荳子 (PopCorn 2)

Open Now

Now Closed

成日都食Beans，基本上係Beans嘅fans，諗唔到食乜嘅時候都會食呢間！而將軍澳嘅Beans最特別之處係同一間茶飲店合作（我想和你無所事事），所以可以食到Beans之餘，仲可以飲我喜愛的茶飲店！最中意黃金蟹肉意粉&黑松露軟殼蟹意粉，基本上係必食!😋黃金蟹肉意粉每次都會有個蟹殼放係隔離裝飾，打卡滿分！意粉充滿住蟹肉香味，意粉軟硬適中，適合一人分量。黑松露軟殼蟹意粉黑松露味濃郁，雖然軟殼蟹唔算好脆，但整體味道中上。千島醬蟹棒帶子帆立貝薄餅味道唔錯，千島醬同蟹棒帶子嘅味道都好夾。而pizza係厚底的，雖然唔算好大塊，但都夠飽。跟餐可以免費包一杯指定飲品，想試其他野飲可以用優惠價買，我買咗我想和你無所事事的飲品😊😊奶蓋四季春四季春茶味清新，夾埋奶蓋一齊飲好邪惡吖😆😆

打卡chill下➖Beans Cafe🌕相信大家對於beans都唔陌生一直都覺得佢嘅lunch set幾抵食😳😳〰️黃金蟹肉意粉 $76呢個意粉無論外觀定味道都好好 個蟹殼都幾搞鬼 意粉煮得啱啱好 但食到有少少殼 老人家同小朋友可能要小心啲❗️意粉啖啖都好creamy 有蟹膏同蟹肉超鮮甜😍〰️北京燒鴨蒸包漢堡 $92薯條分量比得好多 幾新鮮同埋佢落鹽唔會話太多 但小編最後都係食唔曬啲薯條😹個鴨肉漢堡就認真麻麻地 鴨肉好鞋好難咬 個蒸包漢堡好似整定咁 一啲都唔熱搞到硬曬😢〰️檸檬蜂蜜 跟餐送好似細個食過果隻蜂蜜糖嘅味 幾清新 飲落喉嚨都好舒服 幾有驚喜🤤🤤💰$184食物質數 💛💛💛環境舒適 💛💛💛💛抵食指數 💛💛💛推介指數 💛💛💛環境的確幾舒服 坐窗邊仲chill🌊➖➖➖➖➖➖➖➖➖➖📍 荳子 (PopCorn) (將軍澳)將軍澳唐賢街9號PopCorn商場1樓F95號舖

今次1行4人到將軍澳覓食大約下午12點10分到店 前方有大約10個人等位我哋大約等咗35分鐘入座因疫情問題 店內只可以有40名人客所以都等咗一段時間先入到我哋叫咗四個午餐以及一個小食千島醬蟹子帆立貝薄餅 芝士好滋味而且可以拉絲每人一片好滿足第二款係豬肉漢堡 特別在於佢唔係漢堡扒 而係一啲豬肉碎組成嘅漢堡 跟住係黑松露軟殼蟹意大利粉 亦都係我最期待嘅 但係少少失望 覺得佢嘅黑松露味唔係好夠 但依然其實係幾好食 佢有好多菇好正 跟住最後一度係黃金蟹肉意粉 有半個蟹殼喺度做裝飾 跟住依個意粉真係入邊有蟹肉蟹喎 呢個係今日食過最好食嘅一度菜式 非常之入味

