武士拉麵 (Closed)

今天跟朋友來到尖沙咀一間隱世美味拉麵。雖然小店地方不大，但勝在環境夠整潔。一進店已經有幾台食客，加上我跟我朋友已經滿坐了。桌面整潔，坐位不算不太逼。我點了一碗柚子Wasabi魚介沾麵 $118沾麵湯汁又香又濃郁，帶有一點點魚介清香味和淡淡的Wasabi味，感覺清新又美味。粗身的拉麵非常有彈性，軟韌度剛剛好，沾上湯汁吃好有口感。叉煙薄薄肥瘦適中，軟淋好吃。朋友點了黑蒜油豬骨湯底的拉麵 $98見到佢個拉麵一到，個碗不停冒煙，湯熱會令到整碗拉麵變得更加好吃。我試了一口湯加拉麵，黑蒜味非常濃厚，又香醇。幼身拉麵感覺比較掛湯，好滋味。小食方面我們點了日式煎餃子$30 餃子皮薄餡靚，價錢實惠。很適合食量大的朋友。店員製作拉麵速度也很快，5-8分鐘便上枱，是一人晚餐不錯之選。

剛巧經過這間拉麵小店，被店外的電視廣播吸引進去的。這間拉麵店叫做武士拉麵，小店地方不大，只有吧枱位八個。拉麵選擇挺多，口味也挺有特色，本來想叫北海道牛乳湯底，但是店員說那是冬季限定的。所以我點了黑蒜油湯底拉麵，雖然只得一位店員，但是效率非常快，大約等了5分鐘便來了第一碗拉麵。看到熱呼呼的面為我們呈上，感到非常興奮。喝了一口頭啖湯，湯底非常滾熱，而且伴隨濃郁黑蒜油味，香濃的黑蒜味撲鼻而來，麵條我選擇了軟身，因為會比較掛湯，軟綿綿的面條加上濃郁的黑蒜湯底，非常滋味。吸了湯底的紫菜也非常好吃。叉燒肥瘦均勻，大小適中，厚薄均勻，肉質軟林，容易咬開。男朋友點了柚子wasabi魚介湯底拉麵，湯底有一點淡淡的柚子味，wasabi味不大，魚介味香濃，沾麵汁偏稀。麵條選擇了粗身的，非常有彈性。加了一點拉麵店本身的魚油，魚介鮮味更加提升。另加$10要個溫泉蛋，滑溜溜的，半熟蛋液不會過生，蛋黃啫喱狀半流心，上面灑了少許香蔥，增添了口感。餃子餡料是菜肉餃，皮薄餡靚多肉汁，上枱也是熱辣辣的，外皮好香 感覺每份食物都是用心製作的

約左一班朋友係尖沙咀happy hour，朋友見早放就約我去隔離條韓國街食個拉麵打個底先再飲野。間拉麵店係條韓國街既盡頭位，門口都幾細下，唔係朋友帶去，都幾容易搵唔到。好彩早放，間鋪頭仲有位。原來間店除左門口好細，入面都好細下，好似得7，8個位。一字排開甘坐。每個人都有足夠既位，唔會同隔離個個人好近。拉麵都有幾個湯底可以揀，之後可以自選湯底既濃淡、麵條既粗幼同埋個麵質既軟硬。方便每個人唔同既口味。店員會推介重口味人可以揀醬油同黑蒜油。朋友同我都比較重口味，所以揀左醬油同黑蒜油豬骨湯底。之後，再share左隻溏心蛋（$10)。個人比較重口味，鍾意黑蒜油多d，夠濃味。呢到既麵同其他拉麵店有d唔同，比較特別。叉燒係薄既肥瘦叉，d肉好嫩，加上層肥肉，夠油分，好好味。唔會好似瘦叉甘好乾。不過，就只得2塊，比較少。好彩加左隻溏心蛋，隻蛋好甜，蛋黃好流心，正，所以一定要加。個拉麵睇落好似幾細蜿甘，但原來食落都有幾多拉麵下，相比上黎d料就比較少左d，要自己加料。整體黎講，都算係不錯既拉麵。