The Stadium (Closed)

半年前，朋友為我慶生而初嚐The Stadium。當時全場坐滿好有氣氛，店員雖然忙過不停卻一直保持十足禮貌，給我有難忘感覺。趁著新年團年飯，想帶家人食好野，於是一行5人再訪。先講食物方面 - 黑松露野菌薄餅︰香濃黑松露足料不失禮，配上大量芝士，白汁奶香感十分濃烈。薄身批底焗得香脆，芝士吸全吸入，卻唔會令餅皮變淋。拎上手食仍能保持挺身。火箭菜舖面去除油膩，亦可遮蓋海量雜菌腥味。希臘素沙律︰沙律菜新鮮爽脆、翠玉瓜煮至半軟身、聖女茄清甜濃味、重奶菲達芝士(Feta cheese)份量足。所有食材混合，突顯多層口感，配上酸甜意大利黑醋汁，清新開胃。美式烤豬肋骨(全條)︰全條肋骨8件，每件啖啖半肥瘦嫩滑豬肉，全吸入濃郁偏甜燒汁，雖然根基油膩油脂重，卻令人一件接一件停唔到口。肉質已經軟身到唔使牙咬程度，簡直係飯盜賊，如果配菜係薯蓉或薯仔粒就更好了。龍蝦蟹肉扁意粉伴龍蝦汁︰原隻龍蝦連蝦殼躺平係碟面，一定稱不上新鮮，但每口都豐富嫩肉，廚師之誠意搭夠。蟹肉以沙律形式混合，有點被搶味又搶鏡。三文魚子拌碟做配菜，再增添口感及味道層次。扁意粉偏硬身卻完全吸收濃烈龍蝦汁醬，係澱粉人最愛口味的 Al dente。

Happy Friday同朋友放工黎到呢間係觀塘工廈的Bar & Restaurant Chill下。之前已經黎過一次，覺得食物質素唔錯，所以今次得閒又黎多次先！我地一開始驚唔夠食叫左一個小食同兩個主菜，點知佢d main course勁大份，最後食到勁飽先清得曬😂🤦🏻‍♀️。🐓水牛雞翼呢間雞翼偏辣，較濃味。不過因為本人中意食辣，所以覺得食過咁多間呢間最好食。白色醬汁有濃郁芝士味，好heavy呀！🍕黑松露野菌薄餅有好香的黑松露味，蘑菇都好juicy，一份pizza可以切開8件，夠3-4 人share。🍖豬肋骨條（半份）超大份，飽到上心口😂味道正常發揮，算好食。總括而言間餐廳算高質，除左野食仲有drink menu, 所以好適合一班同事/朋友放工過黎Chill!!

今天約咗兩位死黨去觀塘APM行街，行到六點幾，冇理由行完便走，再加上近期觀塘工厦區內多了很多食府，所以便走落去看看，行到興業街口大大個招牌便行過去看看，有座叫The Wave 的大廈，進內有很多食店的招牌，我們商議後選擇了這間《The Stadium》以我們的五臟嘩想不到在工廠內的餐廳，也可裝修到這麼漂亮和寬闊，再加上兩邊玻璃心頭的自然光感覺上很舒服他的門口很有古典地庫的感覺未叫主菜之前，我們先選擇叫了一個黑松露薯條，薯條上加上芝士粉，可選擇點黑松露一起食，味道很特別，薯條當然揸得很鬆脆，不會像茶餐廳般的油淋，食落口芝士粉和黑松露的味道很突出當看見餐單有很多想食，最後我們便決定了各叫一個大家分享．1：虎蝦扁意粉，扁的意粉咬咁依然，上面有數隻爽彈的鮮蝦，再加上他的獨有醬汁，入口使人很開胃2：美國極黑毛豬，又厚又大件骨肉相連，炸起後只帶一點味濃感及脆口，半碟有少許薄荷葉一起入口滿腔溢香，食物絕對很有口感3：黑松露野菌pizza，一個薄薄香脆的餅底，除了一般肉醬及野菌外，再加上郁香的黑松露，一起咬落口香味無窮，到客人枱上的時間還帶有一點微溫，近使容易入口難得一起敘舊當然要啤啤佢下次再過開來，