Beans係一間主打西式餐食嘅連鎖cafe,由於食物質素一向有保證而選擇亦好多,所以Beans長期都人地人海。Beans而家有7間分店,除九龍灣店外,其餘都開係新界地區,可能就係新界區cafe競爭較細,所以Beans越開越多！。。🔘 黑松露薯條 | $25評分: 🌕🌕🌕🌑🌑評語: 黑松露量比較少,望落似普通薯條,但黑松露醬就有濃郁黑松露味。。。🔘 焦糖單骨雞翼 | $54評分: 🌕🌕🌕🌕🌑評語: 焦糖味好重,食落甜甜地。雞翼應該用焗或者油炸嘅方法烹調,食落不油不膩。。。🔘 黃金蟹肉意粉 | $98評分: 🌕🌕🌕🌕🌗評語: 蟹蓋係裝飾嚟😂不過意粉入面都有好多蟹肉,而蟹肉味都好鮮甜。醬汁好香濃滑口,好似有d蛋黃味，每一條意粉都被包裹住,非常好味。份量啱啱好,一個人食一份就夠。。。🔘 黑松露什菌意大利飯 | $102評分: 🌕🌕🌕🌕🌑評語: 黑松露味道同蘑菇配搭得好好,意大利飯好creamy,醬汁果濃郁。。。🔘 手切美國肉眼扒、新鮮蔬菜、薯仔| $248評分: 🌕🌕🌕🌕🌑評語: 肉眼扒冇得揀生熟度,但好彩上枱時牛肉都好嫩,估計都係5至6成熟左右,如果想食生d嘅朋友,可以嘗試同店員講。肉眼扒好

好友約生日飯， 大家都身處將軍澳， 諗住下午時間去《Beans》 唔使排咁耐。好在都係排咗五六個人。因為太受歡迎， 店員提醒用餐時間90分鐘。食品主打意粉， pizza，cakes. 各款主菜 也包括餐飲， 轉另外一些茶飲也可減$8朋友這杯餐飲選美式咖啡， 味道唔錯。芒果梳打$30， 包一款配料，揀咗椰果， 味道一般。唔算好鮮嘅果味。熱荔枝鐵觀音$32， 相反係大杯裝～ 相當有趣黃金蟹肉意粉$98， 蟹肉唔算多，不過意粉嘅醬汁很香濃， 忌廉唔會太膩 啱啱好包住每條意粉。旁邊嘅蟹蓋乾淨得以為係裝飾， 到底佢同意粉裏蟹肉有冇關係呢？手撕豬薄餅$92感覺比較細份， 餡料味道唔錯，有中式嘅味道似叉燒醬， 批底鬆脆。雲呢拿梳乎厘等得比較耐， 佢話第一次出品失敗咗， 這個是第二個。 香草味濃郁， 梳乎厘就比較塌， 蛋漿好似未完全凝固，但好有蛋香！😋👍食物出品唔算快， 所以我哋都坐耐咗，還好冇被催促。第一次到訪印象唔錯， 餐廳可以自選特色飲品， 食物也比預期中美味。

呢個系列嘅餐廳水準不嬲都幾高，好似呢個商場嘅分店，我都成日幫襯。set dinner 會跟一杯嘢飲，兩個人，一份三文治，一個意粉，夠晒飽，又好味。煙鴨胸三文治$96，個三文治🥪包係意大利包，煙鴨胸煙熏味、新鮮生菜、沙律醬汁， Mix埋一齊，配搭新鮮又幾好食。黃金蟹肉意粉$98，我諗好多幫襯過呢個系列餐廳嘅都有食過呢個意粉，個醬汁好香蛋味，夠杰身令意粉掛汁，蟹肉份量都恰當，蟹殼裝飾令意粉生色不少。熱and凍檸蜜，唔苦澀味，給Fresh，上枱幾靚。

Beans係將軍澳都算一間幾出名嘅餐廳成日經過都見到排哂隊咁今日大約七點黎到就唔洗排隊可能時間尚早 大家都未收工😂咁超級肚餓嘅我同男朋友一致決定要食澱粉類黎充飢所以就叫咗pasta同risotto🤪仲加咗個芝士肉醬薯條🍟依個薯條有好多肉醬 幾惹味加$25就有都幾抵 重點係依個蟹肉意粉蟹肉份量足夠 食落去係超香!!! 絕對係物有所值最後依個scallop risotto就稍為失色啦個risotto無乜味 scallop就ok ge但下次會寧願叫黑松露雜菌risotto其實整體都唔錯 價錢合理而且好飽肚^^

