荳子 (新城市中央廣場)

Open Now

Now Closed

每次來宜家，多數都來這間餐廳，冇他，主要係地方，食物，服務，環境，價錢，比較滿意，今次試了卡邦尼黑松露煙肉意粉，黑松露什菌意大利飯，檸檬柚子芝士蛋糕和檸蜜蜂蜜凍飲，意大利粉可口感十分香滑，味道也極濃郁，意大利飯煙韌有嚼勁，配以黑松露和雜菌為主要材料時，能為菜式帶來樸實風味，又能令味道相得益彰和香滑美味，這個檸檬柚子芝士蛋糕🍰，當服務員拿到放在枱上時，以為比了個檸檬我，心想，是不是蛋糕？又或是擺設？但食落口時，真心講句，好好味呀！帶有檸檬，柚子味，蛋糕鬆軟，不能錯過，個廚師👩‍🍳都好有心機做這個甜品，檸檬蜂蜜又不太甜，酸，，服務員態度和藹親切

@kan.teen之前已經食過荳子嘅lunch set 覺得餐廳環境舒服，幾啱帶朋友仔一齊嚟食嘢傾偈！再加上今次去食晚餐發現原來枱上面啲吊燈好啱用嚟影下啲打卡嘢食相👀既然係咁！就同大家分享今次食左啲咩啦！我哋叫左3個主食，分別係：慢煮紅酒牛脷、黑松露什菌意大利飯、黑松露軟殼蟹意大利粉。印象深刻啲嘅係：黑松露軟殼蟹意大利粉，有原隻炸軟殼蟹🦀，不過意粉整體偏淡，黑松露汁同意粉兩個味係分開左 兩者無融入一齊，所以食落無乜味。然後黑松露什菌意大利飯個黑松露汁+啲配料 係同意粉一樣 只不過係轉咗飯咁解 所以食落唔會有咩驚喜～而慢煮紅酒牛脷，只有好淡紅酒味，牛脷係厚切但因為以慢煮方式 所以都容易咬開。跟餐會附送飲品 同埋加多$2x可以有黑松露薯條/洋蔥圈。推薦加黑松露薯條，夠熱夠脆夠薯味。.💸Total: $5xx👅如果以食西餐來講真係平民價，而且係個好啱同朋友仔聚會嘅餐廳，因為好多分店 相信總有一間係你嗰區😆但食物質素就唔好期望太高———@beans_cafe_hk📍荳子 (馬鞍山廣場) (馬鞍山)馬鞍山西沙路608號馬鞍山廣場3樓337號舖#kanteen馬鞍山 #kanteen良心幫襯 #k

行完IKXA再去食beans不嬲都係一個package黎既！其實早係beans未有分店淨係得荃灣店既時候 我已經係佢地既fans喇沙田分店同樣係行文青風路線 裝修以綠化為主題 而且有戶外用餐區 環境好舒服好休閒 非常適合坐底hea下傾下計食物方面 一於以往咁高質 好欣賞佢地就算開左咁多分店都依然keep到昔日既水準 我地去到係下午茶時段 今次我就叫左個「黑松露什菌意大利飯」再配杯咖啡 Risotto好creamy亦好香松露味 份量作為下午茶岩岩好 配埋杯咖啡好滿足！如是者又hea足一個假日既下晝喇 諗起聽日星期一又要返工 so sad!

一個人食午餐 又想坐得舒服慢慢享受一人獨處時間 荳子餐廳環境好舒服呀 打卡絕對一流 店員服務態度亦好好 雖然遇著午餐時段 咁岩見咁少人排隊 都係大約10分鐘左右就有位 都值得 （平時會排哂長龍架）今日想食清淡素一點 就叫左黑松露什菌意大利飯 餐牌上呢款意大利飯列為素食之選 如果大家都係素食人士 很推介呢款意大利飯一上枱就聞到好香濃黑松露 令人食指大動 好吸引 加上什菌既菇味 口感好絕配好豐富 另外意大利飯煮又唔會煮得太硬 軟硬適中 好味道整體食物賣相好靚 環境又舒適 打卡真係冇介紹錯

今天和準媽媽一起去午餐，選擇了沙田近來大熱的荳子餐廳。平日的下午一時，有一條不算太長的人龍。店內的環境很有綠化大自然的感覺，人雖然多但感覺還是舒適的。大家都看看餐牌，選擇大家喜愛的一同分享。準媽媽要求熟蛋，漢堡很多汁美味。松露什菌意大利飯也不錯，味道很香飯粒也有咬感。朋友點了紅豆綠茶。我就點了玫瑰花手工拉花咖啡，拉花圖案不能指定的，剛好送來的是我最愛的貓咪泡泡，大愛。心情好就想吃埋甜品，叫了一個綠茶蘋果金寶，金寶甜了一點，蘋果酸酸甜甜的很不錯。心太軟水準不錯，喜愛濃濃巧克力味道的會很喜歡。

今日約左朋友出去食下午茶咁啱見到home square開左beans!朋友話荃灣早有分別而且好多好評，點都要試下啦正值下午茶3:15時間，都排左大約半個鐘才能入座店內裝潢雅緻，座位寬敞，比人舒適既感覺同朋友叫左兩個set本身好鐘意食黑松露，呢個意大利飯完全交足貨黑松露味道濃郁，啖啖都有什菌，creamy得黎又唔會太漏，非常推介！跟餐叫其他飲品可以減$8另外叫左個all day breakfast，炒蛋亦加入黑松露Bagel 係軟綿綿既蛋糕口感，非常特別最後跟餐加$25加件蛋糕完美作結呢件cake上面全部都係cream，鍾意食cream的人一定會好滿足整體呢間餐廳價錢合理，環境舒適，食物亦有水準，下次有機會都會再推介朋友一齊食！