Layback Cafe & Bar (Closed)

星期日夜晚同男朋黎左呢間cafe食晚餐，結果好有驚喜。意式經典水牛芝士番茄沙律食落好清新，番茄新鮮，同水牛芝士好夾，開胃既一道菜式。糯米釀雞翼有四隻，外皮卜卜脆，包住軟熟既糯米，帶有少少辣，好惹味。自家製南瓜汁天婦羅蝦什菌意大利飯南瓜味好出，夠晒入味，意大利飯軟硬適中，天婦羅蝦炸皮唔厚，炸得香脆，美味可口。黑松露什菌忌廉芝士意大利飯都好出色，十分creamy但又唔膩，黑松露味亦好濃郁，加埋芝士，好邪惡。飲品叫左蘋果啤梨鮮打綠茶同熱鹹檸檬蜂蜜。

今次係第一次黎到依間叫Layback Cafe & Bar既樓上Cafe，其實就係因為想同朋友邊食邊傾又睇中依間Cafe優雅，而且充滿花朵既室內環境，可惜因為室內滿座既關係，今次只能坐到室外，幸好入座時係夜晚，天氣未至於侷促。今次同朋友們點左三樣主食第一樣係香蒜白酒露荀日本和牛粒燴扁意粉，白酒味唔算太重，但混合香蒜味道，卻剛剛好，而且和牛肉汁豐富亦不會過熟，扁意粉亦都煙靭彈牙。第二樣係黑松露什菌忌廉芝士意大利飯，依個意大利飯口感豐富，新鮮既黑松露味搭上忌廉芝士既濃郁，令到依個賣相吸引既意大利飯味道也是一流。第三樣係牛油果軟殼蟹漢堡配薯條，牛油果配搭軟殼蟹實屬正常菜色，牛油果既Creamy和清新令本來較重蟹味和熱氣既軟殼蟹更易入口，反而驚喜係漢堡包皮相當鬆軟，唔會令人有放棄唔食面包皮既念頭。