知道晚餐一定要排隊，所以提早出門在18:07在門外排隊，但前面已經有十幾個人⋯⋯18:30仍有三個party未入座，幸好到18:45終於可以入座，而且是窗口位，所以十分滿意！由於這裡甜品出名，所以order 三個 Dinner 及三款甜品（因為食 All day menu 只要加$25 可以食到原價$42的甜品）黑松露雜菌意大利飯：黑松露味濃，好香，好好味！黃金蟹肉意大利粉：外型太吸引，好似藝術品一樣，很快就被我們KO ！Pistachio Honey Pizza: 沒有太多期望，反而有大驚喜，因為不像吃一般Pizza ，再配上honey,就像「畫龍點睛」至愛的甜品時，款款都好好味

荳子是無論什麼時候都長期人龍滿滿的餐廳。原因很簡單，就是它的出品非常有保證，而且性價比極高。這天又有機會來偷閒一下！除了最濃醇的咖啡外，最有名的就是它的咖啡拉花了！ 這次獲得的3D拉花是一隻可愛的小花貓 嘻嘻。 光看著牠已經足夠令心情好起來了！為了保存牠可愛的面貌，全程是小心翼翼的喝 哈哈。這杯法式焦糖燉蛋拿鐵味道是微微甜甜的焦糖燉蛋，其後再散發一種咖啡的濃郁回甘啊！幾乎每一次都要點這個黑松露軟殼蟹意粉！從遠處就能聞到的黑松露香味，已經讓人口水直流！ 意粉煮的煙韌彈牙，每一條都被濃郁的黑松露醬汁給包裹著，每一口都是滿滿的幸福啊！ 軟殼蟹大大隻，炸的熱辣香脆，而內裡的肉質鮮嫩多汁又有肉感！這個組合真的大愛啊！這個黃金蟹肉意粉也是荳子的特別推介之一。 黃金顧名思義當然是加入了邪惡又惹味的蛋黃，而這個意粉特別之處就是額外再加入了蟹膏、蟹肉和蟹柳，令口感和味道都更上一層樓！ 意粉同樣是煙韌彈牙又能好好的掛汁！

同朋友食晚飯揀左呢間beans晚飯時間要排隊等位有個staff見到我地有孕婦，攞左張櫈俾孕婦坐真係要讚下呢個staff呀5分鐘到就入得去啦食物好快就上齊 擺碟都擺得好靚呀呢間餐廳既食物都幾有水準，價錢又唔貴之後都會繼續幫襯

終於叫到隻佬陪我食，開頭以為佢係韓國個單連鎖Coffee shop, 原來唔一樣嫁，食既食物似Cafe咁。我地兩個去因爲唔想食太飽無叫好多野，最驚喜竟然係飲品🍸🍵兩杯都唔錯。主食叫左個黃金蟹肉意粉，幾好食，但可能係我問題我覺得個汁好中式感覺😅，另加$20有個小份跟餐沙津。另外，當然叫左我地最鐘意食雞翼，係焦糖單骨雞翼，正丫夠脆身，因爲開左單骨，好入味，每隻都有掛到焦糖，有八隻單骨，好快食哂！我地分別叫左兩杯飲品，一杯荔枝玫瑰梳打，淨係做型已經好靚，簡約既玻璃杯，漸變粉紅色，飲落味道好香茘枝味，甜度適中，好好飲！另一杯係我最期待嫁3D Latte ，咁岩我今日帶左molly 岀來，可以一齊影賣萌相啦，影完幾張相都要襯熱試反個味道，叫左伯爵茶Latte，淡淡茶香，加奶泡後，相對比較優質latte黎講唔算好滑，不過勝在真係好可愛，呢個位已經加哂分

