孖啡 (Closed)

又到我差唔多生日時候，朋友約左呢間餐廳（孖啡），餐廳名幾特別。環境都好舒服，最重要唔會趕客👍價錢都相對便宜。至於食物質素平均都好味，除左個鱿鱼圈.有d腥同無味道。

我平時行旺角都好小會一路行抬頭四圍望，因為條街實在太多人。。一個唔留神就會行行下撞到人， 所以都忽略左好多樓上鋪同餐廳... 咁今次我同友人行街傾傾好計企左係個路口, 望下d高樓大廈就發現左Double. cafe,佢入面燈光閃閃好似好熱鬧咁我地餓起上黎就沖左上去。呢間cafe同時下既有d唔同佢除左係飲野為主，都有好多主食可以叫,好接近一間小廳廳.我地叫左個黑松露野菌意大利飯，一個軟殼蟹黑松露意大利粉，龍蝦湯同幾碟小食。我想講佢cafe仔細細，但d食物都唔馬虎。。好足料。兩碟黑松露既主食都好大碟同好濃厚既黑松露香，d小食都唔錯，由其係個水牛雞翼大大隻,辣得黎唔太鹹好惹味. 佢呢度d飲品都幾調得幾好，同埋個流心既朱古力心太軟都正唔太甜易入口。我以後都要多d抬頭望真旺角既景色,原來樓上係有咁多好野食！

一班朋友相聚, 最後book了這裏。旺角的一間樓上cafe, 只是到了樓下, 升降機壞了, 要走四層樓梯上去....夏天怕熱的朋友, 可能這就不是個好選擇。cafe分兩邊, 位置算多, 但覺得裝修一般, 賣點應該不是靚靚有特色cafe。一來便叫了紅莓果茶。提醒大家不要一來到就飲, 因為會完全無味的。先order, 來到, 泡一會兒, 再吃食物, 便出味了。酸酸甜甜, 還算清新開胃。但其實果茶味不香, 普通。但勝在可無限添飲, 適合慢慢嘆茶聊天。喜歡黑松露, 又喜歡意大利飯的我, 當然要點這個黑松露意大利飯。雖然不是正宗risotto那種硬度, 但係香港人喜歡的意大利飯口感。加上調制得剛好的忌廉汁, 混合黑松露, 非常之香濃, 順滑和豐富的口感。每一口都有滿足感, 這個真的有小驚喜。溫馨小提示, 雖然味道不錯, 但其實吃一半已經有點膩。但細食的朋友, 最好與別人開心share。基本上全枱八個女仔, 只有我能吃光。其實朋友點的三文魚天使麵, 味道也不錯, 沒有risotto那麼膩, 喜歡白汁類的朋友, 也可一試。另外, 食物不錯之餘, 還有Board games/ Card games。我

今日是勞動節想搵間寧靜的cafe坐下，知道旺角有間孖啡Cafe，餐廳環境舒適空間又大，又可以一班人一起傾天。吞拿魚天使麵被好多白汁包圍著，醬汁濃又夠結，吞拿魚好香天使麵麵條軟熟又不會太淋。黑松露意大利飯，每粒飯都沾上黑松露的香味，飯咬落口淡淡黑松露味道，飯粒軟熟又粒粒分明特式拼盆：雞翼，薯角，春卷，咖喱角，魚手指和蟹子魚蛋。雞翼外脆內嫩又夠味道，薯角好香薯仔味，其他都好新鮮熱辣辣。心太軟配雪糕，心太軟外面焗到好脆，內里朱古力漿流晒出來，又不會太甜又好香口。月亮和藍莓乳酪不會太甜，又有乳酪的味道。

孖啡是一間在旺角的樓上餐廳，這𥚃給我的印象很悠閒舒適，地方濶落，是一個很適合朋友聚會傾計的地方。我們坐在卡位座，座位寛濶，還有很多咕㖘，坐得很舒適。其中最大特色是用了塔羅牌為飲品名稱，非常特別。套餐包一杯$38飲品，若過$38，只補差價。鮮茄焗豬扒飯 （$102）- 豬扒飯焗得熱辣辣，蕃加味很濃，還有很多芝士舖面，豬扒很大塊很厚，飯的份量也很多，兩個女生分享也足夠。黑松露意大利飯（$110）- 意大利飯很 creamy, 黑松露和芝士的味道很夾。黑松露的味道很香，每一口飯都充滿忌廉、芝士和黑松露味道。黑松露薯條 （$48) - 薯條新鮮炸起，很香脆，還有很多黑松露醤，亦可以點茄汁。吊人（+$12）- 這杯飲品是塔羅特飲，是青蘋果，薄荷梳打。靑綠的顏色，十分醒神，味道香甜又帶點薄荷。命運之輪 （+$12）- 這杯也是塔羅特飲，味道是士多啤梨，橙梳打，香甜又有點橙酸味，很開胃，名字又很有特色。

