Villa Villa

Open Now

Now Closed

記得一年前來過這裏午餐，當時黃金炒薯條令我們念念不忘，今日有機會重來這家餐廳了！午餐有意粉和意粉等選擇，奉送自家製蒜蓉牛油麵包和餐湯。餐包烤得外酥內軟，吃下去十分軟熟。餐湯濃稠香滑，不俗。⭐️北海道帆立貝意大利飯黑松露忌廉汁$138十分豪氣放了四顆帆立貝，帆立貝吃起來清甜配上味道濃郁的黑松露飯味道很和諧。黑松露米飯煮得軟硬適中，入口有嚼勁。⭐️蒜香銀魚蜆肉扁意粉$73將意粉攪拌，鹹香味非常突出，入口蜆肉飽滿美味，很惹味！⭐️黃金炒薯條$68 現在還有新口味薯條，不過我太想念炒蛋黃薯條了。每一條薯條都裹滿了蛋黃醬，入口沒有油膩感，十分爽脆，手指沾了蛋黃醬，忍不住連手指也啃起來！不過我猜店家應該改良了配方，因為今次的蛋黃薯條味道沒有上次吃那般重，現在鹹度略降低了。⭐️黑糖薑茶略帶甜味，冬天喝驅寒。⭐️熱朱古力朱古力十分濃郁可口。這裏的甜品選擇多，忍不住又點了一個。⭐️法式燉蛋芝士餅$38上面是幼滑的燉蛋，下面是蛋糕，不過夾層的蛋糕濕潤了點，味道未見驚艷。▫️吃了一頓豐富的午餐，才有動力繼續接下來的工作哈哈！

今日晏晝嚟到北角食午餐，地鐵站一出轉入巷仔，就到咗呢間小店。中午時間都幾多人，好full， 我同朋友book咗兩點，好彩啱啱有枱客走先唔使等！下午三四點就少人啲可以影到相環境幾舒服架，適合同朋友吹水同朋友每人嗌左個套餐，首先嚟到嘅就係跟餐沙律，蒜蓉牛油麵包非常好食，好香蒜蓉味之餘麵包唔會焗得太硬，外脆內軟朋友嘅冰咖啡， 話好好飲雖然係齋啡，但係一啲都唔苦澀，飲落好舒服我就帶咗黑糖薑茶，略嫌薑味唔夠重，但係整體都好飲，黑糖味濃期待左好耐嘅黃金炒薯條，蛋黃味超級香濃，配搭薯條簡直一流，薯條炸得唔會過硬，食唔停口，下次再黎一定encore呢個北海道帆立貝意大利飯要大推， 店員好貼心咁提示帶子係五成熟，帶子煎得啱啱好，香得黎食落好軟，口質一流，黑松露味好香濃，配搭唔錯！首先墨魚汁pizza餅底已經好夠特別，佢呢個底係薄底所以唔會話食一兩塊就飽到食唔到，Pizza底好香脆，啱晒我口味，店員提議我哋加煙三文魚，岀黎結果芝士同三文魚好夾，芝士味特濃，好足料，三文魚冇腥味，同埋趁熱食，芝士可以拉到絲最後因為太飽，所以無機會食埋呢度嘅甜品，聽講係好好味，亦都見到好多人有嗌甜品，下次會再試

