福元湯圓

Open Now

Now Closed

年近歲晚，天氣又凍🥶又無晚市😢為咗令今晚餐團年飯再加多一點甜🥰忍唔住去咗米之蓮福元湯圓買咗芝麻同花生湯圓😍😍用咗啲黃糖加水煮成糖水，再加湯圓一齊煮，令湯圓加多幾分甜😋一咬落其中一粒湯圓，糯米皮軟綿綿又薄！個口一陣芝麻香味充斥住整個口腔😋再仔細一望，啲芝麻蓉好似流心咁流哂出嚟😍原本想減肥，都忍唔住再食多一粒！今次係花生蓉🥜啲皮雖然厚，但都係咁軟糯🤤真係值得再encore!提提大家，福元都有出片教大家點煮到啲湯圓流心㗎❤️想食到流心餡記得睇片啦😜

經過炮台山,見到福元湯圓係網上見人地不停推介,一心走去食叫左黑芝麻湯丸湯丸一共五粒,size都算大輕輕一咬啲芝麻就流哂出黎差啲影唔切相呀!味道方面啲湯係薑糖水,薑唔算話好濃,如果可以濃啲就正,佢應該加左唔少糖水,所以甜味較重湯丸唔差既,皮唔算好粉好厚,入面既料都算多但真係好普通既一粒湯丸,冇咩特別普通到猶如自己屋企都可以煮到既湯丸咁,試一次就夠另外仲叫左個桂花酒釀湯圓本身對桂花味唔係太大興趣,味道算係正常味,不過不失湯丸都係芝麻湯丸,食落都係普通野

剛响隔離食完, 順便試埋呢間出名嘅黑芝麻湯丸. 店內都有三四張枱, 可容十人. 也見有幾個客人買外賣. 堂食就只得我孤單一個. 等了一會, 一碗熱辣辣的湯丸送到, 碗子不太大, 剛好放五粒湯丸, 先嘗一口薑糖水, 有點辣, 薑味頗重. 湯丸就入口軟綿綿, 嚼落完全無嗤牙, 黑芝麻蓉夠味, 果然名不虛傳! 係我暫時食過最好味嘅湯丸!秋冬天一定要再番嚟食其他糖水, 芝麻糊, 合桃露...等!