今日約左朋友食下午茶。選擇了這間 cafe: 位置都幾方便，就喺近潮流特區彌敦道斜對面。四樓咖啡餐廳，燈色較暗，幾浪漫哦。餐廳成長方形，座位寬闊，卻令通道較為淺窄，有得必有失，不過若然係玩board game嘅當然坐得安樂。按一按鐘，侍應就來到為你服務，不過個鐘幾得意有趣我地叫左下午茶餐1)卡邦尼長通粉 我認為食長通粉係意粉基本，但唔係間間餐廳都做得好，呢間算唔錯。醬汁都幾香幾濃！如果碟可以更配合更靚，咁就色香味都更好啦！2)黑松露意大利飯一來到，黑松露香味就已經入哂個鼻，加上意大利飯又造得幾好，口感一流，軟硬剛剛好，意大利飯是要這樣的。份量剛剛好，而味道香濃有口感哦，。各人餐加18蚊轉飲花茶3)薰衣草及玫瑰花輕鬆的下午茶時間最好係點這個，放鬆一下，慢慢傾慢慢談，慢活一下，可以忘記一下忙碌生活，跟好友相聚。

今日工作完想和朋友們訴苦，來到旺角熱閙地方，有什麼地方可以靜靜談心啦，就選一間樓上cafe 先叫野食，好肚餓長通粉好彈牙，吸收煙肉味和所有醬汁，超好味好香黑松露，飯香易入口雞翼：炸得香脆蟹子魚蛋：滿載蟹子肉魚手指：炸脆卜卜，加少少沙律醬更好味咖哩角：脆皮包含肉碎春卷：短短易入口薯角：香口食不停好愛芝士蛋糕，滑溜入口腔，好香芝士味心太軟好流心，朱古力醬流晒出來，混埋雲呢嗱雪糕一起食，一邊凍一邊暖，簡直外冷內熱茶含紅莓，芙蓉花，薔薇果，蘋果一起泡，這茶特別推介，聽聞話滋潤肌膚，消滯解脂可樂混合雲呢嗱雪球，好好飲牛奶濃郁攪拌混戰咖啡，好香咖啡味，不錯環境談心一流在這做project ，非常適合

放工前收到同事群組話去聚餐, 搵地方都係由我負責。馬上到OPENRICE搵搵, 同事想係旺角中心地帶, 方便放工過去同埋回家方便。最後搵到, 可以網上訂位十分方便, 而且訂位講明有小食送…..雖然最後竟然忘記左……. >.<致電過去查詢話無限時任坐, 實在太好了。地點係油麻地及旺角中間位置, 如果坐港鐵係油麻地站會近少少, 亦係潮流特區斜對面, 十分易搵。上到去CAFÉ燈光較暗, 傢私大多以黑色為主, 所以和同事合照都唔太清。睇睇餐牌, 晚餐由$88-$104, 有主菜及包$38飲品一杯。飲品很多選擇, 而且飲品名都好得意, 我地都各點了一杯。焗吞拿魚天使麵 $94卡邦尼長通粉 $98煙三文魚天使麵 $108黑松露意大利飯 $114黑松露薯條 $48心太軟+雪糕(跟餐) $28芝士蛋糕(跟餐) $28飲品 :力量 $48皇帝 $48命運之輪 $48熱藍莓果茶 $56焗吞拿魚天使麵味道不錯, 吞拿魚很多, 啖啖充滿吞拿魚卡邦尼長通粉有些失望, 而且整體感覺很普通, $98真係唔值煙三文魚天使麵擺放很靚, 醬汁很多, 有很多洋蔥片及磨菇片, 好味 !黑松露意大利飯4個主菜之

