正。

返工工作壓力真係好大架......幾個女仔放工就緊要去行下街~ 行完旺中正打算過對面食南記, 抬頭一望原來係南記上面有一間叫做心夜來潮, 咁就膽粗粗上左去試下~佢個MENU其實都幾多選擇~ 但我地始終全部都係女仔~ 所以都不能叫太多~ 加上個時已經係夜晚9點半, 所以唔想叫D 太heavy~ 第一樣係醬鹵拼盤成個拼盤total有6個item, 鹵味都重~ 唔太咸~另外叫左個蟶子~ 價錢方面唔算好平~ 但勝在都身算大隻~ 一人一隻就岩岩好~火喉方面都控制得幾好~ 味道唔會太濃都keep到海鮮味~朕有位朋友成日都話我鐘意依埋晒d cheap野~ 係呀~其實愈cheap既野, 先係愈難煮得好味既野~ 其中一種既就係饅頭~ 佢饅頭既size係mini size, 2啖就可以食完, 佢細細粒但係炸得一d都唔會過硬, 外脆內軟, 再點埋煉奶真係好好味~之後上既係家鄉粉絲線兜亂, 睇個名都知道係炒粉絲啦~ 佢有d肉粒係裡面, 食落唔會炒到一pat pat, 粉絲都係根根分明, 同埋唔會好油~女人呀, 唔想有肚腩其中一個主要解決方法就係排毒, 食菜都係一個可以幫助到女士既方法~方魚朕估計應該係咸魚~