芝樂坊餐廳

Open Now

Now Closed

平時睇食評呢間餐廳成日要排隊，今日走入去直入無阻礙， 一入到去間餐廳好大，D位置好闊落，加埋柔和既燈光感覺好放鬆好舒服，好啱兩個人一邊食一邊傾。苜先嚟左兩個餐包，一個普通麵包同埋黑糖麵包，個黑糖麵包好好味，我同朋友爭住食。呢間餐餐D食物全部大大份，呢個魷魚我覺得不過不失，略嫌D炸粉淡左少少，同唔係太脆，不過都有抵讚既地方，就係食落去一D都唔油膩，同埋魷魚都幾彈牙，佢仲配左兩個醬汁，一個墨西哥醬同他他醬，我個人鍾意墨西哥醬多D辣辣地幾開胃。之後嚟既就係呢個芝士四重奏長通粉，我重點推介，本來我以為會好膩，但係一入口竟然一D都唔膩，然後仲慢慢散發淡淡蕃茄同芝士混合既味道係個口腔裹面，佢個茄汁唔係平時麥記D死甜既茄汁，係個種好Fresh帶D香草味有混合左蕃茄有點複雜既味道，再加埋四種芝士(蒙紗里拉、里考塔軟芝士、羅馬諾及巴馬臣芝士)真係好難形容，佢係一碟好大份成碟都係芝士但係食完唔會覺得膩既芝士長通粉，我個人建意加雞肉，因為食落去會更有層次，佢個雞肉都整得啱啱好，同個長通粉好夾。蛋糕方面真係好多選擇，有成接近20種，聽聞係美國做完直送運來香港，咁我一定要試吓，我同朋友試左兩個，一個係非常車厘子

美式餐廳特色就係份量大、主菜都附配菜、包餐包、餐單選擇多、座位寬闊舒適Cheesecake factory完全附合以上條件🤓加上燈光昏暗 侍應大多不是華人令美式感覺更濃厚😍等候入座嘅時候大家不坊入內到蛋糕櫃參觀幾十款芝士蛋糕 件件都分量十足😘心情即刻大好🤪飯前餐包黑糖好好食！一放低已經成陣黑糖飄埋嚟仲refill左一次黑糖麵包😛炸魷魚($158)好好味呀！香脆魷魚爽有兩款醬提供 好正烤豬扒($288)蘋果醬薯蓉厚切煎得香 豬味濃 肉質不鞋蘋果醬作為點綴好襯唯一係有點貴 性價比麻麻可以有更好選擇拿玻里意大利麵($198)配上肉丸香腸磨菇煙肉好豐富又足料嘅開胃意粉！醬汁比例精準意粉煮得剛好 軟硬適中青檸芝士蛋糕($78)好酸呀😖not okay 完全食唔到甜品嘅甜三個人都食唔哂食過幾次cheesecake factory嘅蛋糕都覺得唔啱口味糕體芝士味不濃亦相對軟身

cheesecake factory真係無時無刻都咁多人星期五晚10點鐘嚟到，竟然仲要排隊大約有10個人排緊，不過唔洗等好耐首先就係枱枱有份嘅黑糖麵包，上面有Granola，仲有牛油比你搽！暖立立麵包配上淡淡黑糖味道，不錯之後第一碟上枱嘅係薯條，冇乜特別只係普通粗薯條配茄汁，不過份量就幾多同埋都熱辣辣好香但其實可以唔叫，食其他特色小食好過之後tacos同jambalaya意粉一齊上。tacos就一般，唔太特別好食Jambalaya意粉就好大碟又香辣惹味，出奇地好食其實兩個人真係食唔曬，除非你好大食或者特別肚餓但係嚟到cheesecake factory冇理由唔食佢嘅cheesecake，幾飽都要食叫個tiramisu cheesecake，有啲失望唔係難食，而係冇乜tiramisu味，似食朱古力cake咁，係幾好食嘅不過我下次就會叫其他味埋單六百幾蚊有啲貴，雖然份量真係好多係抵嘅。建議一大班嚟食會開心啲，兩個人嚟真係食唔多幾多野

