Notte (Closed)

兩個人想找個安靜一點的地方吃飯，找到了這家notte。電梯到達10樓店員會出來迎接，這裏的間隔好像一些小房間，感覺隱私度高，應該也頗有情調的。先來送上麵包。黑松露野菌意大利麵 $198點了一份意大利麵一份主菜來分享。意大利麵擺盤精緻，還有一塊黑松露點綴著。口感剛好，味道也不錯。烤油封美國頂級安格斯牛柳配黑松露汁 $438點了安格斯牛柳還加了$128配上香煎鵝肝，香味撲鼻。鵝肝厚身油份十足，牛柳要了medium rare也烤得剛好。聊著聊著，這樣就過了一盒愉快的午飯了。

同同事慶祝生日，有人介紹呢間餐廳所以去試吓，入到大堂真係想像唔到樓上會有餐廳，後來先知原來係一間私房菜。餐廳分開三間房，全部活動式間隔，可以打通晒，今日我哋四個人自己包咗間房，仲有無敵海景，好正啊！Set lunch由$128至$588，餐湯要加$58 ，另外加$108可以要任何款式的前菜，加$15可以要埋餐茶。前菜我哋揀咗「日本頂級鮑魚伴醬油汁」同埋「香煎鵝肝配多士及洋蔥醬」。前菜未上之前先上咗麵包，其中一款有好多nuts相對特別，麵包配以vegemite和蜜糖。話說我去年去澳洲都專登買咗一樽Vegemite呢個澳洲特產（黃色樽紅色字，澳洲超市有售）不過一直未開封，據聞味道好特別，同榴槤一樣，鍾意嘅人好鍾意，唔鍾意嘅人就覺得好臭，估唔到我最後喺呢一個情況之下黎試第一口，感覺似好濃好鹹嘅豉油味，所以會配以蜜糖一起點，咁就鹹鹹甜甜好特別嘅味道，的確未必個個喜歡，但係都係一個唔錯嘅體驗囉！不過記得唔好點咁多啊！食完麵包前菜就送到了。鵝肝都幾大份，試咗少少都幾好食嘅。至於鮑魚竟然有三件，碟上仲有金箔添，高貴雅致，鮑魚是冰鎮的凍冰冰，食落爽口彈牙。我哋都有加錢要餐湯，今日個餐湯係粟米帶子蘆筍湯

家姐鐘意食西餐，加上8月生日既佢，我梗係要請佢食生日飯啦～ Notte係樓上店，設獨立房間，適合鐘意寧靜及私隱度既朋友，而且可遠眺會展及尖沙咀一帶，感覺好好Feel呢度用料非常講究，黑松露蜜糖沾點麵包，味道一流！唔係普通既白麵包，而係感覺健康既甘筍提子包；另一款係丹麥式五穀麵包，其實唔洗沾醬都好好味！只需要點Pasta/Main Course就可以優惠價$108加配Appetiser, 點左香煎鵝肝配多士。淨係賣相已經相當吸引！香煎鵝肝散發住超香濃鵝肝味道，鵝肝上面放上甜甜洋蔥，超好味呀！伴碟仲有芒果他他，好清新。主菜來了，香濃黑松露野菌意大利麵，雖然唔係手工麵，但用上既係意大利入口既全蛋麵，同樣有煙韌口感！我地仲點左個香煎慢煮沖繩阿古豬配意大利白豆。起初仲以為伴碟既係大粒版茄汁豆，原來係意大利白豆！阿古豬唔多肥膏；煎香後放上一丁點海鹽令味道提升。Notte 既Tiramisu 好得，散發微微酒香，比其他餐廳既Tiramisu好味得多！