峰壽司魚屋

Open Now

Now Closed

之前聽同事講荃灣廣場間「峰壽司魚屋」幾好食，呢日男朋友嚟接收工順便一齊去試試佢~ 「峰壽司魚屋」位於荃灣廣場四樓，餐廳環境寬闊，設有吧檯、卡座同一般座位。裝修時尚有格調，坐得舒服！ 食物方面選擇都幾多，壽司、魚生、烤物、小食、飯麵樣樣齊全！壽司嘅款式都幾多，就算唔係咁鐘意食生野嘅我係佢度都可以有好多選擇，呢點值得一讚！ 🧡龍之卷（$38）吉列蝦配鰻魚，鰻魚新鮮香軟，吉列蝦酥脆唔油，夾埋一齊真係好好食！鰻魚控必點！ 🧡費城卷（$24）外面滿滿嘅飛魚籽，中間係大大粒芝士同大大塊三文魚，芝士味好香但又唔會掩蓋到三文魚香，一啖食落超美味、好滿足！ 🧡鐵板吞拿魚扒（$65）鐵板吞拿魚扒一上枱超咋咋聲，香氣撲鼻，味道惹味~吞拿魚扒大塊新鮮，不過有少少可惜嘅係個醬汁調味太重，完全掩蓋咗吞拿魚本身嘅味道！ 🧡茶漬套餐（$28）個飯都幾得意，五顏綠色~可以根據自己口味加入洋蔥、紫菜、木魚絲同高湯，都幾有趣！ 🧡蒜香草煮蜆（$38）滿滿嘅蒜香同牛油香，調味好美味，不過有少少美中不足嘅係啲蜆有少少沙。 整體來講，性價比好高，價錢唔貴！壽司相比起熟食做得更出色，建議試多啲佢嘅壽司類或魚生類~

今日同爸媽嚟開大餐，賺取收入同時別忘記好好孝敬父母，佢哋快樂來自於仔囡既陪伴+照顧，帶佢地周圍食大餐，無比既快樂，人大了，更有能力的照顧家人🥰一切都最完美入到嚟餐廳感覺比較依賴日光，靠窗四方枱既設計有d似麻雀枱😂環境系舒服既，相對地闊落，叫幾多嘢食都唔怕👉🏻蒜香三文魚飯定食下午時間$79食到咁大碗既三文魚切粒+切片丼飯真系抵爆，當然一分前一分貨，三文魚有些少筋同實既咬口，三文魚鮮味中等，定食配埋麵豉湯、炸物，對於一個人嚟食，已經足夠👉🏻火炙厚切明太三文魚、火炙盛呢三款既火炙壽司嚟講，最鐘意既系火炙厚切明太三文魚，厚得嚟卷過後魚香更重，少少明太子香系面，真系認真加晒分，而火炙盛比較普通質素，冇多特別👉🏻龍之卷最推推推薦要試既就系呢款龍之卷，中間包住天婦羅🍤外面海饅、蟹子，配埋佢地既燒汁，呢味帶有餐廳特色既創作壽司，爸媽讚不絕口，哈哈👉🏻加州卷蟹柳、蛋、青瓜、蟹子，因為少左沙律醬搭配好似總系差咁d，呢樣系個人口味，佢地既出品正常既，不過加州卷下次未必會再嗌👉🏻壽司盛-一人前刺身、魚、素食壽司都有，一碟有8件可以試晒咁多樣壽司，感覺上刺身壽司鮮味一般，大致上都系筋比較多，素食壽司正常，如果為

峰壽司一向既質素都唔差，食過幾次都繼續會黎。而且佢有d特別既期間限定款色，每次去都總有新意。今次春之限定係三文魚，三文魚配搭唔同既食材，更加吸引視覺和味覺。紫蘇白飯魚三文卷，白飯魚簡直點緻了整件三文魚，紫蘇味又減低三文魚既膩，好食！雖然全部都係三文魚，但鍾意食三文魚既絕對唔會嫌太多太悶，因為件件都有驚喜！另一個限定菜式係炸蝦餅，雖然細細件，但真材實料，好有蝦味又彈牙。配埋沙律醬同特色醬料有雙重既味道。龍之卷，吉列蝦配鰻魚，新鮮即燒即製，好食其他款色同樣出色，但略嫌今日d壽司飯比較鬆散，一夾已經散開幾份，依度略為扣分！ 而且閒日晩市等位都等得比較耐，今次等左半個鐘有多，但眼見門口其實唔太多人等位，如果假日更加要早d拎定位。

日本野幾時都食唔嫌，只係隔左一個星期，日本胃就發作今次黎試下荃灣呢間峰壽司先，朋友話自從上次食完之後，就對佢念念不忘星期五收左工就急急腳黎荃灣西，黎到只不過係六點九，已經要等位等左大概四個字就入得，兩個人被安排坐Bar枱，可以望住師傅整壽司，其實都唔錯首推 - 龍之卷 (6件) $68送上枱，好有霸氣，而且擺放得幾生動每件都有一件鰻魚、炸蝦、生菜同少量蟹子。色彩豐富，而且一件壽司可以食到咁多料，真心覺得抵食。再配上個鰻魚汁  根本無得輸蝦天婦羅 (4件) $45呢個就係朋友朝思暮想既天婦羅，但佢話比上次差左。4件裡面有兩件唔脆。睇得出係新鮮炸出，但都唔脆，估計係油溫唔夠熱，無被番D油出黎不過都有讚既地方，平時最怕食蝦天婦羅無蝦味，但呢個既蝦除左有蝦味仲好彈牙。如果可以脆身D就Perfect啦春三文魚盛 $88我係妹仔肚，中意食三文魚多過吞拿魚。所以忍唔住 一定要叫個三文魚黎食先得呢個三文魚盛既賣相真係好吸引!! 不過味道就令人失望，只有外表而無內函...三文魚係厚切，但唔係肥美果類，魚油唔夠香，所以魚味唔重而且其他配料味道太濃，搶左三文魚既味吞拿魚壽司盛2人前 $130朋友為左令我對吞

等位等咗好耐 真係好多人下7點幾等到大概8點幾先有得入座不過我哋四個人有卡位坐 幾好叫咗以上呢個壽司拼盤之類嘅嘢唔錯 都幾新鮮 份量足夠特別鍾意腐皮同蝦壽司我哋都幾鍾意刺身 所以叫咗呢個除咗海膽真係幾腥之外 其他都okay我哋就覺得三文魚同吞拿魚比較好呢個好似叫龍之卷擺到好似條龍咁 都幾好食除咗以上之外 最後叫咗個章魚餅 不過就無影相 個沙律醬同章魚餅真係好夾 好好食所以個人就推介呢個4個人食晚餐埋單7百幾蚊 又唔係話好貴可以一試嘅

蝦好大隻，宜家去食炸蝦好難食到咁大隻炸蝦好脆，蝦肉好爽鰻魚味比較淡，但係淡水鰻魚嘅關係，肉身都冇咁肥味呢個係我仲喺度鍾意食嘅其中之一，即係鰻魚炸蝦卷。鰻魚味好濃！鵝肝入口即溶，好香三文魚好肥美，加埋芝士味好濃！good好新鮮好鮮甜