梔子

Open Now

Now Closed

尖沙咀山林道這所咖啡店, 別緻又清新.  下午4時多, 難得坐到落地玻璃窗旁的那四人座, 那打卡位尤其雅致 . 朋友選了Iced Americano同 Sea Salt Cameral Latte.  而我選了AVOSMOOTHIE.  牛油果清淡好味.  咖啡店例點嘅小食, 黑松露薯條, 都係水準之作. 揀左兩個主食, 有煙三文魚黑芝麻BAGEL.  BAGEL口感煙韌, 煙三文魚配忌廉芝士很夾.  還有, 牛油果蟹肉意大利粉.  蟹肉份量合理.  拌勻意大利粉也很掛汁.  入味十足好好味.  至於甜品, 選了柚子撻.  很精美.  撻入面有麻糬, 好鍾意嘅質感, 唯獨太過迷你.   

朋友間都介紹咗幾次呢間餐廳，直至今日先有機會食到 佢位於尖沙咀山林道，地理位置方便唔難搵。坐低之後睇吓個Menu，上至主食，下至甜品，一應俱全。 一向注重健康飲食既B仔，當然要試吓佢哋嘅招牌，梔子沙律啦🥗 一層滿滿嘅牛油果塊鋪滿藜麥，加上唔同嘅新鮮沙律菜，比到人一種好fresh嘅感覺 再配上黑醋醬，酸酸甜甜令到我哋食慾大開🤩而意大利麵，我哋叫咗一個牛油果蟹肉意大利麵。佢先將牛油果打成醬汁，同意大利麵混合。令到每一啖都有清香嘅牛油果味。加上蟹肉碎，為呢個菜式增添層次感除此之外，我哋仲叫咗一份黑醋巴馬火腿意大利麵。巴馬火腿嘅份量，足以鋪滿整個意大利麵。呢款菜式有黑醋做調味，抹去左火腿上面嘅油脂感。小食方面，我哋叫咗一份黑松露薯條，熱辣辣，脆身嘅薯條，點少少黑松露醬汁，呢個配搭絕對有保證🥰最後野飲方面，我同朋友就叫左一杯Mocha，無糖可可香蕉，杏仁香蕉同埋桂花雪梨茶 當中，尤其是係個無糖可可香蕉，唔會太甜！，岩灑主將健康飲食既都市人🥰 而個養生茶，有清清既桂花味，夾住雪梨既果香味，令疲勞既學生/打工仔女可以充一充電⚡️⚡️最後，店員要求食客，將用過既紙巾放入準備好既紙袋入面，符合依家講求衛生

之前經過山林道見到呢間Cafe 好多人，想試好耐。襯住同朋友食生日飯慶祝就黎試吓。入到餐廳，環境好舒服，擺設是小清新既文青feel, 非常喜歡。我哋叫咗一份香蒜露筍巴馬火腿意大利麵，一份燻牛肉Bagel sandwiches 同黑松露薯條。份pasta 唔算太大份，份量適中，而且蒜香味濃，好味道。燻牛肉Bagel 配埋芝士一齊食，味道好夾好好味，而薯條就香口又好味。我亦另外叫了牛油果奶昔，呢個真是好好飲。朋友就叫了玫瑰花茶。總括來說，以上食物份量對於我哋3個女仔都好足夠，唔會話太細份。呢度亦是一個適合同朋友閒聊享受美食，打下卡既一個好地方。

提早book了晚上7:30，是日準時入座，用餐時間90分鐘，侍應很有禮貌的說如果之後沒有人入座是可以坐久一點的，感覺很貼心呢！店內裝修風格走文青小清新風，微暗的燈光有點溫馨，牆上貼了文宣，感覺氣氛一流！先點了梔子沙律內有牛油果、蘋果、果乾等等 再加上一點醋味道比相像中的更搭！主食點了牛油果蟹肉意大利麵蟹肉很足！牛油果醬也很match看起來份量小小的但吃得很飽！我們兩個女孩子只點了1個主食另外兩個小食-芝士蘑菇釀雞翼味道超棒！ 雞翼原來是走了骨的，吃起來很方便，芝士蘑菇也有夠濃味黑松露薯條黑松露醬很足夠，薯條剛炸起來熱辣辣的最後點了兩杯cocktail No.8 和 A.I.N.Y兩杯都很滿意原本是想加上甜品手工蛋糕的，但吃到最後肚子已經超飽了！唯有下次再來嚐嚐！P.S. 杯墊是有貓貓

