Lady Nara

Open Now

Now Closed

之前見到廣告介紹Lady Nara，一直想去試試，早幾日同同事去咗海港城，見Nara有位就不如入去試下啦。首先係前菜，分別係「特色脆雞拼盤」同埋個「波蘿牛肉他他」。脆雞拼盤有三款雞，分別係燒烤味雞膇、松露單骨雞翼同鹹蛋黃，三款都好入味。成餐我覺得最好食係個牛肉他他，波蘿同牛肉真係好夾，酸酸甜甜開胃一流。正餐我點咗個「冬蔭煙肉忌廉意粉」，即係泰式Carbonara，冬蔭功味同忌廉岀奇地幾夾。同事嗌咗「龍蝦冬蔭意粉」，我食咗兩啖試味，覺得佢嗰碟好食啲，冬蔭功味冇咁濃但係龍蝦汁好香濃。餐飲我要咗杯「荔枝玫瑰梳打」，甜甜地天氣咁熱飲完好舒服。總結，食物份量好足，而且環境一流，唔平但都值得試。

[ #caloriefoodie尖沙咀 ]• 𝙻 𝚊 𝚍 𝚢 𝙽 𝚊 𝚛 𝚊 •成間鋪頭都係粉紅色既裝修😻仲有啲打卡位不過我就覺得係嗰度打卡會有啲尷尬🤣好多食客會望到-🦦泰式奶茶意大利芝士餅 💰$88 (午餐加配$48)𥚃面係泰式奶茶味既海綿蛋糕 但我就唔係好食得出陣味😶好彩有啲cream搭救!幾啱打卡~朋友食完之後話好飽不過我就覺得唔夠喉(˶‾᷄ ⁻̫ ‾᷅˵)-🦦冬蔭煙肉忌廉意粉 💰$138本身麻麻地食冬蔭公 不過我幾鍾意食呢個carbonara!冬蔭公味唔重 比較重忌廉海綿所以唔會太辣 小朋友都啱食~應該自己一個食都唔會覺得膩😗-🦦龍蝦冬蔭意粉 💰$ 168呢碟意粉嚴重圖文不符🥲上網睇相個擺盤靚好多 不過味道係ok既!呢個冬蔭公味重好多 我都幾鍾意佢酸酸甜甜加辣辣哋既味道🤣雖然影出嚟唔係好覺有龍蝦肉 但份量都正常既😋-最後係餐湯(⁎⁍̴̛ᴗ⁍̴̛⁎) 都幾濃郁睇落去似南瓜湯 但飲落去冇南瓜味反而有少少似咖哩味😹飲完都唔知係咩湯黎( ･᷄ὢ･᷅ )整體黎講食物係唔錯既!但價錢有少少貴 可能只係會試一次~-📍尖沙咀廣東道3-27號海港城港威商場3樓3303號舖-#caloriefoodie

最近一間泰國曼谷人氣粉紅系打卡餐廳Lady Nara黎到香港，登陸海港城，鋪位前身係Blue Elephant Thai Brasserie，佔地約4000呎，Nara係一間好有名氣既泰國餐廳，而Lady Nara就黎呢間泰國曼谷米芝蓮泰菜Nara既姐妹品牌，唔係食泰菜而係食Fusion菜，今次就黎一試呢間泰國曼谷過江龍到底好無食定係得個樣。呢間Lady Nara有分兩條線，一條係傳統既泰色菜，而另一副線就係主打西式Fusion，而香港呢間係門口既羅籌機以揀食邊條線，Nara Thai Cuisine就係傳統泰國菜，而Lady Nara就係Fusion，主打特色歐陸菜式，加上泰國元素，兩邊食既野完全唔同。Nara Thai Cuisine連續多年獲選「最佳泰國食府」，係泰國當地人氣餐廳，成日去泰國既大家可能都已經聽過甚至試過，而佢其實係兩年前已經登陸香港沙田，開左第一間分店，但今次成為城中熱話既係上年12月進駐既姐妹品牌Lady Nara，所以今次就試Lady Nara。餐廳秉承曼谷Central Embassy 總店風格，裝修主要田園風同輕奢華風格，行入去已經感受到曼谷總店精粹，牆身

自離職後, 幾乎每日都過著吃喝玩樂嘅生活, 今日難得媽咪返晏, 就同佢去間影相靚嘅餐廳打下卡chill下。上次食過佢地嘅tea-set, 今日就試試呢度嘅LUNCH正餐先!原來Lunch款式選擇唔多, 有lunch-set, 還有少量散叫,  【玫瑰泰奶茶】HK$48濃郁奶香, 散發陣陣玫瑰花香, 飲落令人心抗神怡【龍蝦冬蔭意粉】HK$168龍蝦已被拆肉, 肉質偏林, 個汁冇預期中咁重口味, 只係微酸, 食唔到冬蔭功嘅辣味, 個汁足夠撈起整個意粉, 每條意粉都沾到汁, 係一個好浸嘅意粉, 如果個汁可再濃郁d會更好。【泰式奶茶意大利芝士餅】HK$88以泰式奶茶取代咖啡, 味道竟然有意想不到驚喜! 令人一試愛上!失去了傳統Tiramisu酒嘅澀味, 換黎濃郁奶香味+濕濕綿綿口感, 超正!

