花說 (Closed)

成日見到人影相幾靚，所以特登去試。去到發現其實都好少位，而且影啲位唔好坐，最入係比較好，有梳化位，其他都係鐵櫈。我兩個人叫左兩個意粉，味道還可以，不過唔值呢個價，份量係女仔食量，不過我見佢寫住可以免費加底，如果男仔去記得加底。松露帶子意粉ok,大蝦意粉就差啲，兩隻蝦煮老左，我expect係會開背，咁會易熟同易剥殼啲。最後因為想襯返佢個粉紅主題，所以揀咗櫻花梳打，但呢個真係好難飲，不止藥水味，仲要係淡嘅藥水味。不過佢地嘅招呼就唔錯，好有禮貌。

同朋友講左咁耐，終於約到出黎去花說喇😂 環境好靚！粉紅色果邊好韓風，潮味濃😎 而綠色、雲石台果邊係文青簡約風格，兩邊都要影！！都係我中意既style 💕我同朋友叫左柚子雞翼，有四隻，充滿柚子汁，好野味，不過太肚餓，每人食左一隻先記得未影相🙈然後我叫左個意粉👉🏼黑松露帶子露荀意粉，黑松露香味四溢，食落味道濃郁，好creamy , 中意黑松露既我表示滿意☺ 露荀煮得好青爽，感覺健康😂 有兩粒超大既帶子😳 見到都流口水喇🙈味道調得幾好👍🏼 意粉質感好好，有彈性。意粉、雞翼都好味，服務吾錯，環境又靚又舒服👍🏼 會再黎試下其他野食。