漁匠屋

Open Now

Now Closed

每次泥紅橋都想食呢間，但每次都好多人排隊等位所以放棄。今次特登早啲去，終於唔洗排隊就食到😝先泥前菜昆布味噌湯配芝士芝士味道濃郁，帶點煙燻香味，配搭淡淡嘅昆布味噌湯意想不到地match!!!好可惜當日冇壱の重丼同北海三味丼，唯有下次再食😆我地之後就揀左弍の重丼（$195）所有魚生都好新鮮💛油甘魚味道回甘亦好鮮甜。赤身好香唔會有筋。海膽都好鮮甜唔會有苦味！赤海老好大隻好滿足💛非常推薦！黑甕丼（$195）帆立貝同甜蝦都切成粒狀增加口感。個人覺得黑松露醬嘅味道過搶，蓋過左其他魚生嘅鮮味。巨峰乳酸梳打（$25）友人點左呢杯酸酸甜甜都幾開胃！不過不失喇～—————————————-總結味道：✨✨✨✨回頭：✨✨✨✨推薦：✨✨✨✨✨性價比：✨✨✨✨

#漁匠屋 作為#屯門名物 水準一直都keep住！晚市未夠6點已經有人排隊，好彩有得book位！想當年岩岩開果陣只有三個丼揀，宜家已經有9個！今次就試下「新」既丼叫完野食好快就有#前菜#芝士 係煙熏過 唔係好臭果d 而係好香 食得出奶既香味食完芝士飲湯 個湯會甜左好多😂#三國海膽丼 $255話明三國就緊係3個國家既#海膽 必有#日本海膽 其餘2種就日日唔同 視乎當日返既貨，今次係加拿大同澳洲 不過食落都係日本最甜，加拿大就淡黃色淡少少佢既海膽份量都唔少 舖滿成個飯！而日本蛋黃係神來之筆！令到成碗飯更rich！食落好黏好滿足！同埋飯係本身調好咪！唔洗自己加豉油！美味指數：9/10#黑甕丼 $195黑蚊蚊既飯賣相唔係太好！但一食會忍唔住「嘩～～～」出黎！睇住師傅將大大舊既#帆立貝 同#小柱 切成粒 再加#黑松露醬 撈勻！陣味係香到痴左線！細細啖已經勁濃郁！汁邊一粒粒既係#黑飛魚籽 平時好少見 味道比普通飛魚籽鮮甜同埋細粒d!!美味指數：8.75/10小食亦係以前無 宜家先有#魚鮫 $67好大舊 表面塊皮係脆架！食落超香魚油味！咁#蟹餅 正常發揮 唔太特別附上餐牌

上網一search，見到屯門有一間好出名，話好好食，好新鮮，日本級數嘅魚生飯，仲要係屬於同路人嘅店，梗係要試吓啦！.試完之後，食物的確係好好味，好新鮮！不過服務同其他評論講嘅一樣，真係麻麻地🤧 好多小店都會有性格，因為注重食物質素等等。但係老闆娘對客人態度真係麻麻，問嘢嘅回答，都係都冇尾音😖不過因為啲嘢食真係好味，所以都係好評！👍🏼丼飯set配湯及芝士芝士食落牛乳味好重，好鍾意！個湯都清清地，好好味呀😛嚟到呢度，當然要嗌佢哋舖頭嘅特色黑甕丼！另外仲叫左個弍重丼。兩個丼飯都好新鮮份量都好足夠。特別值得一提嘅係個黑甕丼，第一次食搭配黑飛魚籽同埋松露醬嘅日本丼飯，估唔到咁rich咁match，好味！！而家打食評都有啲回味啊！😋😋😋😋😋本身見到黑媽媽，想像唔到佢個味道🤣海蝦好大隻，丼飯唔係普通白飯，nice！

已經食過漁匠屋3次，第一次係係附近行完山，朋友介紹食既，食左第一次就欲罷不能啦，次次去屯門都想食！！！首先，幫老闆娘抱下不平先，食左3次，老闆娘都好好態度，服務一流，好好語氣，又主動介紹食物，完全唔明點解有人話佢態度唔好啊（黑人問號）頭2次7 8點先到，都要等位，今次就特登6點就到，終於唔洗等。第一次食就食左壱之重丼，有唔同種類新鮮魚生，仲有海膽同蝦，當然好好味啦，但令我留下最深刻印象既係朋友食既黑甕丼，個陣食左一啖就好念念不忘，一定要食第2次，自己食晒成碗佢！呢個黑蚊蚊既飯，有甜蝦蓉、帆立貝、小柱、黑飛魚籽、黑松露醬，一片黑色海量地cum住晒d飯，密密麻麻，就知道有幾足料！每一啖都係滿滿的黑松露mix黑飛魚籽味，齒頰留香就係咁解啦。面頭上白白的蝦、帆立貝、小柱mixture有令人想不停encore的口感，好幸福的感覺。底下既壽司飯亦有預先調味，無須再加豉油／wasabi，直接就可以享用老闆調好的美味。呢個飯絕對係令我一再返黎食的主因，係香港完全無食過呢個level的魚生飯<3 今次見有期間限定的穴子丼，一於試試佢。穴子原來姐係海饅，一貫不吝嗇的作風，佈滿飯上不是滿滿的大平台，