八沢 (霎東街) (Closed)

八沢是一間最近人氣頗盛的烏冬專門店，主打忌廉湯底烏冬，不過都有拉麵和飯選擇，全部幾十蚊有交易，所以平日都幾多人幫趁。店面不算大，不過座位都不會太擠迫。話明烏冬專門店，當然要試下佢個烏冬，這裡有湯烏冬和掛烏冬，掛烏冬就是汁撈烏冬，另外再點了小吃分吃。芥辣八爪魚($36)芥辣味夠重，刺激得來不會太嗆鼻，但份量就比想像中少。紫番薯甘栗餅($28)吉列皮夠脆，紫番薯甘栗餡料甜而不膩。黑松露忌廉海鮮烏冬($98)奶白色的忌廉湯底上面有一堆黑松露醬，先試湯底，超香黑松露味，湯底濃厚順滑。烏冬軟滑煙韌，不會過腍，份量適中。海鮮烏冬有兩大隻帆立貝和三文魚，都幾足料。黑蒜灸燒極濃黑豚肉烏冬($87)黑蒜湯底未食已經聞倒很香黑蒜味，烏冬上有灸燒黑豚肉、半熟蛋和日本魚蛋。黑豚肉少少肥，肉質很滑。烏冬口感同樣滑溜煙韌。凍檸蜜($22)檸蜜都飲得出蜜糖味，甜度適中。總結，烏冬口感煙韌，忌廉湯底和黑蒜湯底各有特式，兩款都好吃，實在不能錯過。

呢日去左銅鑼灣接個朋友仔收工，諗住係附近搵間餐廳去食個晚餐啦，朋友建議食日本菜，有一間佢食過覺得唔錯既，就話帶我去食下。一入到舖頭，都覺得暗暗地有d射燈光幾有日式既feel，同埋牆身有佢地主打既菜式，大大張咁放出黎，離遠都望到好清晰又吸引，而呢間餐廳主打既係日式烏冬，咁當然要點樣食下佢。我地總共叫左兩個主食同三個小食，分別係「黑蒜灸燒極濃黑豚肉烏冬」，「芥末果醋帶子冷掛烏冬」，「明太子雞翼」，「螢光魷魚」同埋「秋葵沙律」。1.螢光魷魚$36叫左呢道冷盤既魷魚作為前菜，魷魚用左少少腌料去調味，所以食落帶有點酸味，都幾開胃。2.芥末果醋帶子冷烏冬 掛烏冬 $85呢個烏冬意外地帶出有小清新既感覺，可能因為冇肉類既關係，有幾片大大既蕃茄同埋沙律菜伴碟，加上主角帶子係經過煮熟再冷藏既方式，令到整體上食落去都比較清淡，啱晒想減肥嘅朋友，而且嗰個芥末嘅果醋同個烏冬好夾，滑嘟嘟嘅烏冬，加上酸酸地嘅果醋，令人食唔停口。3.黑蒜灸燒極濃黑豚肉烏冬 $87呢個烏冬一上枱真係不得了，黑蒜油嗰種香味，加埋豚肉嘅香味，真係令人食指大動，同埋佢嘅豚肉切得好厚，咬落去啖啖肉，肥膏同埋啲肉分布好平均，個湯加埋一啲爽口

八沢位於Times Square後面嘅霎東街，次次經過都俾佢個忌廉烏冬吸引到好想食，呢晚終於試到！ 黑松露忌廉三文魚腩帶子烏冬（$115）佢個忌廉烏冬唔係吉列牛嗰隻杰啲嘅忌廉，而係忌廉湯嚟。雖然打卡未必有咁靚，但味道絕對唔比嗰隻差架！一上枱已經聞到好香黑松露味，個湯飲落都係，忌廉味都重但一啲都唔heavy 😋呢間餐廳只做烏冬，冇其他麵類，當然會做得特別出色啦！烏冬爽口彈牙，仲要索晒啲湯，超好味🤤三文魚腩好厚，仲有三粒大大粒嘅帶子，非常慷慨呀😛黑蒜灸燒極濃黑豚肉烏冬（$87）黑蒜湯底十分香滑濃厚，黑豚肉不厚不薄，輕輕灸燒過，非常惹味😋明太子雞翼（兩隻）（$36）雞翼中間釀咗滿滿嘅明太子🤤牛乳忌廉餅（$32）新鮮炸起睇熱呀🔥外皮一層薄薄嘅炸粉好脆口，包住中間嘅牛乳忌廉。牛乳忌廉有濃厚嘅奶香，質感香滑👍忌廉烏冬的確好不錯，不妨一試✨Menu:

講到食日本野，大家可能即刻會諗起廚師發板，壽司刺身。不過其實烏冬都絕對係一個好好嘅選擇今日喺銅鑼灣時代廣場後面就比本兔遇到間好有驚喜嘅烏冬小店，絕對值得推介俾大家小店中文名叫做<八沢>，雖然沒有華麗嘅裝修，但是基本嘅光猛和清潔都是做得非常足的其實會入去幫襯嘅主要原因，就係因為喺門口見到依碗<黑松露忌廉海鮮烏冬>！！！本兔一坐低就二話不說，立即點了〈咸檸7〉喺未有得食烏冬之前，炎炎夏日當然要叫番杯透心涼凍飲~~選了<鹹檸7>絕對是沒錯的！你看粒咸檸有幾大粒〈黑松露忌廉海鮮烏冬〉等左一陣終於有我期待已久嘅烏冬到來，第一眼見到咁大碗湯，以為係會水流流稀稀薄薄，其實有少少失望的但係飲一啖先知原來執到寶！！帶有黑松露香氣既湯底口感又香又幼滑，味道亦都好香濃醇厚，但又唔係嗰種會令你好滯的湯底，超好飲的！試完湯底當然要試吓真正嘅主角~烏冬！！烏冬爽滑得來又夠彈牙，順滑到<口雪>一聲就索哂入口，絕對係本小兔食過最好食嘅烏冬之一另外仲有好多片既厚切香滑三文魚同埋幾粒大大粒嘅原隻帆立貝，真係令到本小兔非常非常滿足〈黑蒜灸燒極濃黑豚肉烏冬〉&