#LadyNara一間港女👯‍♀️極愛裝修又非常之粉紅嘅餐廳仲要周圍都係打卡位📸每個女仔入去食嘢都一定會影一大輪但其實之前我係打咗勁多次電話☎️先book到位無誇張！係130次每次唔係User busy就係長響無人聽🤦🏻‍♀️由於想坐到sofa位所以即使book咗位我都預早咗到入座前職員就會問你係食西餐定泰國菜因為西餐就係Lady Nara泰國菜就係Nara 安排坐嘅位置都會有不同-菠蘿牛肉他他 配 甜酸蛋黃醬- $108菠蘿🍍嘅味道好搶fo食落係清新嘅但就同平時嘅牛肉他他感覺好唔同完成唔似食梗生肉亦都冇腥味同”so”味-蟹餅 配 粟米青木瓜沙律- $148咧個係咁多樣食物當中最好食的一個我絕對推介咧個蟹餅🦀一碟有2件蟹餅超級多蟹肉🦀仲要係用吉烈嘅方法去炸的再配埋個沙律🥗酸酸甜甜又有啲辣Match得超好-黑松露芝士薯條- $68作為薯條控🍟嘅我係一定不會放過咧個機會Black Truffle嘅味不算重芝士唔多覺有薯條都尚算熱辣辣另外仲配左一個非常粉紅色的紅菜頭sauce個兜野就好似鬼口水嘅感覺一啲都唔吸引-龍蝦冬蔭意粉- $168❌不推介大家食原因係唔好食🦞龍蝦肉一啲都唔爽口仲有少少”鞋”

早前同朋友去咗尖沙咀新開嘅泰國fusion 菜餐廳，加上係近期打卡店就去試下啦但唔知係咪見好多人打卡有一點期望，但就有少少失望，環境真係好少女，打卡真係幾好，但食物有一點貴，而且味道有點普通龍蝦冬蔭意粉 $168 (7/10)龍蝦肉有啲偏少，冬蔭功味道唔算好辣，但個人喜好喜歡辣多少少，辣啲個味道會再出啲再正啲，整體呢個意粉都可以特式脆雞拼盤 $128 (7/10)松露脆雞翼~係香脆的，但食唔到有松露的味道，內裡雞肉係嫩滑的黃金爆谷雞~外皮用鹹蛋黃炸香，比較香口燒烤雞槌~用燒烤醬去烹調，無咩特別，有啲鹹而最特別嘅就係有一個好少女粉紅嘅沙律醬🙊但其實都係普通沙律醬荔枝玫瑰花碟豆花茶 $48 (6/10)淡紫色的飲品，好夢幻，但其實蝶豆花本身係無特別味道，只係飲落有點荔枝的香氣，而甜度都適中，但呢一杯飲品都係用嚟打卡特色沙冰 $68 (6/10)賣相好吸引，用上一個菠蘿造形的杯，係幾特別，我同朋友都拎住影相影咗一陣先試味道，但原來只是椰子味道的沙冰，味道就有啲普通整體來講，有啲偏貴，味道方面無特別驚喜，呢間餐廳真的以打卡為主，如果去為咗食泰國嘢就可以選擇其他

一般過江龍餐廳在港開分店都令人大打折扣，我沒有試過泰國店，在沒有比較之下，覺得ok喎！平日午市套餐及散點餐牌竟然延伸到假日，實在抵！份量足，質素高，環境佳，泰式西餐crossover由前菜食到甜品都非常滿足。「龍蝦冬蔭意粉」是招牌菜之一，龍蝦肉雖少，但意粉完美搭配香濃而不辣的醬汁，謹記要趁熱食！「香煎豬扒」是典型西餐，賣相吸睛。「泰式奶茶意大利芝士餅」打卡必備食品，應該改名為髒髒tiramisu 杯，帶有淡淡的奶茶香，千萬不要一個人獨食，飽死。不過我還是比較喜歡傳統意大利帶酒味的版本。「玫瑰泰式奶茶」，粉紅賣相充滿少女味，奶茶味偏少，會越飲越淡。記得提前電話訂座，walkin應該有排等。