炎熱既天氣下，在pop corn 商場尋食，係網上見到好多人推介，就跟著去beams說真的，店鋪有點難找，好不容易終於到達！下午茶時段已經有一條人龍在排隊，等了20 分鐘先入座。進去餐廳裝修好新好靚，有大玻璃窗，空間寬敞。我地叫了一個推介的黃金蟹肉意粉，綠茶流心吐司和梳乎厘。蟹肉意粉好快就來了，咸蛋的味道混入意粉，加上有蟹肉混在一齊，好好味，怪不得是推介之一。第二道係綠茶流心多士，一切多士，好多綠茶流心流岀來，多士好鬆口，加上頂頭的綠茶雪糕一齊食，甜味適中，值得推介！第三道梳乎厘，小妹認為最失色的一道，口感是可以的，只是略為不夠味，所以不推介還有芒果沙冰，味道吾錯，甜味適中，香芒果味，但cream 就略為多了點整體感覺不錯，推介的一間cafe

約左個fd，交收手信，順便食個午餐。。。。荳子第1次食，上網睇，要去將軍澳店，話係分店中最好的叫左2個餐黃金蟹肉意大利粉。咖啡有大大個蟹蓋，但無野食的，d蟹肉係拆好左放係意粉面，有少少鹹蛋黃，要自己撈黎食。我夾食左1啖試，未撈均勻。。得忌廉味，無咩特別，之後撈好再食，有少少蛋黃香，如果係鹹蛋黃的fans，一定會好失望咖啡就正正常常中式片皮鴨蒸包，伴薯條沙律。蜂蜜檸檬個包係好食好多，首先鴨肉好多，加左甜醬，配上蒸包，加上有菜夾埋一齊，真係好似食緊平時的片皮鴨。。。由於我係鴨肉fans.但平時食片皮鴨好大份，要約多幾個人一齊食，但e個包一人份，可以得閒黎食下，解下片皮鴨癮🤣🤣🤣個薯條都要讚下，粗身薯條，外脆內軟，好味👍🏻d侍應都要讚，因為一入門口就有條石仔路，我心急行入去搵fd，係我準備行入舖，侍應已經提我要小心行，唔好整親👍🏻👍🏻總括: 為左個包，我會再黎，但意粉就免啦，可以試過另一款

今年生日要帶bb一起過，所以就係屋企附近食生日飯，試了一直好想試既beans!好快入得，半小時就入得好值得稱讚，我們2個人加bb，職員不會因為我地少人而不俾大台我地，到我地時剛好有一張6人台沙發位，職員照俾我地坐良心餐廳2個人點了3樣食物已經好飽本身有包野飲，但老公想試其他，叫了梳打飲，無乜特別好好味，值得叫，甜甜地我最愛既龍蝦，老公都說正味道還可以，沒有驚喜🤭送的飲品這餐生日飯吃到好滿足，值得番轉頭食

今日早上仍然猛烈討論究竟聽日會晤會打風呢？就甘講下講下又到食飯時間啦。哈哈！小編終於都遊說到d同事去將軍澳食午餐典解要去甘遠呢？因為就系為左食好西，為左食好西系唔會受距離影響既！之所以一定要去將軍澳食系因為呢間餐廳既分店真系好奇怪又偏遠，一系就要去到荃灣，一系就要去大埔，馬鞍山呢d非常鄉村（對於小編呢個港島區人黎講，同埋小編d同事100％都系住港島區）所以呢，同事們話除非超級好味道否則唔值得長途跋涉去LOR！OK！小編今次非常有信心唔會令佢i地失望既事關呢間店我已經食過無數次，當然對上一次已經系年幾前啦，但仍然對佢好有信心！果然，冇令大家失望，有新款既意粉可以選擇但價錢仍然非常抵食，小編今次試渠地既黃金蟹肉意粉，叫得黃金當然系同蛋黃有關既邪惡野啦，62元包飲品和蟹肉意粉，仲有唔係HEA野，系非常好味道既，小編相信都冇乜邊度有啦。食物質素很好，服務其實都無錯，斯斯文文甘唔會西你面，話曬甘多人幫襯，做到少少掹都正常既同埋目測d食客系附近居民多，個個嘆慢板，真系話Q你出邊d人排到死啦，系唔會快快脆埋單LOR，同中環既打工仔風格完全兩個模樣！不過d食物水準甘高質，排隊都無所謂。蟹肉當然唔係新鮮