大丸ラーメン

Open Now

Now Closed

大角咀大丸一直想試 35度下食拉麵🍜 🤣🤣🤣11:55到，入晒都要排第三個，最後12:15先入得，下次要11:45來排隊。好彩冷氣夠 味道果然不錯 排隊也值得黑丸雖然是黑蒜油 但不會太濃蒜味而掩蓋了豬骨湯味蝦丸好濃蝦味 個湯好正🤤🤤我們將兩碗湯都渴掉😝糖心蛋都好好味😋粗麵幼麵都不錯 鹼水味不算太重因為本人對鹼水味都幾敏感 鹼水味重的拉麵都會被我評為不好吃黑丸和蝦丸都好味好味😋😋下次再試埋白丸！

黑丸拉麵：$88黑蒜油的拉麵湯底，味道偏向比較濃味以及比較鹹，鍾意食重口味的朋友可以不妨一試😻隻蛋同埋叉燒都好食，以88蚊的價錢嚟講，平價之選，完全對得住呢個價錢！🥰

今日放工早左，回家路上路經過大丸見只有4,5個人排，即刻衝左過去排。無記錯平時一到6點就已經有成十幾廿人排。今日自己一個食，好快就排倒入去了。平時好鐘意食醬油拉麵嘅我當然要叫佢地個黑丸。佢係醬油豚骨拉麵，同一般醬油拉麵相比，佢多左一份油脂感，但唔會令你覺得好肥。蛋方面，睇圖就知煮得剛剛好，蛋味十足，叉燒相對黎講較薄，唔係厚個款。麵質無煮到勁淋，彈牙掛湯好有口感。今餐好滿足，有滿足倒食拉麵嘅感覺，希望下次放工早放又再過黎食其他口味!!!!!!!!!

大角咀的人氣拉麵店 @ramendaimaru 門口長期都排著一條人龍幸好今天排了大概15分鐘便可以入內 •黑丸 醬油豚骨拉麵濃厚的醬油味每一條拉麵都掛著湯汁在中途加入蒜蓉 也有另一番味道 • 蝦丸 蝦豚骨拉麵滿滿的櫻花蝦吸引眾人的目光先嚐一口湯 滿滿的櫻花蝦香味在口腔爆發櫻花蝦愛好者必嚐❤️另外還有關西風味餃子🥟亦十分好吃 配上木魚碎真的很有在關西的感覺 此外 拉麵店提供的不是冰水而是凍麥茶 十分日本風味加上由日本人主理讓人覺得好像在日本吃拉麵般

有日去大角咀覓食，路經此地，見到人龍排拉麵店，當時都不以為意，但後來得知，原來係日本人主理，就連住港日本Youtuber都大讚好味，所以我對呢間餐廳留下深刻印象。星期一中午12點20嚟到，門外已經有十幾人等候，對於肚餓嘅我嚟講，真係大受打擊!! 🙉 完全無諗過平日啱啱12點開門已經有人龍….. 等左9個零字終於入座，再等多5分鐘熱辣辣嘅拉麵終於嚟到我面前!!十個有九個都會點蝦丸 $98湯底鹹甜適中，蝦味濃郁；叉燒中間少少粉紅、肥瘦適中、豬味濃、帶點爽口，係好味嘅，可惜只有3小塊😭成碗麵其實唔差，敗點係我點左太麵😢，如果用幼麵會更match。餐廳寫住最佳嘅湯底溫度係60度，除住溫度下降，就會越食越覺得鹹，所以要盡快享用。呢度嘅拉麵湯底係我食過最熱嘅一間，冬天嚟食一流!!黑丸 $88好多拉麵店用黑蒜油製成黑丸，但呢度係用醬油豬骨湯底，對於唔中意蒜味拉麵嘅我非常友好🙊。由於用醬油而成嘅湯底，所以鹹度會比蝦丸高少少，但可以接受。男友醒目揀幼麵，明顯比太麵更適合。日本餃子 $35/5隻配山椒鹽同醋餃子汁，如果乜都唔點其實同大阪王將唔大分別，個人覺得可以唔駛試。😅如果第一次嚟嘅話，我會推介先試蝦丸