開業至今都一段時間，但人氣依然高企，6點來到登記，都已經要等60至80mins了，但建議真係最少3，4人一齊來比較好，因為份量都不少。麵包有2款，個人較為喜歡黑糖麵包，好味到有d想問佢refill呢！但都係留肚食其他。香辣爆炸雞角，食完略嫌有滯既感覺，配上香芹，感覺無咁肥膩。加州風味牛油果醬沙律，份量十足。但略嫌無乜牛油果。飲品都不錯，分別為熱情風情沙冰，蜜桃沙冰及奶昔。諗唔到要咩口味既pizza的話，要呢個乜都有pizza就最好喇。肉丸意粉不過不失其實已食到好飽，但黎到點都要食番件招牌cake既，要了件原味芝士口味，連d cream都好好味。食過幾次，基本上都唔會催埋單，可以慢慢坐，都算係一個聚會傾偈既好地方。

平日午餐時段（五點半之前）選一道主菜後還能從咖啡、茶、沙拉、餐湯等四選一，以為份量會少一點，最後還是飽到不行😚餐前附上黑糖麵包實在好吃，會令人想念的那種滋味！麵包鬆軟，咬下去黑糖香氣十足！餐湯：奶油雞肉湯整碗湯裡滿滿的雞肉塊奶油味非常濃厚，還加了青豆、青椒、洋蔥等熬煮，雞肉軟嫩，非常用心的一道湯，沾麵包也適合餐沙律–沙拉生菜已經用醬汁拌好，醬汁酸酸的很開胃雞肉蒜香檸檬忌廉義大利幼麵 156經典的奶油白醬誰不愛雞胸肉塊非常多，吃起來很嫩但是有點鞋，每一條麵條完整吸附濃稠的奶油醬汁，還加入青椒、夷蔥等拌炒喜歡creamy的人別錯過，蒜香不是惱人的那種，而是增添香味，我想加入檸檬是有解膩效果，不過味道不明顯！達文西長通粉 156 個人最推薦來the cheesecake factory必點的意粉醬汁的味道像濃稠的洋蔥湯帶有焦糖味，只有這裡獨有！！吃起來不膩口，還會越吃越好吃，裡面的雞肉塊也是落得不手軟，還有蘑菇塊，長通粉吃起來是硬硬有嚼勁的口感，配上醬汁非常過癮，千萬不能錯過pasta davinci鮮香蕉忌廉芝士蛋糕 80吃得再飽都還有一個胃裝甜點，每次都有選擇困難症，這次選了香蕉味的芝士

Cheesecake Factory 不嬲都好多人，今次等左一個鐘終於有位，一入到去同佢講左佢屋企人生日，佢就會幫我喺蛋糕個碟上面寫字。送咗黑糖麵包嚟，都幾好食，不過要留肚食主菜。再食雞肉芝士蝴蝶粉，侍應會幫我喺上面再加芝士非常正仲有叫大pizza最後當然係揀蛋糕啦，侍應幫我喺蛋糕寫咗英文字，屋企人超開心，下次一定會再嚟。

呢間野成日都咁多人，今日係長假既最後一日，人流比平時靜少少，等左十零廿分鐘就入得。Order完，侍應便遞上黑糖麵包。麵包係熱既，好香既黑糖味，配埋牛油好夾，不過包皮就硬左少少，感覺無咁新鮮。由於呢度食物既份量都有返咁上下，我地兩個人叫左三樣野加一件cheesecake，已經十分飽了。先黎一個湯，好特別，入面有大量雞肉同白豆，有少少辣；然後上面係墨西哥既莎莎醬(配nachos個d醬)同cream，酸酸地，加埋個湯度好醒胃，好飲！然後係烤茄子，烤之前先用麵包糠輕輕炸過，脆卜卜，之後鋪滿芝士同一埋茄醬去焗，味道唔突出，不過都好食既。隔離仲配一堆青醬天使麵，不過味道就無咩，同埋有少少油。呢個釀蘑菇我去到唔同既美式餐廳都會試，呢度既都唔錯，雖然無creamcheese，不過都有大量芝士一齊焗，實好食啦。最後當然要叫呢度既招牌，今次揀左tiramisu cheesecake。其實係tirmaisu中間再加一層cheesecake，口感好豐富，咖啡味唔會太濃，芝士都唔會搶左tiramisu既味，值得推介。