第二次再食 上次冇機會食炸薯條今次就點埋個炸薯條由於呢間係小本經營 會唔好意思就咁點一個set lunch同一個炸薯條 所以另外點多一個set lunch 分別點左帶子risotto 同carbonara每個set lunch都會跟一個沙律 青菜沙律兩粒蕃茄仔同埋一個熱辣辣嘅蒜蓉包蒜蓉包熱辣辣有蒜蓉味同埋好脆卜卜好好食番茄都好鮮甜可惜啲菜好似有啲苦不過可能係我嘅問題姐我男朋友唔覺得係黃金炸薯條所謂黃金炸薯條就啫係好多鹹蛋黃同炸薯條溝埋一齊其他嘅組合大家可能食過係黃金炸蝦球黃金炒勝瓜等 所有黃金嘅嘢都好好食呢個亦都唔例外但淨係得兩個人食有啲離譜。 不過我哋都不惜一切食晒佢 每條薯條都有鹹蛋黃包住佢 所以係極之肥膩極之邪惡但係係極之好食就咁兩個人食一碟薯條已經可以抵擋到一個set lunch喇 黑松露帶子意大利飯-好似價錢好似係138或158總之就係值佢個價錢亦都唔貴帶子seared 得好好 亦都好入味Risotto 裏便加左啲黑松露汁唔係太濃 亦都同啲意大利飯夾得好好呢三樣嘢夾埋簡直絕頂Carbonara -大家都見到頭果兩碟餸都係非常之膩。根本就唔想再食 無奈carbonara真係好鬼

今天要到北角上堂，午饍時間比較鬆動，所以選擇一間優閒的餐廳。Villa Villa座落在北角書局街的一個小角落，其實很近地鐵站，但不是主動走過去的話，很難發現有這間小店的存在。小店門口有部屏幕用來賣廣告，頗新穎。店內座位不多，大概只能容納25人，裝修屬於簡約風。小店還設有露天座，假如晚上來的話，必定很有情調。來到的時間尚早，店內還未有客人，先看看lunch Menu，價錢由$58-138不等，還有飲品及前菜附送。自家製意大利香草麵包配野菜沙律午餐所附送的前菜，意大利香草麵包是小店自家製的，另配有黑醋可以點麵包，麵包味道不算很突出，但就看得出廚師的一點心思，另外，野菜沙律的菜及蕃茄用料都很新鮮。自家製芝士肉醬千層麵 $128店員推介的食物之一，因為小店的千層麵與外面的不同，是即場製造的，所以等候需時(約20分鐘)，千層麵共有五層，入面的肉醬採用鮮牛肉，切開千層麵真的五層分明，而且不會鬆散，入口千層麵麵質彈牙，不會黏在一起，而且鮮茄味很自然，不像是茄醬混成的，麵內芝士亦配搭得宜，屬水準之作。北海道帆立貝意大利飯(黑松露忌廉汁) $138一上枱已經聞到滿滿的黑松露及忌廉味，意大利飯的汁稀稠度

好大雨好大雨...... 不過幾大雨都唔會阻止到我出街食飯嘅！呢度只係開咗4個月，對於區外人算隱蔽㗎，但其實地鐵北角站B4出口過條小馬路，2分鐘就到。座位唔算多不過唔擠迫，牆上有一對大木刀叉，又有手畫嘅Tiramisu圖及其他簡單嘅畫，感覺真係似去咗意大利食飯咁... 望住外面落大雨，諗返起以前英國嗰陣.......食主菜前，先食個自家製嘅focaccia麵包配沙律，其實而家都冇乜邊度會咁好心機自己整麵包，值得讚揚！由於呢度做街坊生意為主，怕麵包太硬啲老人家會食唔到，所以佢哋會將麵包造得較軟身，咁就牙痛嘅朋友都食得啦！我自己都係鍾意食軟麵包嘅，所以呢個啱晒我&貓貓啦大阪燒薄餅 墨魚汁薄餅底（＄108）較為特別嘅係薄批用咗00高筋麵粉製造，乜野係00麵粉呢？原來意大利係用2->1->0嚟分麵粉研磨得有幾幼細，2係最粗，1係中，0係磨得幼細，而00麵粉喺研磨後嘅穀物％比0麵粉仲要低，所以佢係最細緻㗎喇。批入面加咗墨魚汁，所以批會係灰黑色，仲要日西合璧加啲大阪燒配料，哇外觀真係夠晒特別，創意十足！帶有墨魚鮮香嘅批底焗得十分薄脆，一咬即碎；每一塊上面都加咗大量芝士，雖然唔可以拉