Whitewood Coffee (Closed)

🍵『黑糖抹茶厚鬆餅』$76一份有3件，只係76蚊，如果喺旺區食，有機會過百蚊一份；3件pancakes，同人share啱啱好；pancake有滿滿嘅蛋味，加上慷慨嘅綠茶粉，非常甘香；上面嘅cream都充斥住濃濃嘅抹茶味，好可惜上枱3分鐘就開始溶【友人係覺得偏苦，但個人覺得香濃】味道：💛💛💛💛🖤•🍎『蘋果桂花烏龍茶（冰）』$34烏龍茶上有一層泡泡，再放一片蘋果乾，一上枱已經好吸睛；一入口烏龍茶味首先跑岀，再有蘋果香，反而唔係好覺桂花嘅存在味道： 💛💛💛💛🖤•☕️Iced Americano $40比較普通，味道微微酸味道： 💛💛💛🖤🖤•

見網上不少人分享這間cafe 的pancake，就慕名來試試。等了約一小時食物才送到，飲品都已喝完。pancake 質素正常發揮，但等侯時間太長，用餐體驗麻麻，感覺坊間過於吹捧。點了香蕉榛子厚鬆餅及黑糖抹茶厚鬆餅，個人比較喜歡抹茶口味。Charcoal Latte 特別，不是間間cafe 有。

沙田除左市中心嗰間大家都識嘅良心連鎖cafe外，搭程車去石門都有唔錯嘅選擇，例如呢間喺商場角落嘅cafe，不過小店位置唔多，得十零個位，如果唔係等開門就要排一段時間。 🍽黑糖抹茶厚鬆餅呢度嘅鬆餅係輕盈、空氣感重啲嗰款，鬆軟得黎回彈力高，唔會一叉久塌落去，蛋香都頗明顯。鬆餅上灑上極多抹茶粉，味道偏苦澀，點少少黑糖漿就平衡返，抹茶忌廉順滑較軟身，如果茶味帶回甘會更好，但作為飯後甜品相當不錯。🍽炸魚蜜糖芥末長通粉呢個係是日款式，蜜糖芥末醬偏酸，用黎做burger嘅抹醬可能適合啲，炸魚我以為係魚柳，點知上枱後發現係麥樂雞形狀嘅魚手指，有啲腥味。呢款唔太啱我口味，但朋友話之前試過carbonara幾好。 ☕️Iced Matcha Latte☕️Matcha Latte (Large +4)呢杯應該係喺沙田區飲過最滿意嘅Matcha Latte，顆粒感唔明顯，甜度適中，拉花都唔錯。店家寫明採用小山園抹茶粉，茶味黎講比鬆餅濃郁。