花說 (Closed)

成日見到人影相幾靚，所以特登去試。去到發現其實都好少位，而且影啲位唔好坐，最入係比較好，有梳化位，其他都係鐵櫈。我兩個人叫左兩個意粉，味道還可以，不過唔值呢個價，份量係女仔食量，不過我見佢寫住可以免費加底，如果男仔去記得加底。松露帶子意粉ok,大蝦意粉就差啲，兩隻蝦煮老左，我expect係會開背，咁會易熟同易剥殼啲。最後因為想襯返佢個粉紅主題，所以揀咗櫻花梳打，但呢個真係好難飲，不止藥水味，仲要係淡嘅藥水味。不過佢地嘅招呼就唔錯，好有禮貌。