Friday night黎呢度岩曬，可以一大班朋友飲返幾杯，野食又唔錯，環境氣氛都好，而且仲有戶外吸煙區，食煙吹風兩皆宜。野飲唔多講啦，今次同大家講下野食啦。我哋一行四人先點左個黑松露薯條再黎左兩round happy hour(八點前)先叫野食，飲完都半飽，叫左三樣野都好夠食。首先係豬肋骨，一上枱已經覺得好大份，足足有六條骨，切開一件件都可以啖啖肉既，燒得唔太乾，味道亦剛好；伴碟既有粟米同沙律，平衡返個油膩感。之後呢個黑松露蘑菇Pizza就麻麻哋，餅底太濕唔夠乾身，有少少似麵包，不過配料味道都可以，芝士亦不吝嗇。而個手搓粉就真係好好食，個粉口感好Q好彈牙，而個醬汁就好香忌廉同黑松露味，濃郁地包住每條粉，令人好滿足啊。呢度食物質素中上，環境舒適寬敞，價錢合理，侍應服務良好，值得推薦。

一直想試這間餐廳, 原因是被它的餐廳佈置吸引, 另外我也很喜歡吃美式的食物。於是趁朋友生日提意來吃, 這餐廳過了晚上7:30就只接受walk in 不接受電話預訂, 可能平日的關係, 8點來到不用等就被安排坐位了。對於今餐整體來說味道很不錯☺️

觀塘工業區The Wave 由舊工廈改建成一橦新活化的工廈，有餐廳有寫字樓環境真係不錯。難得放假今日約了舊同事在觀塘聚餐，於是便去了看看有什麼好吃的餐廳，看見有一間食西餐廳The Stadium 食美國菜的，看了餐牌環境感覺很好便坐底了。 餐廳地方很大環境好舒服，特別有一個角落是遊戲區，還有戶外區可以用餐。其實除了午餐之外，Happy Hour 和三五知己來傾計飲野都是一個消閒的好地方。兩個人點了一個Pizza and 一個意粉，今天這餐午餐很豐富和滿足。黑松露野菌薄餅 $178黑松露味道很香，成個pizza 材料很足有芝士，草菇，磨菇，黑松露及火箭菜，第一啖已經好有黑松露濃郁感覺再滲透了橄欖油磨菇香味及芝士味重有長長拉絲，薄批焗得好脆身，好有脆口好好食好正。虎蝦扁意粉 $188外型已經好吸引，食落第一口初初蕃茄味香濃慢慢再滲透了微微的辣味到味蕾，蕃茄醬加上洋蔥肉碎加埋軟硬適中的扁意粉一起食很美味， 虎蝦很大隻很爽口鮮味夠。 Mocha 咖啡 $38當侍應拎杯咖啡來的時候已經聞到了浸浸咖啡的香味，味道調較得朱古力味和咖啡味適中，一杯不錯的咖啡。贊！APPLY Juice $35,

雖然小妹生日過左一段時間，但同事都好有心補祝番。收工後直接去The Stadium, book 左7點半，好似7點9左右先去到。到左發現好多人等位，遲到都怕怕，侍應仲話有人攞左我地既booking（同名？），不過虛驚一場，都係優先俾番位我地。餐廳非常之大間，weekday都好full，期待值上升。員工帶左我地去一排好似戲院櫈既枱，裝修同氣氛都幾好。大家都好肚餓，急急腳叫野食。不過pizza都要等一陣，建議一坐低就可以叫左先（如果肚餓）。黑松露醬同芝士好夾，火箭菜不會苦，薄餅脆邊。可能好肚餓，又或者我太喜歡菇類，十分好味～太肚餓，同事影都影唔切已經俾我地拎左兩件。有炸栗米球，辣汁雞翼，洋蔥圈，芝士條，魷魚圈同麥樂雞。芝士條太凍，可以拉長絲但太硬冇流心效果。4款醬汁，其中3個白色一個係沙律汁，仲有酸奶味、較稀的醬和一個酸度介乎兩者中間的汁。紅色係類似炸雞翼上的辣汁，唔係茄汁。大家平時都食唔到魚，叫左個烤爐魚食下。雖然唔係必定菜式，但質素好好，魚香略乾身，加上Creamy既青白醬好好味。底下是薯泥，可以一齊食，口感再豐富D雖然性價比唔高，但係好適合聚會，野食質素亦不俗。好多人幫襯，最好訂左位