🍪【#大角咀】大丸ラーメン Daimaru Ramen💥日本人經營 拉麵愛好者必去！💥.🍪朋友不約而同推介呢間高人氣拉麵，餐廳中午開門，星期六11:30就到門口排隊，咁啱做到排最尾嘅第一輪客人😆！12:30左右食完，出面嘅人龍已經長到轉彎😨，想食就要預時間排隊！叫咗黑丸(醬油豚骨拉麵)($88)同蝦丸(蝦豚骨拉麵)($98)。.黑丸醬油味甘香☺️，最重要唔會過鹹。.蝦丸嘅海鮮味噌醬汁濃而不膩😋，仲有好多櫻花蝦。湯底好用心炮製，好好味，結果成碗食得晒🥳！叉燒片雖然偏細塊，但肉質嫩滑富油香。走蔥可以轉木耳絲👍🏻，仲有蒜蓉調味👏🏻，超正！.另外試咗關西風味餃子($40)，配搭木魚片同沙律醬，味道同章魚小丸子相似，都唔錯。總結嚟講好鍾意呢間拉麵❤️，已經變成心目中頭幾位。希望遲啲人潮減退可以再食。~~~~~~~~~~~~~味道 Taste：🍪🍪🍪🍪🍪/5環境 Ambience：🍪🍪🍪/5💸消費 Spending：$113 /人 Person🔥推介度 Recommendation：5/5.📍 大丸ラーメン Daimaru Ramen

⭕️短評：大角咀又一間排長龍小店，但這次排隊不會讓你後悔，因為你會吃到九州的質素，其豚骨拉麵在香港是one of the best。慢煮叉燒出色，非常嫩滑，不肥，不帶豬羶，更勝同系的丸X。白丸湯頭最好，濃厚的鹽味豚骨，是長時間熬出來的味道，也像鳥x亭一樣加檸檬，令湯頭濃而不膩。黑丸的醬油豚骨也不錯，但鹹度略嫌喧賓奪主。重點是，不加味精，不會口渴。💵Budget: $90 pp📍 大丸ラーメン (大角咀)大角咀博文街22號地下B舖

好味嘅拉麵，要排隊等食，係值得既！香港有好多拉麵店，但好味就唔多。今次俾我搵到呢間拉麵店，由日本人煮拉麵，我覺得真係好味。拉麵店細細間，充滿日本色彩。坐位得幾個，圍住廚房坐。其實我好鍾意邊食拉麵，邊睇煮拉麵，感覺會特別好食。拉麵款式都係得幾款，貴精不貴多。今次選左蝦丸同黑丸，兩個我都覺得好好味。不論係個麵，豚肉，半熟蛋，定係其他配菜，都好好味呀！仲有仲有一定要飲埋佢個湯底，食完好滿足。下次再黎食埋其他丸

自己喺附近返工關係次次見到呢間野都大排長龍。如果想喺中午時間食真係完全排唔到啊， 夜晚仲更加忙。 話說果日經過又想試吓會唔會今次排到呢， 好彩我哋嗰日唔係太多人排隊等咗15分鐘就有得入去啦😋😋😋今日去之前佢哋會比張紙你，店員姐姐仲好好你人教你點樣圈張紙落單。仲逐個逐個介紹口味， 真係好有耐性同好細心🥰食過好多間唔同嘅拉麵店，好多都自稱話冇MSG 雖然呢間都唔例外啦但係食完飯之後真係唔覺得有一種好鹹好口渴嘅感覺👍🏻👍🏻仲要個蝦湯好入味，一飲就知道係慢火煲出嚟嘅湯!講返拉麵啦，你會見到有一款係有蔥另外一碗係冇嘅。咁係因為本人呢就唔食蔥既，咁店員姐姐就好好啦 有得俾我揀想額外要啲乜嘢嘅配菜。 紫菜/木耳，咁我最後就揀咗木耳嘅😋😋

今次要介紹嘅係位於大角咀鄰近匯豐中心嘅大丸拉麵，店鋪由日本師傅主理，而所有拉麵一律冇添加任何味精，食完唔會有好口渴嘅感覺。要留意嘅係位置好有限而且逢星期三休店，最好就避免高峰時間光顧。Daimaru Ramen is located at Tai Kok Tsui, next to HSBC Centre Tower. It is managed by a Japanese chef and no MSG has been added to all ramen. It has limited seats and will close every Wednesday, so better not to visit during peak hour.蝦丸 (Shrimp Pork Broth) $98湯底以蝦香為主，豚骨為輔，味道較清。麵條可以選擇幼麵或粗麵，而依款我哋就選擇咗幼麵，質感有彈性。而表面上蓋滿大量櫻花蝦，品嘗拉麵時夾雜少量櫻花蝦使蝦味濃郁之餘又加強咀嚼時嘅層次感。半熟蛋帶醬油味，流心部份黏口。值得一提嘅係叉燒選用咗較瘦嘅部位，個人認為係值得加分嘅位，因為可以減少拉麵整體嘅油膩