Video
Read full review
2021-08-23
112 views
我做野通常都慣左兩手準備，Plan A唔得都仲有Plan B，喺好多人心目中，Plan B都係2nd choice，只有Plan A唔成功先會揀佢，可能係因為佢同Plan A比始終係爭咁少少，不過喺深水埗同太子之間哩間Project B，就完全冇爭少少嘅感覺，野食份量十足，味道亦唔差，價錢公道人均三百蚊內已經可以飲飽食醉，仲有乜好挑剔呢?!Project B啲野食除左大份外，最抵係每晚六點後每點一款食品，就可以以$55加配生啤一杯，其他無酒精飲料、雞尾酒或者紅白酒都有優惠。滋味雙層藍芝士牛肉漢堡($118) - 哩個漢堡超大份，一個差唔多等於平時兩個，裡面有兩塊牛肉、藍芝士、酸瓜、芝士、生菜同番茄，旁邊仲有脆條，如果一個人食一份真係超飽。麵包有稍微烘過，夠乾身唔會太腍，牛肉好厚，目測每塊都有2cm厚，而且唔會太熟仲好juicy，加埋藍芝士獨有嘅鹹香味，食落非常惹味。薯條脆口得黎有咬口，正！黑松露帶子天使麵($108) - 天使麵比想像中大份，因為用左橄欖油炒，所以食落比較輕盈唔會好滯，帶子有三大粒，帶子好厚身中間唔會太熟，彈口得黎仲帶啲鮮味，不過個人鍾意偏硬口感嘅麵質，所以覺得天使麵略
我做野通常都慣左兩手準備，Plan A唔得都仲有Plan B，喺好多人心目中，Plan B都係2nd choice，只有Plan A唔成功先會揀佢，可能係因為佢同Plan A比始終係爭咁少少，不過喺深水埗同太子之間哩間Project B，就完全冇爭少少嘅感覺，野食份量十足，味道亦唔差，價錢公道人均三百蚊內已經可以飲飽食醉，仲有乜好挑剔呢?!
Project B啲野食除左大份外，最抵係每晚六點後每點一款食品，就可以以$55加配生啤一杯，其他無酒精飲料、雞尾酒或者紅白酒都有優惠。
滋味雙層藍芝士牛肉漢堡($118) - 哩個漢堡超大份，一個差唔多等於平時兩個，裡面有兩塊牛肉、藍芝士、酸瓜、芝士、生菜同番茄，旁邊仲有脆條，如果一個人食一份真係超飽。
滋味雙層藍芝士牛肉漢堡
$118
5 views
0 likes
0 comments
麵包有稍微烘過，夠乾身唔會太腍，牛肉好厚，目測每塊都有2cm厚，而且唔會太熟仲好juicy，加埋藍芝士獨有嘅鹹香味，食落非常惹味。薯條脆口得黎有咬口，正！
滋味雙層藍芝士牛肉漢堡
$118
3 views
0 likes
0 comments
黑松露帶子天使麵($108) - 天使麵比想像中大份，因為用左橄欖油炒，所以食落比較輕盈唔會好滯，帶子有三大粒，帶子好厚身中間唔會太熟，彈口得黎仲帶啲鮮味，不過個人鍾意偏硬口感嘅麵質，所以覺得天使麵略嫌偏腍。
黑松露帶子天使麵
$108
2 views
0 likes
0 comments
黑松露帶子天使麵
$108
0 views
0 likes
0 comments
美式烤雞BBQ汁芝士薄餅($108) - 薄餅直徑大約9吋，屬於薄底，餅邊幾香脆，上面都有唔少雞肉同三色椒。
美式烤雞BBQ汁芝士薄餅
$108
2 views
0 likes
0 comments
拎起薄餅會見倒芝士有明顯拉絲，食落除左芝士味仲有BBQ醬味，整體唔錯。
美式烤雞BBQ汁芝士薄餅
$108
0 views
0 likes
0 comments
迷你心太軟拼雪糕($58) - 哩個心太軟同平時有啲唔同，佢係分左三個朱古力蛋糕仔，雖然冇朱古力醬喺入面，不過都軟熟同幾濃朱味，除左常見嘅朱古力漿，仲加左啲紅色糖漿伴碟，所以賣相幾吸睛。
迷你心太軟拼雪糕
$58
0 views
0 likes
0 comments
總結，野食好大份味道亦唔錯，每晚6點後只要叫一個野食啤酒已經有特價，唔想趕頭趕命趕HH價。
Post