想找一間舒服的小店和朋友聊天來到位於山林道的「梔子」裝修簡約又有文青感 佈置得十分舒服我們3個人點了:水牛芝士條 $48進食時要小心!非.常.燙!有很強勁的拉絲效果!黑松露薯條$ 78+ 牛油果蟹肉意大利面 $148薯條剛剛炸好很香脆！黑松露醬分量很足 不會有吃到一半就沒有醬的尷尬情況♥️牛油果蟹肉意粉每一口都是蟹肉味道很清新 推介👍水牛城辣雞翼$58愛辣的我很喜歡！雞翼很入味！酸酸甜甜又帶點微辣鮮雜菌菠菜長通粉 $108每一條長通粉都沾滿菠菜與芝士🤤不過吃多會感覺膩 開心果蛋糕$58有點小失望 開心果味不濃味道偏甜了一點熱朱古力拉花很美 味道偏甜了一點

生日飯到哪裡慶祝好？朋友知道我既撐黃店，又喜歡扮文青，於是就訂了位處山林道的咖啡小店「梔子」。「梔子」自6月12日起已多次罷工，屬深黃一族。內裡裝潢純樸，店員年輕有禮，目測大部份食客都是良心客，心善則貌美。本來，我們一心一意想來嘆牛油果蛋bagel，但今晚竟然搶手得未到八點已售罄，真失望！唉，我們唯有改吃其他美食吧。芝士磨菇釀雞翼（$68）一碟四隻，已拆骨，食得方便！芝士味適中，不怕雞味被搶走！黑松露薯條（$78） 每一條都炸得均勻，外脆內軟，金黃香口，必吃！梔子沙律（$88）無論去哪間餐廳，我都喜歡點house salad，試試每間的口味。「梔子」的house salad有齊牛油果和柚子，都是我的至愛！酸辣番茄大蝦意大利麵（$138）第一口真的很辣，但第二口就慣了！蝦肉爽口，麵是意大利扁麵！凍抹茶鮮奶咖啡（$43）「梔子」作為咖啡店，有一要求就是每位顧客須點一杯餐飲。咖啡面層的泡泡很creamy，味道似鮮奶多過咖啡！Dark Chocolate（$58）最後，朋友送上蛋糕慶生，生日願望當然是願榮光歸香港。

最近時間比較鬆動，所以多咗時間去留意同發掘一啲特別嘅小店。同時仲多咗個興趣，就係身體力行去「懲罰」小店，哈哈。早幾晚心情唔太好，想約朋友食飯兼飲下酒。有得飲酒嘅餐廳通常集中係油尖旺一帶，搵咗一輪就決定試吓呢間位於山林道嘅餐廳。建議大家網上預約咗先，可以免卻排隊等太耐嘅問題。餐廳環境比想像中細，另設窗邊位，直接望住馬路食嘢。不過我自己就麻麻地呢種座位，感覺較多塵，所以都係坐返入邊好啲。-牛油果蟹肉意大利麵濃濃嘅牛油果醬汁，配上大量鮮甜蟹肉同奶滑意麵，一食就停唔到口。醬汁帶有青醬嘅感覺，稠身但清甜。蟹肉絲份量出乎意料地多，鮮味濃郁。-水牛城雞翼雞翼醬汁唔算太辣，對我而言啱啱好，冶味之餘仲可以食到雞肉嘅鮮嫩。不過同行朋友就覺得醬料香味可以再突出啲。-黑松露薯條薯條份量頗多，炸嘅程度剛剛好。黑松露醬汁香味非常突出，餘香會停留於口腔，但食落又唔會好膩，反而有股清爽感，驚喜十足。-開心果蛋糕本身驚叫多個蛋糕會唔會太飽滯，好彩唔係用芝士做蛋糕夾層，而係選用慕斯，入口相對輕盈。開心果慕絲香甜，餅底略嫌硬咗少少，果仁如果有烘烤過會更香脆，同蛋糕亦會更夾。-Zi當晚重頭戲在於杯酒，但好可惜呢杯實在唔啱我嘅

以前覺得呢間Cafe幾靚，不過一直都冇機會試，今日終於試到喇同個朋友去咗食下午茶，我哋叫咗一個野菌忌廉意粉同一個黑松露薯條，本身意粉係跟餐，所以有嘢飲，我哋本來諗住一杯茶兩份分， 唔知原來佢有最低消費係每人一杯野飲，所以我又帶咗一個香蕉椰子奶昔個奶昔香蕉味好濃，仲有啲花生碎，有口感不過爭少少椰子味，個意粉都正正常常，唔錯既，而黑松露薯條就好新鮮，香脆可口而且佢呢間鋪嘅環境，都真係幾舒服，同朋友傾計傾左兩個幾鐘，都唔會俾人趕走，真係唔錯㗎

