八沢 (霎東街) (Closed)

朋友特別推介的餐廳，位於銅鑼灣小街道中，平時都會唔經唔覺行過左，有一種十分地道的感覺。睇完食物相，揀左一見就覺 creamy 的黑松露忌廉海鮮烏冬烏冬又煙韌又細滑，一個字，正😋!湯入面有好厚實嘅忌廉味，新鮮的三文魚、帶子，再配上黑松露醬，真係好食都難以形容。小楠山玉子鯛魚腩飯一上到枱，個造型真係一個桶飯，貨真價實。首先鯛魚腩唔腥，十分肥美，玉子呈現為半熟狀態，嫩滑蛋配上充足醬汁，鮮甜美味，這道玉子鯛魚腩飯都與黑松露忌廉海鮮烏冬相比，都不落下風!見到仲有好多其他野想試，會再來翻食 !

位於銅鑼灣 霎東街無意中經過見到餐廳外裝修都幾吸引入面播住越南歌 好似幾正宗咁一於俾個機會佢試吓下午茶時段食晏晝好似抵啲嗌咗香茅豬扒撈檬 味道OK☺️冇嗌到嘢飲 唔知係咪下午茶時間唔太忙 我一個人包起左成間店😄我嘅欣賞佢室內嘅佈置 周圍好多藝術品睇推介大家嚟試吓啦

今天在銅鑼灣看見一個廣告 ---「咖喱增強免疫之選」，決定嚐下這新一代「蓮花清瘟」，看是不是真的能保我遠離新冠🙏🏻🔺 青咖喱肥牛飯 ($75)午餐份量十足，一碟有6-7片肥牛，青咖喱辣度屬小辣。咖喱醬味道很重，加入椰奶、辣椒、香茅葉等烹調，並選用較圓較小的「泰國茄子」，充滿泰國風味。回頭率：🌕🌕🌕🌕🌑

因為想食日本菜但又唔知去邊度食好，於是同行友人提議不如試下呢間好似係賣日本菜既餐廳，點知明明門面睇落日式，但Lunch Menu係清一色泰菜，雖然想轉場，不過既然都已經行到黎門口就決定入去試下，當日點左:🥢船麵($65)一上到黎見到個賣相都唔錯，用個細鍋仔裝住幾有特色，入面有豬皮、豬肉丸、同豬肉，每樣雖然都中規中矩，但都比得多料既。只不過個湯底係完全唔得，雖然睇落好濃郁，但飲落真係超級鹹，係死鹹個種鹹，完全飲唔出個湯底本身既味道，一味得個鹹字，好努力咁食左1/3左右已經忍唔住要加水先食到落去，感覺呢一餐已經食左成個禮拜所需既鈉🤦🏻‍♀️雖然以價位黎講算抵食，$65仲包左自家製熱飲，甜甜地味道都唔錯，但係個湯底真係太鹹，無論配料定係麵既味都完全遮蓋曬，同想像中既船麵味道有太大出入，相信同區有更多好選擇，所以唔會再黎了。

🌟泰味綠咖喱雞肉這道綠咖喱蠻多料的包括 茄子 節瓜 雞肉 洋蔥 豌豆 菇類 等醬汁的綠咖喱味很香 配飯吃超下飯但不敢吃辣的要注意這道是有辣度的哦🌟泰味蝦醬高麗菜很愛這道高麗菜蝦醬配上大火翻炒後的鍋氣 整個香味十足

好耐之前係食日式忌廉海鮮烏冬，好好食好熱辣辣，餐廳亦都坐無虛席，今同行過同事帶我入去食，以為入錯門口，點解會變左泰式餐廳但個名同入嘅格局咁似？！見到餐牌，有海南雞飯、香茅豬扒撈檬或者湯粉，又有生牛肉河，咁到底係泰式定越式餐廳？咁求其叫左個香茅豬扒撈檬，好快就上枱，個賣相唔太吸引，用個鐵鍋咁嘅野裝，啲檬粉好古怪，唔似平時食嘅，啲粉比較粗，又林，唔太好食，個撈檬粉嘅汁又唔太好味，好街外來貨嘅味道，豬扒就正常發揮。希望八沢唔係易左手啦，一係就希望新頂手嘅人可以改過個名，唔好讓八沢蒙上污名。

從以前的美味日式烏冬已對這餐廳非常深刻，最近試了新轉型的泰式美食，水準依然非常高！👍值得一試！ 午餐試了豬頸肉撈檬及生牛肉湯河，賣相不錯，豬頸肉肉質非常有口感，配合泰式醬汁味道很配！真的有回到泰國的感覺。牛肉湯河肉質也很嫩滑，朋友也認為很不錯， 想不到餐廳轉型水準依然不變，短期內必再次光臨！😋

初頭趕翻工 天氣又熱 打算附近搵間野食 行過見到裝修好似唔錯有海南雞飯就入去食因為胃唔多舒服就油飯轉白飯開頭覺得雞湯唔錯既 都有隻雞腳係到同味道都唔錯同擺盤幾靚但一食落去 係冷飯以為得少少 點知差唔多全碟都冷飯我怕難消化我都唔敢食太多又趕住要翻工唔夠時間換過碟就硬著頭皮盡量食啲飽下肚 最後都係頂唔順同佢地講翻 話希望下次唔好再俾冷飯個姐姐即係好唔滿意哦一句其實我都冇要求啲咩 70幾蚊一個飯淨係要正常既白飯好難咩 p.s. 全間鋪好多野都自助 唔明點解要加一

