孖啡 (Closed)

其實我唔太Enjoy香港的速食文化，大家已被訓練到15-20分鐘已經食完一個飯。所以我幾鍾意樓上Cafe食飯，因為可以真正慢慢坐，仲有野玩比大家Hea時間，同朋友仔傾下計。曾經係旺角揾到好食的樓上Cafe，不過最後不幸被轉手。今次同男朋友行街行到累，諗住揾間樓上Cafe食Dinner順便休息下。無錯，我又叫左黑松露意大利飯。呢個比想像中好味，同埋佢真係好夠熱。再黎一份小食拼盤share。所有都係炸野，所有小食都係炸到香口脆身。本身對呢客芝士薯條好有期望，不過當我由佢上菜的時後，期望自動爆左了。我已經見到芝士已經乾左，無左拉絲的效果。加上成堆薯條痴埋一pet，好難一條一條薯條咭出黎，成件事變左一餅硬左的薯條。