完SEM就要慢慢坐咁LUNCH~樓上CAFE 主菜質素唔會太大差距，但甜品同飲品水準真係可以影響到你幫唔幫襯佢。所以今次破例先寫甜品。人生第一個心太軟係喺7-11食，第二個就係喺孖啡。雲尼嗱雪糕當然唔係自製，但廚師好貼心咁烘熱咗隻碟，又喺雪糕底墊cream隔熱，製作認真抵讚~心太軟外層脆脆地，用匙羮整開佢聽到脆皮聲！朱古力火山爆發！蛋糕內層濕潤，外層香脆。朱古力漿加入牛油，食落唔會過甜，仲有拖肥糖嘅感覺。好正！芝士蛋糕雲尼嗱味重咗啲，唔太啱我口味。沙冰打得夠smooth，未飲都聞到荔枝香，飲落都係荔枝甜味，菠蘿味就唔夠出，但幾好飲。朋友點嘅花茶。杯仔細細慢慢歎~份量超級大！一班FD嚟可以考慮唔人人點餐。正價飲品再SHARE一兩個餐都有著數。黑松露幾濃陏，飯都夠晒濕潤同重忌廉味。白汁比松露飯鹹少少，同樣足料。食到我哋肚漲漲咁走~孖啡係我去過嘅CAFE入面算係數一數二咁大。坐得舒服，乾淨企理，仲有幾部大電視。

其實我唔太Enjoy香港的速食文化，大家已被訓練到15-20分鐘已經食完一個飯。所以我幾鍾意樓上Cafe食飯，因為可以真正慢慢坐，仲有野玩比大家Hea時間，同朋友仔傾下計。曾經係旺角揾到好食的樓上Cafe，不過最後不幸被轉手。今次同男朋友行街行到累，諗住揾間樓上Cafe食Dinner順便休息下。無錯，我又叫左黑松露意大利飯。呢個比想像中好味，同埋佢真係好夠熱。再黎一份小食拼盤share。所有都係炸野，所有小食都係炸到香口脆身。本身對呢客芝士薯條好有期望，不過當我由佢上菜的時後，期望自動爆左了。我已經見到芝士已經乾左，無左拉絲的效果。加上成堆薯條痴埋一pet，好難一條一條薯條咭出黎，成件事變左一餅硬左的薯條。

吹水要約在孖啡孖啡即係有兩間cafe既意思，宜家樓上cafe愈執愈多，以前少女時好鐘意係cafe傾計傾到唔捨得走，係回憶呀！約左好耐無見既朋友，都會想簡返樓上cafe，有setdinner包特飲，價錢平環境好，可以坐好耐慢慢傾。孖啡性價比高，抵食得黎 食物質素高，我好鐘意食瑞士雞翼同黑松露飯，真心推介飯唔軟唔硬，好適中，個汁都好食，唔會太多味精。瑞士雞翼好嫩滑，煮得岩岩好，一個set包埋特飲，可以+28蚊食心太軟，滿足哂全部願望佢有個服務鐘仔幾貼心。特別一提，openrice卜台冇送小食，有d唔開心

跟朋友兩個月無見面，決定搵一間樓上Cafe邊食邊傾，Openrice發現呢間喺高氏大廈既Cafe，初頭無為意個名，坐底左先發現原來呢個Cafe叫孖啡，個名都幾特別。餐廳裝修有點兒舊，但睇得出有好多裝飾補飛，另外一提Cafe有Wifi，唔洗密碼。餐牌晚市套餐唔算多，但飲品種類就非常多，叫野飲果陣真係r爆頭。我同朋友叫完野食之後，就打算睇下出面有咩玩，Board Games種類多，絕對足夠，Uno Deal 呢D基本既都有，由於同朋友兩個人，所以無辦法玩到Pictionary同Dixit哈哈，但如果一大班人去既話就可以玩呢D多人參與既Card Games，都係果句，由於得兩個人，所以我地玩左一陣就打算傾計等野食哈哈。好快野飲就黎左了，由於我有小小咳，所以就叫左熱飲，熱蜂蜜牛奶，呢個熱牛奶top多泡左小小，不過都算正路，但入口超香好好飲，牛奶滑，仲有淡淡蜂蜜味，飲落清清地好舒服，仲講笑同朋友話呢杯好適合佢訓前飲。朋友則點左杯士多啤梨奶昔，top比較多cream，朋友略嫌太甜，飲落陣味似韓國士多啤梨奶，如果喜歡甜士多啤梨味，係適合叫呢杯試試，但我感覺上奶昔類應該香蕉同Oreo奶昔會受大眾歡迎多

同朋友re u 又揀左高氏大廈，不過今次試試孖啡。好多沙發位，坐得好舒服！芝士薯條熱新新上臺！芝士份量雖然唔多，不過就勁牽絲！芝士加上香料好惹味！薯條份量好多，而且係粗薯條黑松露意飯，味道香濃，一上臺已經聞到勁香既黑松露味口感亦好好，醬汁好creamy !又有好多野菌係入面教皇-玫瑰花薑蜜好好飲！薑唔會好辣而且同玫瑰花味仲有蜜糖勁夾！飲完成個人好舒服！