Project B (Closed)

太子行去深水埗方向，中途見到依間酒吧餐廳。環境幾開揚有落地玻璃，地方闊落樓底高，唔會好應聲，坐得舒服，而美食選擇唔少，價錢經濟。香草忌廉紐西蘭青口 $98紐西蘭青口一盤十多隻，青口大隻肥大肉厚，味道鮮甜嫩滑，青口貝的足絲清得好乾淨，可以大啖放心食。醬汁以白酒煮忌廉味道香濃，好掛汁非常美味。墨西哥焗雞肉卷 $48餅皮煙韌有嚼口，餡料有雞肉、芝士、洋蔥和黑橄欖，加上了酸酸辣辣的莎莎醬、牛油果醬和沙律醬，味道豐富口感有層次，小食好味充滿墨西哥風味，必食推介。蜜糖黑椒雞中翼 $62雞皮炸得微脆，肉質嫩滑有肉汁，氣炸的唔油膩，沾有黑椒蜜糖，惹味香口好食。黑松露帶子天使麵 $108帶子厚肉好大粒，煎香了表面，肉質彈牙鮮甜。天使麵份量好多食完堅飽，有菇、三色椒、洋蔥增加不少口感，加上香濃的黑松露醬撈麵食，都ＯＫ唔會好油。自家製窩夫拼鮮果雪糕 $88香噴噴的熱窩夫充滿蛋香，口感外脆內軟，淋了朱古力醬味道甜美，配上忌廉和海鹽雪糕，甜中帶咸清新口味，冷熱交融啖啖滿足。

深水埗站📍Project B-未入呢間餐廳之前，見到全黑色嘅牆身覺得好型格，入到去有竟然有一種好悠閒、放鬆嘅感覺😌墨西哥焗雞肉卷（$48）外皮脆卜卜，餡料有好Juicy嘅雞肉，配埋面頭嘅蕃茄醬、牛油果醬，呢個開胃小菜唔錯😍香草忌廉紐西蘭青口（$98）香草忌廉汁配青口一定係好食嘅配搭，醬汁香濃😋黑松露帶子天使麵（$108）睇落份量唔多，食落就好飽。帶子煎得啱啱好，配埋大大pat黑松露醬係面頭，食完成個口都係黑松露油香😍女朋友話如果係意粉，質地同口感更岩佢心水。野飲方面，我哋叫咗一杯Project B（$42）同埋一杯Grapefruit Mojito（$60）。Project B好有驚喜，飲落有淡淡嘅玫瑰味，又有清甜嘅蘋果味，冇酒精，但令人想無限續杯😻Grapefruit Mojito不過不失，如果西柚味再重d更好。環境方面，餐廳播著輕音樂，成個環境同氛圍都好relax，喺度慢慢坐低食野傾計都係一個唔錯嘅選擇👍🏻

好記得當日係星期日 本身係想同朋友去間好令既Cafe打卡影相食野 但我地唔記得左當日係紅日假期 要等位等成個鐘 最後都係放棄左 下次先再試 係係太子附近搵下有冇Cafe想食 之前就book mark左呢間深水埗既ProjectB Cafe既鵝肝牛肉漢堡 咁就打去餐廳問下宜家有冇位先再行過去 點知餐廳就話宜家有位 就拿拿林行過去 餐廳都算大 當時去到都仲有大把位 個陣係做梗下午茶 咁就揀左個burger同埋散叫左個天使麵我地叫左個下午茶既法國鵝肝手打牛肉漢堡$128 賣相唔錯 望落好大個好足料 漢堡係用黑糖麵包 食落熱辣辣 軟硬適中 鵝肝大大舊好肥美 手打牛肉好厚身好多肉汁 仲有蕃茄同生菜 另外仲跟埋炸薯條 炸到金黃色脆卜卜熱辣辣既粗薯條好好味 下午茶仲會跟埋飲品 我地揀左伯爵茶 係茶包黎 好香伯爵茶味另外仲散叫左個黑松露帶子天使麵 份量好多好大好足料 帶子有三粒 煎到金黃色岩岩好 每粒帶子上面仲有好多既黑松露 天使麵係用忌廉煮 食落好juicy 仲好掛汁 仲有啲菇同三色椒 天使麵好少機會會係餐廳食到 多數都係意粉或者扁意粉飲品我地仲單叫左一杯特飲Pineapple Squash 應該係

我做野通常都慣左兩手準備，Plan A唔得都仲有Plan B，喺好多人心目中，Plan B都係2nd choice，只有Plan A唔成功先會揀佢，可能係因為佢同Plan A比始終係爭咁少少，不過喺深水埗同太子之間哩間Project B，就完全冇爭少少嘅感覺，野食份量十足，味道亦唔差，價錢公道人均三百蚊內已經可以飲飽食醉，仲有乜好挑剔呢?!Project B啲野食除左大份外，最抵係每晚六點後每點一款食品，就可以以$55加配生啤一杯，其他無酒精飲料、雞尾酒或者紅白酒都有優惠。滋味雙層藍芝士牛肉漢堡($118) - 哩個漢堡超大份，一個差唔多等於平時兩個，裡面有兩塊牛肉、藍芝士、酸瓜、芝士、生菜同番茄，旁邊仲有脆條，如果一個人食一份真係超飽。麵包有稍微烘過，夠乾身唔會太腍，牛肉好厚，目測每塊都有2cm厚，而且唔會太熟仲好juicy，加埋藍芝士獨有嘅鹹香味，食落非常惹味。薯條脆口得黎有咬口，正！黑松露帶子天使麵($108) - 天使麵比想像中大份，因為用左橄欖油炒，所以食落比較輕盈唔會好滯，帶子有三大粒，帶子好厚身中間唔會太熟，彈口得黎仲帶啲鮮味，不過個人鍾意偏硬口感嘅麵質，所以覺得天使麵略