峰壽司魚屋

Open Now

Now Closed

峰壽司一向既質素都唔差，食過幾次都繼續會黎。而且佢有d特別既期間限定款色，每次去都總有新意。今次春之限定係三文魚，三文魚配搭唔同既食材，更加吸引視覺和味覺。紫蘇白飯魚三文卷，白飯魚簡直點緻了整件三文魚，紫蘇味又減低三文魚既膩，好食！雖然全部都係三文魚，但鍾意食三文魚既絕對唔會嫌太多太悶，因為件件都有驚喜！另一個限定菜式係炸蝦餅，雖然細細件，但真材實料，好有蝦味又彈牙。配埋沙律醬同特色醬料有雙重既味道。龍之卷，吉列蝦配鰻魚，新鮮即燒即製，好食其他款色同樣出色，但略嫌今日d壽司飯比較鬆散，一夾已經散開幾份，依度略為扣分！ 而且閒日晩市等位都等得比較耐，今次等左半個鐘有多，但眼見門口其實唔太多人等位，如果假日更加要早d拎定位。