本身黎呢d文青cafe都唔會話對d野食有好高好高期望，但就係有呢種心態，所以今次就有驚喜啦～先講cafe環境，門口有個類似d酒吧for人企喺度飲野既位，後尾知道左呢間cafe既店主係酒鬼，先明白呢個位既用途😆喺文青cafe飲酒，真係想像下都有趣，大家有興趣可以試下夜晚去飲野，靜靜地岩哂傾計談心成間cafe都行白色簡約路線，感覺好舒服，再加埋一大埋木質擺設，完全係hea一個中午既好地方🙂至於食物，今次叫左個黑松露帶子意粉，個汁好creamy，黑松露份量都夠多，好香，再加埋d菇同兩粒大帶子，夠哂兩個人share最估唔到係個黑松露薯條，份量多到嚇親人😆係有一桶咁多！仲要係條條都好長又好粗！感覺食左十個薯仔！雖然係多，但係又唔會覺得好油膩，愈食愈停唔到口～不過個黑松露醬就有d稀，唔係太特別，就咁食薯條已經夠飲品方面就無叫酒啦（雖然d手工啤酒幾吸引），叫左杯iced tea同bananut（即係香蕉、椰汁、果仁加榛子），我就覺得普普通通啦，唔係特別impressive😆提示：最低消費係每人一個dish，一杯飲品喔

誤打誤撞，入了山林道梔子花深處。素雅清新的門面和手寫手繪式黑板菜牌，加之庭院一隅般美好的店堂，真是讓人一眼傾心。可謂是喧囂鬧市的隱世花園。落座翻看菜單，主打健康輕食，又有手工啤酒清酒等，原來是日間咖啡館與夜幕小酒館的雙重角色。我們本想喝杯飲品等人而已，點了兩杯果汁一份黑松露薯條。大大份的黑松露醬汁，第一啖已經驚喜！再食多陣，索性決定留堂食晚餐，感受多些美好氛圍。店內備有檸檬水，加了草本香葉，多幾分自然之味，客人可以隨喜自行斟水飲用，似是主人般自在。薯條粗幼適中，炸得香脆，點上黑松露醬汁，香鮮惹味。醬汁黑松露味非常濃郁，加之濃厚奶香與微甜，全方位喚醒味蕾。兩杯果汁非常自然清新。綠色是羽衣甘藍青蘋果等原料，橙色則為鮮橙甘筍等，果汁內混合了豐富原料纖維，感覺極健康，不過味道口感自然不可能似濾盡果渣般順滑，也沒有額外糖分的甜美。飲慣傳統果汁的食家未必能夠欣然接受。決定食晚餐，又點多幾樣主食。帶子黑松露意粉的醬汁與薯條類似，自然濃香惹味，美中不足是帶子隱約略腥。墨魚汁意麵中添加椰漿，非常特別，多了分南洋風味，墨魚圈新鮮軟韌。兩份意麵都煮得恰到好處，柔韌彈牙，裹滿醬汁。因為薯條醬汁份量有餘，加了原

※本文以用餐當日的環境、服務和食物質素為準，口味亦因人而異，文章只作參考之用。-上次食完氷川菓屋走過時經過「梔子」已經被佢佈滿乾脆花既cafe吸引住，說好下次要黎食！當然就立即搵左日黎呢度來個輕食晚餐同影下相。Cafe環境佈滿乾燥花的蹤影，又有不同的裝飾和擺設，很喜歡有這樣用心佈置的咖啡店，滿好拍的！步進店內會見到有2-3個靠街景的高枱位，窗戶也是打開的，坐在這個位置，從外面拍過來，很有文青感！左邊係半開放式廚房和沖調飲品的位置，還放了個蛋糕櫃呢，是日有三款不同味道得蛋糕，Chocolate Truffle、開心果mousse和芝士蛋糕，都係自家製的，每日蛋糕款式都未必一樣啊。直行入去先係我們坐的地方，說真的坐位不多，環境唔大，但佈局上係滿舒適。最估唔到係有兼賣手工啤酒、清酒同Cocktail，款式都唔少。Cafe感覺上係主打Bagel，仲有夾住不同餡料的Bagel三文治。另外仲有Salad、小食客意粉等；亦有命為「健康組合」的套餐，價錢會較實惠，部分適合素食人士。黑松露薯條 $78炸到熱辣辣又脆既粗薯條，黑松露醬比得多多一碟好大方，而且好夠味，真係食唔停口，講起都想再去食。牛油果比高