Video
Read full review
2018-02-14
805 views
我經過「Cozy Corner 」已經好多次，又適逢情人節將至，又唔想情人節當日食貴餐，就選擇咗提早慶祝，今年就揀咗嚟呢度慶祝。 一入到餐廳，好有歐陸色彩，簡約嘅裝飾，以白色同Tiffany blue為主調，天花一盞水晶燈，加上少許聖誕波波點綴，簡單得嚟帶點優雅，為食客提供了一個舒適又放鬆嘅環境用膳。一坐下，待應生給我們每人一部平板電腦，用電子餐牌夠晒環保。我們點了一份晚餐，有牛扒同銀雪魚選擇，我揀咗牛扒，另外加了西班牙乳豬，睇過之前食家comment，評語好高，所以一定要試吓，只Order主菜或意粉加$98就可享用餐湯或沙津，餐飲及甜品。頭盆有《香煎法國鵝肝配乳酪及份子黑醋珍珠》 ，賣相好吸引，酒杯型器皿裝有四片鵝肝，加埋好多粒黑珍珠， 下層就係乳酪，首先試試煎得金黃色嘅鵝肝，一啖一口，外脆內軟，真係食完想再食，至於黑珍珠，廚師用份子料理手法處理，將黑醋變成珍珠形狀， 口感似食日本大粒魚籽咁，一咬落去 「卜」一聲，D黑醋汁漏出嚟，黑醋同乳酪嘅酸正好中和了鵝肝嘅油膩感，而且發揮了前菜嘅作用，幫你打開了味蕾。 《份子料理番茄及茄子沙律》望落似煎咗外層嘅吞拿魚，其實外層係茄子，餡料就係番茄
一入到餐廳，好有歐陸色彩，簡約嘅裝飾，以白色同Tiffany blue為主調，天花一盞水晶燈，加上少許聖誕波波點綴，簡單得嚟帶點優雅，為食客提供了一個舒適又放鬆嘅環境用膳。
一坐下，待應生給我們每人一部平板電腦，用電子餐牌夠晒環保。
我們點了一份晚餐，有牛扒同銀雪魚選擇，我揀咗牛扒，另外加了西班牙乳豬，睇過之前食家comment，評語好高，所以一定要試吓，只Order主菜或意粉加$98就可享用餐湯或沙津，餐飲及甜品。
頭盆有《香煎法國鵝肝配乳酪及份子黑醋珍珠》 ，賣相好吸引，酒杯型器皿裝有四片鵝肝，加埋好多粒黑珍珠， 下層就係乳酪，首先試試煎得金黃色嘅鵝肝，一啖一口，外脆內軟，真係食完想再食，至於黑珍珠，廚師用份子料理手法處理，將黑醋變成珍珠形狀， 口感似食日本大粒魚籽咁，一咬落去 「卜」一聲，D黑醋汁漏出嚟，黑醋同乳酪嘅酸正好中和了鵝肝嘅油膩感，而且發揮了前菜嘅作用，幫你打開了味蕾。
香煎法國鵝肝配乳酪及份子黑醋珍珠
10 views
0 likes
0 comments
《份子料理番茄及茄子沙律》
望落似煎咗外層嘅吞拿魚，其實外層係茄子，餡料就係番茄，番茄食落口帶有少許沙冰，口感完全唔似蕃茄，如果唔睇個名，應該未必估到係咩材料做的。
份子料理番茄及茄子沙律
17 views
0 likes
0 comments
餐湯有《黑松露牛肝菌蘑菇忌廉湯 》&《青豆蓉忌廉湯》，當黑松露湯送到時，已聞到香濃嘅黑松露味，個湯又香又滑，黑松露加上忌廉簡直係絕配；另外，青豆蓉忌廉湯都有濃濃嘅青豆味，入口順滑;隨湯附上嘅蒜茸包好香囗，蒜茸味充斥滿口。
黑松露牛肝菌蘑菇忌廉湯
9 views
0 likes
0 comments
青豆蓉忌廉湯
17 views
0 likes
0 comments
《自家制法國覆盆子雪芭》
品嚐完濃味嘅蒜茸包同湯後，係時候要清清味蕾去迎接主菜，呢個係餐廳自家制嘅覆盆子雪芭，棗紅色嘅雪芭，睇到時已經不其然分秘好多口水，果然食落口酸酸的，可以清除口內嘅蒜茸味，亦可以醒胃。
自家制法國覆盆子雪芭
6 views
0 likes
0 comments
叫了《美國安格斯特級黑毛西冷牛扒配伴時令蔬菜，松露燒汁》做主菜，我點了7成熟，塊西冷煎得剛好，西冷只用了少許鹽作調味，先試一口唔點汁，外面有焦香味，加埋好豐富嘅肉汁，就咁食都已經好好味，再試點埋個松露燒汁，又係有好濃嘅松露味，加汁同唔加汁，各有各好味，不過本人就喜歡唔加汁，更能食出牛扒本身嘅肉味。
美國安格斯特級黑毛西冷牛扒配伴時令蔬菜，松露燒汁
12 views
0 likes
0 comments
再來一個《燒西班牙乳豬伴薯角配蘋果蜜桃醬》，好期待嘅乳豬嚟喇，賣相好吸引，食指大動，今次我先試了個蘋果蜜桃醬汁，好清香，甜甜的，再試一件乳豬，肉質好嫩滑，仲有肉汁，唔會乾爭爭，不愧係真乳豬, 好嘢梗係留到最後品嚐啦，輪到塊乳豬皮，薄薄的，沒有半點多餘脂肪，食落口似食薯片咁脆，卜卜聲，唔單只脆口，而且有陣煙薰味，好食到停唔到口，絕對做到皮脆肉嫩嘅效果。
燒西班牙乳豬伴薯角配蘋果蜜桃醬
6 views
0 likes
0 comments
餐飮， 我哋叫咗《伯爵紅茶 》&《凍檸檬茶》，用上川寧紅茶包, 有品質保證。
再上美味甜品 《焗檸檬芝士餅》& 《綠茶芝士餅》，檸檬芝士又是另一絕配，檸檬嘅酸中和了芝士嘅膩，呢款芝士餅質地結實, 檸檬味頗突出, 但唔會過酸, 味道調得剛好, 食完一D都唔會覺得膩, 作為一頓晚餐嘅終結是最佳。
綠茶芝士餅有清新嘅綠茶清香，芝士夠滑口，相比檸檬芝士餅，呢款較軟滑，本身係綠茶迷，所以會比較喜歡呢款。
焗檸檬芝士餅
8 views
0 likes
0 comments
綠茶芝士餅
15 views
0 likes
0 comments
PS. SET DINNER 菜式配搭得好好, 設計同安排好有心思，個人最欣賞嘅係燒西班牙乳豬伴薯角配蘋果蜜桃醬，回味無窮 !
Post