銅鑼灣的正常食物太多了。請不要浪費金錢食八沢。在大約一年前，我有嚟過呢間嘢食日本菜，啲烏冬的確係唔錯，琴日突然間興起想食烏冬，就諗起呢間舖頭。點知原來佢轉左Menu，而家變咗做泰國菜，冇晒以前啲嘢食。雖然有啲失望但係既然一場嚟到試吓佢嘅泰國菜都唔緊要啦，話晒之前嘅日本菜都有返咁上下水準。以下我講嘅說話少少都冇誇張到，呢間舖頭琴日啲嘢食我敢講係我20幾年人生入邊食過最難食嘅餐廳，沒有之一。完全理解唔到點解可以整得咁難食。恕我太唔開心冇幫食物影到相，但係可以話，淨係睇賣相已經見到完全唔合格。琴日食午餐叫咗三樣嘢1）冬陰功海鮮湯金邊粉賣相：極度淺色，完全唔似冬陰功顏色，顏色係出前一丁麻油麵淨係落咗¼包湯粉嘅顏色，見佢有少少紅油喺頂浮住。味道：酸。好酸。剩係得酸。沒有任何味道。直程係醋味。配料方面，有幾隻蝦 一粒帶子 一條蟹柳。三樣都冇乜特別，純粹擺咗落去一齊碌嘅感覺。冇預先煎香炒香或其他處理，就係同嗰煲酸湯一齊煮。配料如果唔係咁酸勉強可以入口，所以我用餐廳提供嘅水沖完都有食。2）泰式炒金邊粉賣相：星洲炒米嘅顏色，有幾束膿左嘅麵條，完全夾唔起，一餅野嘅感覺，只要你求其夾起一束，成個麵都會攞起，

本身都好鍾意食佢哋個忌廉黑松露三文魚烏冬 喺OpenRice上面仲見到佢哋係同一間餐廳同埋仲有日本名 以為都係同一間餐廳見咁耐冇食去回味一下點知係同名同埋同位置而已 但係完全餐廳內容係唔同冇任何烏冬類嘅嘢已經好大落差好失望啦食得啲海南雞飯仲係唔知咩顏色嘅嘢飲唔好飲又唔係特別平喺銅鑼灣有好多其他更加好嘅選擇唔明白點解菜式種類同款式與本身餐廳「完全」唔同，但係喺OpenRice，google上面仲係同一個店，個名仲要係日本名唔會再幫襯

入到去坐低比Qr落單，叫咗碟海南雞飯一定無伏啦，點知隻雞無事係碟飯有陣酸臭味嘅黃油飯，小弟做開飲食業就知道佢一定放咗一整日嘅飯保溫保到酸臭都繼續出餐👏🏻👏🏻犀利！本身諗住齊頭100啦，點知佢有折喎，折咗最後個價錢係88蚊。100蚊裡面有一碟海南雞飯、酸辣鳳爪、一杯龍眼冰

超級中伏 ！本來搵住去食豬扒忌廉烏冬，已知唔知轉左手定點，變咗食泰菜。坐低睇到d評價都伏伏地，但入到去坐都騎虎難下咁咪照食。叫左3樣野 ，一黎個冬陰功，我未見過有咁多油嘅冬陰公，仲多過d麻辣湯底，要自己撇咗啲油先敢飲🥲之後青木瓜沙律正正常常冇乜特別，最後最伏嗰個出現，太家諗住係普通泰菜嘅泰式炒豬頸肉，隔離有勁大陣臭味 ，係類似中藥嘅味。同行嘅朋友話某一個東南亞嘅醬油味，但我深信嗰隻味係99%嘅人都唔會鍾意食，因為真係好臭。最後試咗三啖都係頂唔順，雖然間嘢好難食，但最後都叫多咗個豬頸肉飯驚肚餓，因為碟河真係食唔到🤮🤮🤮最後豬頸肉係好似叉燒咁又同我想像中嘅有啲唔同，不過都ok既當野叉燒。第一次打食評，都係唔想其他人中伏 ，兩個人食左300蚊嬲嬲地⋯救命🆘

貴！難食！冬瓜湯個味怪怪地food court 海南雞飯仲好過佢！！油飯無味、雞普通！肯定唔會想再幫襯！香茅水無香茅味環境係舒適既、上菜擺放係諗過既、但餐廳靠包裝食物味道唔掂係贏唔到食客回頭。

🔹 話說Pooh同朋友想食筲箕灣八沢嘅烏冬🇯🇵 見銅鑼灣都有分店就去下，方便行街😗 點知去到先話原來已經轉埋泰國菜，要去食日本菜要去返其他分店🥲 食完都係覺得日式出色啲😂⁡1️⃣ 豬頸肉撈檬 $62 (5/10)朋友叫嘅撈檬份量算多，但汁就可以多返少少🤣 豬頸肉都6-8塊，幾爽口👍🏻 不過整體埋上普通😂 整體不過不失，正常發揮😗⁡2️⃣ 香茅豬扒湯河 $58+$6 (4/10)本身係撈檬，估唔到轉湯河要加$6咁多🥲 仲要黎到河粉份量少得可憐，食3啖就無晒😫 香茅豬扒完全冇香茅味🥺 仲要只係剪成兩大塊，食落好唔方便又無乜誠意🙈 ⁡

今日同男朋友去staycation 係OpenRice 個app見到呢間 現場睇都幾grand 既 見到都有唔少人係裡面食係app 點好 現場去拎一拎上手個外賣 哇 咁鬼輕既已知伏伏地 打開見到平時外賣杯杯奶茶咁裝左餸返去打開個飯盒 原來d餸半杯的都裝唔滿攤開牛肉得4片 好鬼誇張 咁樣就57 外賣自取唔係唔得 但真係唔抵囉。味道就ok 有金不換味 但十分水狀， 同唔知係唔係落左咩/致敏源食到同行男朋友極唔舒服。 個人建議商家可以描述加上包含食材，由其是咖哩由多種香料 咖哩膽開 好多人都對花生🥜等等過敏。