漁釧 (V Walk)

Open Now

Now Closed

呢日下晝同事話好耐冇食日本嘢 所以佢就建議咗嚟呢間日本餐廳食個lunch 我哋叫咗一人一個午市套餐 再加配咗兩份小食🥰九品壽司盛配油揚稻庭烏冬定食呢個係新推出嘅套餐 有齊晒壽司同埋稻庭烏冬 仲有一片油揚喺稻庭烏冬嘅面 甜甜地但同口感煙韌嘅稻庭烏冬好夾🍜 九品壽司包括有 三文魚 油甘魚 吞拿魚 劍魚 赤蝦 鰻魚 吞拿魚腩蓉軍艦 三文魚子軍艦 同海膽軍艦 全部都整得好靚 同埋用料幾新鮮🍣 一份定食仲包括麵豉湯 櫻花蝦沙律 茶碗蒸角切刺身丼定食望落好豐富✌🏻 三文魚粒 吞拿魚粒 劍魚粒 八爪魚粒 青瓜同埋玉子 一個丼飯滿足到好多個願望 定食同樣包括麵豉湯 櫻花蝦沙律及茶碗蒸 茶碗蒸入面有原隻蝦仁 蟹柳 白果 同埋菇 真係好有日本原創嘅風味🫢黃金軟殻蟹呢個非常推介大家嗌🦀 軟殼蟹加埋鹹蛋黃真係好邪惡呀😝 厚肉嘅軟殻蟹外層炸得好脆 側邊仲有紫菜包裹住一齊食 更加特別唐揚雞軟骨粒一碟嘅份量都幾多 送酒一流😂 入面唔會炸得太乾身 濟埋檸檬汁同點埋蛋黃醬就更可以減低油膩感🐥呢度嘅午市套餐免收加一服務費 所以性價比都幾唔錯 抵食得嚟味道都幾好👍🏻

係南昌站上蓋匯璽商場都開左唔少食肆 有咩好野食呢~ 見到漁釧裝修好有日本居酒屋feel，menu又幾吸引，一於試試佢😃 提提大家可以預返時間提前用Gulu app攞定位，就唔使現場排隊等位啦~ 因為我哋去到嘅時候都要等大概15分鐘到. 👣 可想而知食店係有一定質素~ 😌-燒銀鱈魚片第一次食呢個前菜，佢個口感好特別，似以前細個食嘅魷魚絲，但個味道更真實，更有真正海鮮魚嘅味道. 配埋mayo就個食物體驗上升左一個層次，好夾😎-清酒蒸日本產生蠔🦪Menu寫明係岩手縣生蠔，即刻期待值max! 侍應攞到上嚟會幫你烚5分鐘，再焗1分鐘就食得啦. 生蠔係超新鮮又大隻，咬落有海水嘅鮮味，又有生蠔本身嘅軟稔咬口質感，食到意猶未盡🤤 大推💯-黃金軟殼蟹喺原隻炸比你架！鹹蛋黃味嘅炸軟殼蟹真係好好食，仲切開埋配埋紫菜俾你包住佢嚟食，雙重口感，好好味呀😋-香芒大蝦卷呢個超級推介! 芒果加大蝦呢個組合清新得來又好夾喎，大蝦好新鮮，啲日本飯又好好味🥹 最尾個大蝦嘅頭都可以食㗎，有蝦膏🤤 超級enjoy! 🤩

一行四人來到V walk行，地鐵站一出就係呢間餐廳，諗都吾諗就入去食午餐。午餐有set ，好平，我地叫左個雞白湯拉麵set，仲有麵豉湯沙律，好抵食，個拉麵一上就好香，熱辣辣好吸引，一食就更加讚，吾係死鹹，好鮮好好食，食完一啖仲想再食！然後叫左個安格斯牛扒，個飯好食，但個牛扒略嫌有過熟，但牛味好好，係質素靚既牛。再叫左個魚生飯set，魚生好新鮮好好食，甘既價錢有呢個質素真係好高性價比！！叫左兩個小食，炸雞同黃金軟殼蟹，炸雞個醬汁好好食唔會肥膩，炸得好鬆脆。個黃金軟殼蟹先係今日主角！！配搭紫菜食用，非常有驚喜，值得為左佢再食！！侍應服務好好，態度主動，不停加熱茶，個茶都好香！！呢間餐廳值得再來，我見有個小朋友食個兒童餐都好好食，有小朋友既都可以來！值得推薦！